( Ga ) anulomapuggalokāsā
49.( Ka ) yassa yattha kusalā dhammā uppajjittha tassa tattha akusalā dhammā uppajjitthāti ?
Āmantā .
( Kha ) yassa vā pana yattha akusalā dhammā uppajjittha tassa tattha kusalā dhammā uppajjitthāti ?
Suddhāvāsānaṃ dutiye akusale citte vattamāne tesaṃ tattha akusalā dhammā uppajjittha , no ca tesaṃ tattha kusalā dhammā uppajjittha .
Itaresaṃ catuvokārānaṃ pañcavokārānaṃ tesaṃ tattha akusalā ca dhammā uppajjittha kusalā ca dhammā uppajjittha .
( Ka ) yassa
V3.21M3.14 yattha kusalā dhammā uppajjittha tassa tattha abyākatā dhammā uppajjitthāti ?Āmantā .
( Kha ) yassa vā pana yattha abyākatā dhammā uppajjittha tassa tattha kusalā dhammā uppajjitthāti ?
Suddhāvāsānaṃ dutiye citte vattamāne asaññasattānaṃ tesaṃ
T2.51 tattha abyākatā dhammā uppajjittha , no ca tesaṃ tattha kusalā dhammā uppajjittha .Itaresaṃ catuvokārānaṃ pañcavokārānaṃ tesaṃ tattha abyākatā ca dhammā uppajjittha kusalā ca dhammā uppajjittha .
50.( Ka ) yassa yattha akusalā dhammā uppajjittha tassa tattha abyākatā dhammā uppajjitthāti ?
Āmantā .
( Kha ) yassa vā pana yattha abyākatā dhammā uppajjittha tassa tattha akusalā dhammā uppajjitthāti ?
Suddhāvāsānaṃ dutiye citte vattamāne asaññasattānaṃ tesaṃ tattha abyākatā dhammā uppajjittha , no ca tesaṃ tattha akusalā dhammā uppajjittha .
Itaresaṃ catuvokārānaṃ pañcavokārānaṃ tesaṃ tattha abyākatā ca dhammā uppajjittha akusalā ca dhammā uppajjittha .