( Ka ) anulomapuggalo
89.( Ka ) yassa kusalā dhammā uppajjittha tassa akusalā dhammā uppajjissantīti ?
Aggamaggasamaṅgīnaṃ arahantānaṃ yassa cittassa anantarā aggamaggaṃ paṭilabhissanti tesaṃ kusalā dhammā uppajjittha , no ca tesaṃ akusalā dhammā uppajjissanti .
Itaresaṃ tesaṃ kusalā ca dhammā uppajjittha akusalā ca dhammā uppajjissanti .
( Kha ) yassa vā pana akusalā dhammā uppajjissanti tassa kusalā dhammā uppajjitthāti ?
Āmantā .
( Ka ) yassa
V3.39M3.27 kusalā dhammā uppajjittha tassa abyākatā dhammā uppajjissantīti ?Pacchimacittasamaṅgīnaṃ tesaṃ kusalā dhammā uppajjittha , no ca tesaṃ abyākatā dhammā uppajjissanti .
Itaresaṃ tesaṃ kusalā ca dhammā uppajjittha abyākatā ca dhammā uppajjissanti .
( Kha ) yassa vā pana abyākatā dhammā uppajjissanti tassa kusalā dhammā uppajjitthāti ?
Āmantā .
90.( Ka ) yassa akusalā dhammā uppajjittha tassa abyākatā dhammā uppajjissantīti ?
Pacchimacittasamaṅgīnaṃ tesaṃ akusalā dhammā uppajjittha
T2.70 , no ca tesaṃ abyākatā dhammā uppajjissanti .Itaresaṃ tesaṃ akusalā ca dhammā uppajjittha abyākatā ca dhammā uppajjissanti .
( Kha ) yassa vā pana abyākatā dhammā uppajjissanti tassa akusalā dhammā uppajjitthāti ?
Āmantā .