( Kha ) anulomaokāso
177.( Ka ) yattha kusalā dhammā uppajjittha tattha akusalā dhammā nirujjhitthāti ?
Āmantā .
( Kha ) yattha vā pana akusalā dhammā nirujjhittha tattha kusalā dhammā uppajjitthāti ?
Āmantā .
( Ka ) yattha kusalā dhammā uppajjittha tattha abyākatā dhammā
T2.110 nirujjhitthāti ?Āmantā .
( Kha ) yattha vā pana abyākatā dhammā nirujjhittha tattha kusalā dhammā uppajjitthāti ?
Asaññasatte tattha abyākatā dhammā nirujjhittha , no ca tattha kusalā dhammā uppajjittha .
Catuvokāre pañcavokāre tattha abyākatā ca dhammā nirujjhittha kusalā ca dhammā uppajjittha .
178.( Ka ) yattha
V3.79 akusalā dhammā uppajjittha tattha abyākatā dhammā nirujjhitthāti ?Āmantā .
( Kha ) yattha vā pana abyākatā dhammā nirujjhittha tattha akusalā dhammā uppajjitthāti ?
Asaññasatte tattha abyākatā dhammā nirujjhittha , no ca tattha akusalā dhammā uppajjittha .
Catuvokāre pañcavokāre
M3.56 tattha abyākatā ca dhammā nirujjhittha akusalā ca dhammā uppajjittha .