Issues
တည်းဖြတ်သူ
ဆက်တင်များ
Yamakapāḷi ( tatiyo bhāgo )
Yamakapāḷi ( tatiyo bhāgo )

( Ca ) paccanīkapuggalokāsā

စာရေးဆရာ： _System_Pali_VRI_ @ Administrator

( Ca ) paccanīkapuggalokāsā

43.( Ka ) yassa yattha kusalā dhammā na uppajjanti tassa tattha akusalā dhammā na uppajjantīti ?
Akusalānaṃ uppādakkhaṇe tesaṃ tattha kusalā dhammā na uppajjanti , no ca tesaṃ tattha akusalā dhammā na uppajjanti .
Sabbesaṃ cittassa bhaṅgakkhaṇe kusalavippayuttaakusalavippayuttacittassa uppādakkhaṇe asaññasattānaṃ tesaṃ tattha kusalā ca dhammā na uppajjanti akusalā ca dhammā na uppajjanti .
( Kha ) yassa vā pana yattha akusalā dhammā na uppajjanti tassa tattha kusalā dhammā na uppajjantīti ?
Kusalānaṃ uppādakkhaṇe tesaṃ tattha akusalā dhammā na uppajjanti , noV3.18 ca tesaṃ tattha kusalā dhammā na uppajjanti .
Sabbesaṃ cittassa bhaṅgakkhaṇe akusalavippayuttakusalavippayuttacittassa uppādakkhaṇeM3.12 asaññasattānaṃ tesaṃ tattha akusalā ca dhammā na uppajjanti kusalā ca dhammā na uppajjanti .
( Ka ) yassa yattha kusalā dhammā na uppajjanti tassa tattha abyākatāT2.48 dhammā na uppajjantīti ?
Sabbesaṃ upapajjantānaṃ pavatte kusalavippayuttacittassa uppādakkhaṇe tesaṃ tattha kusalā dhammā na uppajjanti , no ca tesaṃ tattha abyākatā dhammā na uppajjanti .
Sabbesaṃ cavantānaṃ pavatte cittassa bhaṅgakkhaṇe arūpe akusalānaṃ uppādakkhaṇe tesaṃ tattha kusalā ca dhammā na uppajjanti abyākatā ca dhammā na uppajjanti .
( Kha ) yassa vā pana yattha abyākatā dhammā na uppajjanti tassa tattha kusalā dhammā na uppajjantīti ?
Arūpe kusalānaṃ uppādakkhaṇe tesaṃ tattha abyākatā dhammā na uppajjanti , no ca tesaṃ tattha kusalā dhammā na uppajjanti .
Sabbesaṃ cavantānaṃ pavatte cittassa bhaṅgakkhaṇe arūpe akusalānaṃ uppādakkhaṇe tesaṃ tattha abyākatā ca dhammā na uppajjanti kusalā ca dhammā na uppajjanti .
44.( Ka ) yassa yattha akusalā dhammā na uppajjanti tassa tattha abyākatā dhammā na uppajjantīti ?
Sabbesaṃ upapajjantānaṃ pavatte akusalavippayuttacittassa uppādakkhaṇe tesaṃ tattha akusalā dhammā na uppajjanti , no ca tesaṃ tattha abyākatā dhammā na uppajjanti .
Sabbesaṃ cavantānaṃ pavatte cittassa bhaṅgakkhaṇe arūpe kusalānaṃ uppādakkhaṇe tesaṃ tattha akusalā ca dhammā na uppajjanti abyākatā ca dhammā na uppajjanti .
( Kha ) yassa vā pana yattha abyākatā dhammā na uppajjanti tassa tattha akusalā dhammā na uppajjantīti ?
ArūpeV3.19 akusalānaṃT2.49 uppādakkhaṇe tesaṃ tattha abyākatā dhammā na uppajjanti , no ca tesaṃ tattha akusalā dhammā na uppajjanti .
Sabbesaṃ cavantānaṃ pavatte cittassa bhaṅgakkhaṇe arūpe kusalānaṃ uppādakkhaṇe tesaṃ tattha abyākatā ca dhammā na uppajjanti akusalā ca dhammā na uppajjanti .