( Ga ) anulomapuggalokāsā
92.( Ka ) yassa yattha kusalā dhammā uppajjittha tassa tattha akusalā dhammā uppajjissantīti ?
Aggamaggasamaṅgīnaṃ arahantānaṃ yassa cittassa anantarā aggamaggaṃ paṭilabhissanti tesaṃ tattha kusalā dhammā uppajjittha , no ca tesaṃ tattha akusalā dhammā uppajjissanti .
Itaresaṃ catuvokārānaṃ pañcavokārānaṃ tesaṃ tattha kusalā ca dhammā uppajjittha akusalā ca dhammā uppajjissanti .
( Kha ) yassa
V3.40 vā pana yattha akusalā dhammā uppajjissanti tassa tattha kusalā dhammā uppajjitthāti ?Suddhāvāsānaṃ dutiye citte vattamāne tesaṃ tattha akusalā dhammā uppajjissanti , no ca tesaṃ tattha kusalā dhammā uppajjittha .
Itaresaṃ catuvokārānaṃ pañcavokārānaṃ tesaṃ tattha akusalā ca dhammā uppajjissanti kusalā ca dhammā uppajjittha .
( Ka ) yassa yattha kusalā dhammā uppajjittha tassa tattha abyākatā dhammā uppajjissantīti ?
Pacchimacittasamaṅgīnaṃ tesaṃ tattha kusalā dhammā uppajjittha , no ca tesaṃ tattha abyākatā dhammā uppajjissanti .
Itaresaṃ catuvokārānaṃ pañcavokārānaṃ tesaṃ tattha kusalā
T2.71 ca dhammā uppajjittha abyākatā ca dhammā uppajjissanti .( Kha ) yassa vā pana yattha abyākatā dhammā uppajjissanti tassa
M3.28 tattha kusalā dhammā uppajjitthāti ?Suddhāvāsānaṃ dutiye citte vattamāne asaññasattānaṃ tesaṃ tattha abyākatā dhammā uppajjissanti , no ca tesaṃ tattha kusalā dhammā uppajjittha .
Itaresaṃ catuvokārānaṃ pañcavokārānaṃ tesaṃ tattha abyākatā ca dhammā uppajjissanti kusalā ca dhammā uppajjittha .
93.( Ka ) yassa yattha akusalā dhammā uppajjittha tassa tattha abyākatā dhammā uppajjissantīti ?
Pacchimacittasamaṅgīnaṃ tesaṃ tattha akusalā dhammā uppajjittha , no ca tesaṃ tattha abyākatā dhammā uppajjissanti .
Itaresaṃ catuvokārānaṃ pañcavokārānaṃ tesaṃ tattha akusalā ca dhammā uppajjittha abyākatā ca dhammā uppajjissanti .
( Kha ) yassa vā pana yattha abyākatā dhammā uppajjissanti tassa tattha akusalā dhammā uppajjitthāti ?
Suddhāvāsānaṃ dutiye citte vattamāne asaññasattānaṃ tesaṃ tattha abyākatā
V3.41 dhammā uppajjissanti , no ca tesaṃ tattha akusalā dhammā uppajjittha .Itaresaṃ catuvokārānaṃ pañcavokārānaṃ tesaṃ tattha abyākatā ca dhammā uppajjissanti akusalā ca dhammā uppajjittha .