( Kha ) anulomaokāso
165.( Ka ) yattha
V3.73 kusalā dhammā uppajjanti tattha akusalā dhammā nirujjhantīti ?Āmantā .
( Kha ) yattha vā pana akusalā dhammā nirujjhanti tattha
T2.104 kusalā dhammā uppajjantīti ?Āmantā .
( Ka ) yattha kusalā dhammā uppajjanti tattha abyākatā dhammā nirujjhantīti ?
Āmantā .
( Kha ) yattha vā pana abyākatā dhammā nirujjhanti tattha kusalā dhammā uppajjantīti ?
Asaññasatte tattha abyākatā dhammā nirujjhanti , no ca tattha kusalā dhammā uppajjanti .
Catuvokāre pañcavokāre tattha abyākatā ca dhammā nirujjhanti kusalā ca dhammā uppajjanti .
166.( Ka ) yattha akusalā dhammā uppajjanti tattha abyākatā dhammā nirujjhantīti ?
Āmantā .
( Kha ) yattha vā pana abyākatā dhammā nirujjhanti tattha akusalā dhammā uppajjantīti ?
Asaññasatte tattha abyākatā dhammā nirujjhanti , no ca tattha akusalā dhammā uppajjanti .
Catuvokāre pañcavokāre tattha abyākatā ca dhammā nirujjhanti akusalā ca dhammā uppajjanti .