Issues
Editor
Settings
Yamakapāḷi ( tatiyo bhāgo )
Yamakapāḷi ( tatiyo bhāgo )

( Ca ) paccanīkapuggalokāsā

Author： _System_Pali_VRI_ @ Administrator

( Ca ) paccanīkapuggalokāsā

272.( Ka ) yassaV3.266M3.179 yattha cakkhundriyaṃ na uppajjittha tassa tattha sotindriyaṃ na uppajjitthāti ?
Āmantā .
( Kha ) yassa vā pana yattha sotindriyaṃ na uppajjittha tassa tattha cakkhundriyaṃ na uppajjitthāti ?
Āmantā .
( Ka ) yassa yattha cakkhundriyaṃ na uppajjittha tassa tattha ghānindriyaṃ na uppajjitthāti ?
Āmantā .
( Kha ) yassa vā pana yattha ghānindriyaṃ na uppajjittha tassa tattha cakkhundriyaṃ na uppajjitthāti ?
Rūpāvacarānaṃ tesaṃ tattha ghānindriyaṃ na uppajjittha , no ca tesaṃ tatthaT2.296 cakkhundriyaṃ na uppajjittha .
Suddhāvāsānaṃ asaññasattānaṃ arūpānaṃ tesaṃ tattha ghānindriyañca na uppajjittha cakkhundriyañca na uppajjittha .
Yassa yattha cakkhundriyaṃ na uppajjittha tassa tattha itthindriyaṃ … pe … purisindriyaṃ na uppajjitthāti ?
Āmantā .
Yassa vā pana yattha purisindriyaṃ na uppajjittha tassa tattha cakkhundriyaṃ na uppajjitthāti ?
Rūpāvacarānaṃ tesaṃ tattha purisindriyaṃ na uppajjittha , no ca tesaṃ tattha cakkhundriyaṃ na uppajjittha .
Suddhāvāsānaṃ asaññasattānaṃ arūpānaṃ tesaṃ tattha purisindriyañca na uppajjittha cakkhundriyañca na uppajjittha .
( Ka ) yassa yattha cakkhundriyaṃ na uppajjittha tassa tattha jīvitindriyaṃ na uppajjitthāti ?
Asaññasattānaṃ arūpānaṃ tesaṃ tattha cakkhundriyaṃ na uppajjittha , no ca tesaṃ tattha jīvitindriyaṃ na uppajjittha .
Suddhāvāsānaṃ tesaṃ tattha cakkhundriyañca na uppajjittha jīvitindriyañca na uppajjittha .
( Kha ) yassaV3.267 vā pana yattha jīvitindriyaṃ na uppajjittha tassa tattha cakkhundriyaṃ na uppajjitthāti ?
Āmantā .
( Ka ) yassa yattha cakkhundriyaṃ na uppajjittha tassa tattha somanassindriyaṃ na uppajjitthāti ?
Āmantā .
( Kha ) yassa vā pana yattha somanassindriyaṃ na uppajjittha tassa tattha cakkhundriyaṃ na uppajjitthāti ?
Āmantā .
( Ka ) yassaT2.297 yattha cakkhundriyaṃ na uppajjittha tassa tattha upekkhindriyaṃ na uppajjitthāti ?
Arūpānaṃ tesaṃ tattha cakkhundriyaṃ na uppajjittha , no ca tesaṃ tattha upekkhindriyaṃ na uppajjittha .
Suddhāvāsānaṃ asaññasattānaṃ tesaṃ tattha cakkhundriyañca na uppajjittha upekkhindriyañca na uppajjittha .
( Kha ) yassa vā pana yattha upekkhindriyaṃ na uppajjittha tassa tattha cakkhundriyaṃ na uppajjitthāti ?
Āmantā .
YassaM3.180 yattha cakkhundriyaṃ na uppajjittha tassa tattha saddhindriyaṃ … pe … paññindriyaṃ … pe … manindriyaṃ na uppajjitthāti ?
Arūpānaṃ tesaṃ tattha cakkhundriyaṃ na uppajjittha , no ca tesaṃ tattha manindriyaṃ na uppajjittha .
Suddhāvāsānaṃ asaññasattānaṃ tesaṃ tattha cakkhundriyañca na uppajjittha manindriyañca na uppajjittha .
Yassa vā pana yattha manindriyaṃ na uppajjittha tassa tattha cakkhundriyaṃ na uppajjitthāti ?
Āmantā .( Cakkhundriyamūlakaṃ )
273. Yassa yattha ghānindriyaṃ na uppajjittha tassa tattha itthindriyaṃ … pe … purisindriyaṃ na uppajjitthāti ?
Āmantā .
Yassa vā pana yattha purisindriyaṃ na uppajjittha tassa tattha ghānindriyaṃ na uppajjitthāti ?
Āmantā .
( Ka ) yassaV3.268 yattha ghānindriyaṃ na uppajjittha tassa tattha jīvitindriyaṃ na uppajjitthāti ?
Rūpāvacarānaṃ arūpāvacarānaṃ tesaṃ tattha ghānindriyaṃ na uppajjittha , no ca tesaṃ tattha jīvitindriyaṃ na uppajjittha .
Suddhāvāsānaṃ tesaṃ tattha ghānindriyañca na uppajjittha jīvitindriyañca na uppajjittha .
( Kha ) yassa vā pana yattha jīvitindriyaṃ na uppajjittha tassa tattha ghānindriyaṃ na uppajjitthāti ?
Āmantā .
( Ka ) yassaT2.298 yattha ghānindriyaṃ na uppajjittha tassa tattha somanassindriyaṃ na uppajjitthāti ?
Rūpāvacarānaṃ tesaṃ tattha ghānindriyaṃ na uppajjittha , no ca tesaṃ tattha somanassindriyaṃ na uppajjittha .
Suddhāvāsānaṃ asaññasattānaṃ arūpānaṃ tesaṃ tattha ghānindriyañca na uppajjittha somanassindriyañca na uppajjittha .
( Kha ) yassa vā pana yattha somanassindriyaṃ na uppajjittha tassa tattha ghānindriyaṃ na uppajjitthāti ?
Āmantā .
( Ka ) yassa yattha ghānindriyaṃ na uppajjittha tassa tattha upekkhindriyaṃ na uppajjitthāti ?
Rūpāvacarānaṃ arūpāvacarānaṃ tesaṃ tattha ghānindriyaṃ na uppajjittha , no ca tesaṃ tattha upekkhindriyaṃ na uppajjittha .
Suddhāvāsānaṃ asaññasattānaṃ tesaṃ tattha ghānindriyañca na uppajjittha upekkhindriyañca na uppajjittha .
( Kha ) yassa vā pana yattha upekkhindriyaṃ na uppajjittha tassa tattha ghānindriyaṃ na uppajjitthāti ?
Āmantā .
YassaT2.299 yattha ghānindriyaṃ na uppajjittha tassa tattha saddhindriyaṃ … pe … paññindriyaṃ … pe … manindriyaṃ na uppajjitthāti ?
Rūpāvacarānaṃ arūpāvacarānaṃ tesaṃ tattha ghānindriyaṃ na uppajjittha , no ca tesaṃ tattha manindriyaṃ na uppajjittha .
Suddhāvāsānaṃ asaññasattānaṃ tesaṃ tattha ghānindriyañca na uppajjittha manindriyañca na uppajjittha .
( Kha ) yassa vā pana yattha manindriyaṃ na uppajjittha tassa tattha ghānindriyaṃ na uppajjitthāti ?
Āmantā .( Ghānindriyamūlakaṃ )
274.( Ka ) yassaV3.269M3.181 yattha itthindriyaṃ na uppajjittha tassa tattha purisindriyaṃ na uppajjitthāti ?
Āmantā .
( Kha ) yassa vā pana yattha purisindriyaṃ na uppajjittha tassa tattha itthindriyaṃ na uppajjitthāti ?
Āmantā … pe ….
275.( Ka ) yassa yattha purisindriyaṃ na uppajjittha tassa tattha jīvitindriyaṃ na uppajjitthāti ?
Rūpāvacarānaṃ arūpāvacarānaṃ tesaṃ tattha purisindriyaṃ na uppajjittha , no ca tesaṃ tattha jīvitindriyaṃ na uppajjittha .
Suddhāvāsānaṃ tesaṃ tattha purisindriyañca na uppajjittha jīvitindriyañca na uppajjittha .
( Kha ) yassa vā pana yattha jīvitindriyaṃ na uppajjittha tassa tattha purisindriyaṃ na uppajjitthāti ?
Āmantā .
( Ka ) yassa yattha purisindriyaṃ na uppajjittha tassa tattha somanassindriyaṃ na uppajjitthāti ?
Rūpāvacarānaṃ tesaṃ tattha purisindriyaṃ na uppajjittha , no ca tesaṃ tattha somanassindriyaṃ na uppajjittha .
SuddhāvāsānaṃT2.300 asaññasattānaṃ arūpānaṃ tesaṃ tattha purisindriyañca na uppajjittha somanassindriyañca na uppajjittha .
( Kha ) yassa vā pana yattha somanassindriyaṃ na uppajjittha tassa tattha purisindriyaṃ na uppajjitthāti ?
Āmantā .
( Ka ) yassa yattha purisindriyaṃ na uppajjittha tassa tattha upekkhindriyaṃ na uppajjitthāti ?
Rūpāvacarānaṃ arūpāvacarānaṃ tesaṃ tattha purisindriyaṃ na uppajjittha , no ca tesaṃ tattha upekkhindriyaṃ na uppajjittha .
Suddhāvāsānaṃ asaññasattānaṃ tesaṃ tattha purisindriyañca na uppajjittha upekkhindriyañca na uppajjittha .
( Kha ) yassaV3.270 vā pana yattha upekkhindriyaṃ na uppajjittha tassa tattha purisindriyaṃ na uppajjitthāti ?
Āmantā .
Yassa yattha purisindriyaṃ na uppajjittha tassa tattha saddhindriyaṃ … pe … paññindriyaṃ … pe … manindriyaṃ na uppajjitthāti ?
Rūpāvacarānaṃ arūpāvacarānaṃ tesaṃ tattha purisindriyaṃ na uppajjittha , no ca tesaṃ tattha manindriyaṃ na uppajjittha .
Suddhāvāsānaṃ asaññasattānaṃ tesaṃ tattha purisindriyañca na uppajjittha manindriyañca na uppajjittha .
Yassa vā pana yattha manindriyaṃ na uppajjittha tassa tattha purisindriyaṃ na uppajjitthāti ?
Āmantā .( Purisindriyamūlakaṃ )
276.( Ka ) yassa yattha jīvitindriyaṃ na uppajjittha tassa tattha somanassindriyaṃ na uppajjitthāti ?
Āmantā .
( Kha ) yassa vā pana yatthaT2.301 somanassindriyaṃ na uppajjittha tassa tattha jīvitindriyaṃ na uppajjitthāti ?
Suddhāvāsānaṃ dutiye citte vattamāneM3.182 asaññasattānaṃ tesaṃ tattha somanassindriyaṃ na uppajjittha , no ca tesaṃ tattha jīvitindriyaṃ na uppajjittha .
Suddhāvāsānaṃ upapatticittassa uppādakkhaṇe tesaṃ tattha somanassindriyañca na uppajjittha jīvitindriyañca na uppajjittha .
Yassa yattha jīvitindriyaṃ na uppajjittha tassa tattha upekkhindriyaṃ … pe … saddhindriyaṃ … pe … paññindriyaṃ … pe … manindriyaṃ na uppajjitthāti ?
Āmantā .
Yassa vā pana yattha manindriyaṃ na uppajjittha tassa tattha jīvitindriyaṃ na uppajjitthāti ?
Asaññasattānaṃ tesaṃ tattha manindriyaṃ na uppajjittha , no ca tesaṃ tattha jīvitindriyaṃ na uppajjittha .
Suddhāvāsānaṃ upapatticittassa uppādakkhaṇeV3.271 tesaṃ tattha manindriyañca na uppajjittha jīvitindriyañca na uppajjittha .( Jīvitindriyamūlakaṃ )
277. Yassa yattha somanassindriyaṃ na uppajjittha tassa tattha upekkhindriyaṃ … pe … saddhindriyaṃ … pe … paññindriyaṃ … pe … manindriyaṃ na uppajjitthāti ?
Suddhāvāsānaṃ dutiye citte vattamāne tesaṃ tattha somanassindriyaṃ na uppajjittha , no ca tesaṃ tattha manindriyaṃ na uppajjittha .
Suddhāvāsānaṃ upapajjantānaṃ asaññasattānaṃ tesaṃ tattha somanassindriyañca na uppajjittha manindriyañca na uppajjittha .
Yassa vā pana yattha manindriyaṃ na uppajjittha tassa tattha somanassindriyaṃT2.302 na uppajjitthāti ?
Āmantā .( Somanassindriyamūlakaṃ )
278. Yassa yattha upekkhindriyaṃ na uppajjittha tassa tattha saddhindriyaṃ … pe … paññindriyaṃ … pe … manindriyaṃ na uppajjitthāti ?
Āmantā .
Yassa vā pana yattha manindriyaṃ na uppajjittha tassa tattha upekkhindriyaṃ na uppajjitthāti ?
Āmantā .( Upekkhindriyamūlakaṃ )
279. Yassa yattha saddhindriyaṃ na uppajjittha tassa tattha paññindriyaṃ … pe … manindriyaṃ na uppajjitthāti ?
Āmantā .
Yassa vā pana yattha manindriyaṃ na uppajjittha tassa tattha saddhindriyaṃ na uppajjitthāti ?
Āmantā .( Saddhindriyamūlakaṃ )
280.( Ka ) yassa yattha paññindriyaṃ na uppajjittha tassa tattha manindriyaṃ na uppajjitthāti ?
Āmantā .
( Kha ) yassa vā pana yattha manindriyaṃ na uppajjittha tassa tattha paññindriyaṃ na uppajjitthāti ?
Āmantā .( Paññindriyamūlakaṃ )