( Ca ) paccanīkapuggalokāsā

326.( Ka ) yassaV3.314 yattha cakkhundriyaṃ na uppajjissati tassa tattha sotindriyaṃ na uppajjissatīti ?

Āmantā .

( Kha ) yassa vā pana yattha sotindriyaṃ na uppajjissati tassa tattha cakkhundriyaṃ na uppajjissatīti ?

Āmantā .

( Ka ) yassaM3.212 yattha cakkhundriyaṃ na uppajjissati tassa tattha ghānindriyaṃ na uppajjissatīti ?

Āmantā .

( Kha ) yassa vā pana yattha ghānindriyaṃ na uppajjissati tassa tattha cakkhundriyaṃ na uppajjissatīti ?

Rūpāvacarānaṃ tesaṃ tattha ghānindriyaṃ na uppajjissati , no ca tesaṃ tattha cakkhundriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ tesaṃ tattha ghānindriyañca na uppajjissati cakkhundriyañca na uppajjissati .

( Ka ) yassa yattha cakkhundriyaṃ na uppajjissati tassa tattha itthindriyaṃ na uppajjissatīti ?

Āmantā .

( Kha ) yassa vā pana yattha itthindriyaṃ na uppajjissati tassa tattha cakkhundriyaṃ na uppajjissatīti ?

Rūpāvacarānaṃ ye ca purisā eteneva bhāvena katici bhave dassetvā parinibbāyissanti tesaṃ tattha itthindriyaṃ na uppajjissati , no ca tesaṃ tattha cakkhundriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ tesaṃ tattha itthindriyañca na uppajjissati cakkhundriyañcaT2.352 na uppajjissati .

( Ka ) yassa yattha cakkhundriyaṃ na uppajjissati tassa tattha purisindriyaṃ na uppajjissatīti ?

Āmantā .

( Kha ) yassa vā pana yattha purisindriyaṃ na uppajjissati tassa tattha cakkhundriyaṃ na uppajjissatīti ?

RūpāvacarānaṃV3.315 yā ca itthiyo eteneva bhāvena katici bhave dassetvā parinibbāyissanti tesaṃ tattha purisindriyaṃ na uppajjissati , no ca tesaṃ tattha cakkhundriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ tesaṃ tattha purisindriyañca na uppajjissati cakkhundriyañca na uppajjissati .

( Ka ) yassa yattha cakkhundriyaṃ na uppajjissati tassa tattha jīvitindriyaṃ na uppajjissatīti ?

Asaññasattānaṃ arūpānaṃ tesaṃ tattha cakkhundriyaṃ na uppajjissati , no ca tesaṃ tattha jīvitindriyaṃ na uppajjissati .

Pacchimabhavikānaṃ tesaṃ tattha cakkhundriyañca na uppajjissati jīvitindriyañca na uppajjissati .

( Kha ) yassa vā pana yattha jīvitindriyaṃ na uppajjissati tassa tattha cakkhundriyaṃ na uppajjissatīti ?

Āmantā .

( Ka ) yassa yattha cakkhundriyaṃ na uppajjissati tassa tattha somanassindriyaṃ na uppajjissatīti ?

Āmantā .

( Kha ) yassa vā pana yattha somanassindriyaṃ na uppajjissati tassa tattha cakkhundriyaṃ na uppajjissatīti ?

Ye sacakkhukā upekkhāya upapajjitvā parinibbāyissantiT2.353 tesaṃ tattha somanassindriyaṃ na uppajjissatiM3.213 , no ca tesaṃ tattha cakkhundriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ tesaṃ tattha somanassindriyañca na uppajjissati cakkhundriyañca na uppajjissati .

( Ka ) yassa yattha cakkhundriyaṃ na uppajjissati tassa tattha upekkhindriyaṃ na uppajjissatīti ?

Arūpānaṃ tesaṃ tattha cakkhundriyaṃ na uppajjissati , no ca tesaṃ tattha upekkhindriyaṃ na uppajjissati .

Pacchimabhavikānaṃ asaññasattānaṃ tesaṃV3.316 tattha cakkhundriyañca na uppajjissati upekkhindriyañca na uppajjissati .

( Kha ) yassa vā pana yattha upekkhindriyaṃ na uppajjissati tassa tattha cakkhundriyaṃ na uppajjissatīti ?

Ye sacakkhukā somanassena upapajjitvā parinibbāyissanti tesaṃ tattha upekkhindriyaṃ na uppajjissati , no ca tesaṃ tattha cakkhundriyaṃ na uppajjissati .

Pacchimabhavikānaṃ asaññasattānaṃ tesaṃ tattha upekkhindriyañca na uppajjissati cakkhundriyañca na uppajjissati .

Yassa yattha cakkhundriyaṃ na uppajjissati tassa tattha saddhindriyaṃ … pe … paññindriyaṃ … pe … manindriyaṃ na uppajjissatīti ?

Arūpānaṃ tesaṃ tattha cakkhundriyaṃ na uppajjissati , no ca tesaṃ tattha manindriyaṃ na uppajjissati .

Pacchimabhavikānaṃ asaññasattānaṃ tesaṃ tattha cakkhundriyañca na uppajjissati manindriyañca na uppajjissati .

Yassa vā pana yatthaT2.354 manindriyaṃ na uppajjissati tassa tattha cakkhundriyaṃ na uppajjissatīti ?

Āmantā .( Cakkhundriyamūlakaṃ )

327.( Ka ) yassa yattha ghānindriyaṃ na uppajjissati tassa tattha itthindriyaṃ na uppajjissatīti ?

Āmantā .

( Kha ) yassa vā pana yattha itthindriyaṃ na uppajjissati tassa tattha ghānindriyaṃ na uppajjissatīti ?

Ye purisā eteneva bhāvena katici bhave dassetvā parinibbāyissanti tesaṃ tattha itthindriyaṃ na uppajjissati , no ca tesaṃ tattha ghānindriyaṃ na uppajjissati .

Kāmāvacare pacchimabhavikānaṃ rūpāvacarānaṃ arūpāvacarānaṃ tesaṃ tattha itthindriyañca na uppajjissati ghānindriyañca na uppajjissati .

( Ka ) yassa yattha ghānindriyaṃ na uppajjissati tassa tattha purisindriyaṃ na uppajjissatīti ?

Āmantā .

( Kha ) yassa vā pana yattha purisindriyaṃ na uppajjissati tassa tattha ghānindriyaṃ na uppajjissatīti ?

Yā itthiyo eteneva bhāvena katici bhave dassetvā parinibbāyissanti tāsaṃ tattha purisindriyaṃ na uppajjissati , no ca tāsaṃ tatthaV3.317 ghānindriyaṃ na uppajjissati .

Kāmāvacare pacchimabhavikānaṃM3.214 rūpāvacarānaṃ arūpāvacarānaṃ tesaṃ tattha purisindriyañca na uppajjissati ghānindriyañca na uppajjissati .

( Ka ) yassa yattha ghānindriyaṃ na uppajjissati tassa tattha jīvitindriyaṃ na uppajjissatīti ?

Rūpāvacarānaṃ arūpāvacarānaṃ tesaṃ tattha ghānindriyaṃT2.355 na uppajjissati , no ca tesaṃ tattha jīvitindriyaṃ na uppajjissati .

Pacchimabhavikānaṃ tesaṃ tattha ghānindriyañca na uppajjissati jīvitindriyañca na uppajjissati .

( Kha ) yassa vā pana yattha jīvitindriyaṃ na uppajjissati tassa tattha ghānindriyaṃ na uppajjissatīti ?

Āmantā .

( Ka ) yassa yattha ghānindriyaṃ na uppajjissati tassa tattha somanassindriyaṃ na uppajjissatīti ?

Rūpāvacarānaṃ tesaṃ tattha ghānindriyaṃ na uppajjissati , no ca tesaṃ tattha somanassindriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ tesaṃ tattha ghānindriyañca na uppajjissati somanassindriyañca na uppajjissati .

( Kha ) yassa vā pana yattha somanassindriyaṃ na uppajjissati tassa tattha ghānindriyaṃ na uppajjissatīti ?

Ye saghānakā upekkhāya upapajjitvā parinibbāyissanti tesaṃ tattha somanassindriyaṃ na uppajjissati , no ca tesaṃ tattha ghānindriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ tesaṃ tattha somanassindriyañca na uppajjissati ghānindriyañca na uppajjissati .

( Ka ) yassa yattha ghānindriyaṃ na uppajjissati tassa tattha upekkhindriyaṃ na uppajjissatīti ?

Rūpāvacarānaṃ arūpāvacarānaṃ tesaṃ tattha ghānindriyaṃ na uppajjissatiV3.318 , no ca tesaṃ tattha upekkhindriyaṃ na uppajjissati .

Pacchimabhavikānaṃ asaññasattānaṃ tesaṃ tattha ghānindriyañcaT2.356 na uppajjissati upekkhindriyañca na uppajjissati .

( Kha ) yassa vā pana yattha upekkhindriyaṃ na uppajjissati tassa tattha ghānindriyaṃ na uppajjissatīti ?

Ye saghānakā somanassena upapajjitvā parinibbāyissanti tesaṃ tattha upekkhindriyaṃ na uppajjissati , no ca tesaṃ tattha ghānindriyaṃ na uppajjissati .

Pacchimabhavikānaṃ asaññasattānaṃ tesaṃ tattha upekkhindriyañca na uppajjissati ghānindriyañca na uppajjissati .

Yassa yattha ghānindriyaṃ na uppajjissati tassa tattha saddhindriyaṃ … pe … paññindriyaṃ … pe … manindriyaṃ na uppajjissatīti ?

Rūpāvacarānaṃ arūpāvacarānaṃ tesaṃ tattha ghānindriyaṃ na uppajjissati , no ca tesaṃ tattha manindriyaṃ na uppajjissati .

PacchimabhavikānaṃM3.215 asaññasattānaṃ tesaṃ tattha ghānindriyañca na uppajjissati manindriyañca na uppajjissati .

Yassa vā pana yattha manindriyaṃ na uppajjissati tassa tattha ghānindriyaṃ na uppajjissatīti ?

Āmantā .( Ghānindriyamūlakaṃ )

328.( Ka ) yassa yattha itthindriyaṃ na uppajjissati tassa tattha purisindriyaṃ na uppajjissatīti ?

Ye purisā eteneva bhāvena katici bhave dassetvā parinibbāyissanti tesaṃ tattha itthindriyaṃ na uppajjissati , no ca tesaṃ tattha purisindriyaṃ na uppajjissati .

Kāmāvacare pacchimabhavikānaṃ rūpāvacarānaṃ arūpāvacarānaṃ tesaṃ tattha itthindriyañca na uppajjissati purisindriyañca na uppajjissati .

( Kha ) yassa vā pana yatthaT2.357 purisindriyaṃ na uppajjissati tassa tattha itthindriyaṃ na uppajjissatīti ?

YāV3.319 itthiyo eteneva bhāvena katici bhave dassetvā parinibbāyissanti tāsaṃ tattha purisindriyaṃ na uppajjissati , no ca tāsaṃ tattha itthindriyaṃ na uppajjissati .

Kāmāvacare pacchimabhavikānaṃ rūpāvacarānaṃ arūpāvacarānaṃ tesaṃ tattha purisindriyañca na uppajjissati itthindriyañca na uppajjissati .

( Ka ) yassa yattha itthindriyaṃ na uppajjissati tassa tattha jīvitindriyaṃ na uppajjissatīti ?

Rūpāvacarānaṃ arūpāvacarānaṃ ye ca purisā eteneva bhāvena katici bhave dassetvā parinibbāyissanti tesaṃ tattha itthindriyaṃ na uppajjissati , no ca tesaṃ tattha jīvitindriyaṃ na uppajjissati .

Pacchimabhavikānaṃ tesaṃ tattha itthindriyañca na uppajjissati jīvitindriyañca na uppajjissati .

( Kha ) yassa vā pana yattha jīvitindriyaṃ na uppajjissati tassa tattha itthindriyaṃ na uppajjissatīti ?

Āmantā .

( Ka ) yassa yattha itthindriyaṃ na uppajjissati tassa tattha somanassindriyaṃ na uppajjissatīti ?

Rūpāvacarānaṃ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṃ tattha itthindriyaṃ na uppajjissati , no ca tesaṃ tattha somanassindriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṃT2.358 tattha itthindriyañca na uppajjissati somanassindriyañca na uppajjissati .

( Kha ) yassa vā pana yattha somanassindriyaṃ na uppajjissati tassa tattha itthindriyaṃ na uppajjissatīti ?

Yā itthiyo etenevaM3.216 bhāvena katici bhave dassetvā upekkhāya upapajjitvā parinibbāyissanti tāsaṃ tattha somanassindriyaṃ na uppajjissati , no ca tāsaṃ tattha itthindriyaṃ na uppajjissati .

PañcavokāreV3.320 pacchimabhavikānaṃ asaññasattānaṃ arūpānaṃ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṃ tattha somanassindriyañca na uppajjissati itthindriyañca na uppajjissati .

( Ka ) yassa yattha itthindriyaṃ na uppajjissati tassa tattha upekkhindriyaṃ na uppajjissatīti ?

Rūpāvacarānaṃ arūpāvacarānaṃ ye ca purisā eteneva bhāvena katici bhave dassetvā upekkhāya upapajjitvā parinibbāyissanti tesaṃ tattha itthindriyaṃ na uppajjissati , no ca tesaṃ tattha upekkhindriyaṃ na uppajjissati .

Pacchimabhavikānaṃ asaññasattānaṃ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṃ tattha itthindriyañca na uppajjissati upekkhindriyañca na uppajjissati .

( Kha ) yassa vā pana yattha upekkhindriyaṃ na uppajjissati tassa tattha itthindriyaṃ na uppajjissatīti ?

Yā itthiyo eteneva bhāvena katici bhaveT2.359 dassetvā somanassena upapajjitvā parinibbāyissanti tāsaṃ tattha upekkhindriyaṃ na uppajjissati , no ca tāsaṃ tattha itthindriyaṃ na uppajjissati .

Pacchimabhavikānaṃ asaññasattānaṃ ye ca purisā eteneva bhāvena katici bhave dassetvā somanassena upapajjitvā parinibbāyissanti tesaṃ tattha upekkhindriyañca na uppajjissati itthindriyañca na uppajjissati .

Yassa yattha itthindriyaṃ na uppajjissati tassa tattha saddhindriyaṃ … pe … paññindriyaṃ … pe … manindriyaṃ na uppajjissatīti ?

Rūpāvacarānaṃ arūpāvacarānaṃ ye ca purisā eteneva bhāvena katici bhave dassetvā parinibbāyissanti tesaṃ tattha itthindriyaṃ na uppajjissati , no ca tesaṃ tattha manindriyaṃ na uppajjissati .

Pacchimabhavikānaṃ asaññasattānaṃ tesaṃ tattha itthindriyañca na uppajjissati manindriyañca na uppajjissati .

Yassa vā pana yattha manindriyaṃ na uppajjissati tassa tattha itthindriyaṃ na uppajjissatīti ?

Āmantā .( Itthindriyamūlakaṃ )

329.( Ka ) yassaV3.321 yattha purisindriyaṃ na uppajjissati tassa tattha jīvitindriyaṃ na uppajjissatīti ?

Rūpāvacarānaṃ arūpāvacarānaṃ yā ca itthiyo eteneva bhāvena katici bhave dassetvā parinibbāyissanti tesaṃ tattha purisindriyaṃ naM3.217 uppajjissati , no ca tesaṃ tattha jīvitindriyaṃ na uppajjissati .

Pacchimabhavikānaṃ tesaṃ tattha purisindriyañca na uppajjissati jīvitindriyañca na uppajjissati .

( Kha ) yassa vā pana yatthaT2.360 jīvitindriyaṃ na uppajjissati tassa tattha purisindriyaṃ na uppajjissatīti ?

Āmantā .

( Ka ) yassa yattha purisindriyaṃ na uppajjissati tassa tattha somanassindriyaṃ na uppajjissatīti ?

Rūpāvacarānaṃ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṃ tattha purisindriyaṃ na uppajjissati , no ca tesaṃ tattha somanassindriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṃ tattha purisindriyañca na uppajjissati somanassindriyañca na uppajjissati .

( Kha ) yassa vā pana yattha somanassindriyaṃ na uppajjissati tassa tattha purisindriyaṃ na uppajjissatīti ?

Ye purisā eteneva bhāvena katici bhave dassetvā upekkhāya upapajjitvā parinibbāyissanti tesaṃ tattha somanassindriyaṃ na uppajjissati , no ca tesaṃ tattha purisindriyaṃ na uppajjissati .

Pañcavokāre pacchimabhavikānaṃ asaññasattānaṃ arūpānaṃ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṃ tattha somanassindriyañca na uppajjissati purisindriyañca na uppajjissati .

( Ka ) yassaV3.322 yattha purisindriyaṃ na uppajjissati tassa tattha upekkhindriyaṃT2.361 na uppajjissatīti ?

Rūpāvacarānaṃ arūpāvacarānaṃ yā ca itthiyo eteneva bhāvena katici bhave dassetvā upekkhāya upapajjitvā parinibbāyissanti tesaṃ tattha purisindriyaṃ na uppajjissati , no ca tesaṃ tattha upekkhindriyaṃ na uppajjissati .

Pacchimabhavikānaṃ asaññasattānaṃ yā ca itthiyo eteneva bhāvena katici bhave dassetvā somanassena upapajjitvā parinibbāyissanti tesaṃ tattha purisindriyañca na uppajjissati upekkhindriyañca na uppajjissati .

( Kha ) yassa vā pana yattha upekkhindriyaṃ na uppajjissati tassa tattha purisindriyaṃ na uppajjissatīti ?

Ye purisā eteneva bhāvena katici bhave dassetvā somanassena upapajjitvā parinibbāyissanti tesaṃ tattha upekkhindriyaṃ na uppajjissati , no ca tesaṃ tattha purisindriyaṃ na uppajjissati .

Pacchimabhavikānaṃ asaññasattānaṃ yā ca itthiyo eteneva bhāvena katiciM3.218 bhave dassetvā somanassena upapajjitvā parinibbāyissanti tesaṃ tattha upekkhindriyañca na uppajjissati purisindriyañca na uppajjissati .

Yassa yattha purisindriyaṃ na uppajjissati tassa tattha saddhindriyaṃ … pe … paññindriyaṃ … pe … manindriyaṃ na uppajjissatīti ?

Rūpāvacarānaṃ arūpāvacarānaṃ yā ca itthiyo eteneva bhāvena katici bhave dassetvā parinibbāyissanti tesaṃ tattha purisindriyaṃ na uppajjissati , no ca tesaṃ tattha manindriyaṃ na uppajjissati .

PacchimabhavikānaṃT2.362 asaññasattānaṃ tesaṃ tattha purisindriyañca na uppajjissati manindriyañca na uppajjissati .

Yassa vā pana yattha manindriyaṃ na uppajjissati tassa tattha purisindriyaṃ na uppajjissatīti ?

Āmantā .( Purisindriyamūlakaṃ )

330.( Ka ) yassaV3.323 yattha jīvitindriyaṃ na uppajjissati tassa tattha somanassindriyaṃ na uppajjissatīti ?

Āmantā .

( Kha ) yassa vā pana yattha somanassindriyaṃ na uppajjissati tassa tattha jīvitindriyaṃ na uppajjissatīti ?

Yassa cittassa anantarā upekkhāsampayuttapacchimacittaṃ uppajjissati asaññasattānaṃ tesaṃ tattha somanassindriyaṃ na uppajjissati , no ca tesaṃ tattha jīvitindriyaṃ na uppajjissati .

Pacchimacittasamaṅgīnaṃ tesaṃ tattha somanassindriyañca na uppajjissati jīvitindriyañca na uppajjissati .

( Ka ) yassa yattha jīvitindriyaṃ na uppajjissati tassa tattha upekkhindriyaṃ na uppajjissatīti ?

Āmantā .

( Kha ) yassa vā pana yattha upekkhindriyaṃ na uppajjissati tassa tattha jīvitindriyaṃ na uppajjissatīti ?

Yassa cittassa anantarā somanassasampayuttapacchimacittaṃ uppajjissati asaññasattānaṃ tesaṃ tattha upekkhindriyaṃ na uppajjissati , no ca tesaṃ tattha jīvitindriyaṃ na uppajjissati .

Pacchimacittasamaṅgīnaṃ tesaṃ tattha upekkhindriyañca na uppajjissati jīvitindriyañca na uppajjissati .

YassaT2.363 yattha jīvitindriyaṃ na uppajjissati tassa tattha saddhindriyaṃ … pe … paññindriyaṃ … pe … manindriyaṃ na uppajjissatīti ?

Āmantā .

Yassa vā pana yattha manindriyaṃ na uppajjissati tassa tattha jīvitindriyaṃ na uppajjissatīti ?

Asaññasattānaṃ tesaṃ tattha manindriyaṃ na uppajjissati , no ca tesaṃ tattha jīvitindriyaṃ na uppajjissati .

Pacchimacittasamaṅgīnaṃ tesaṃ tattha manindriyañca na uppajjissati jīvitindriyañca na uppajjissati .( Jīvitindriyamūlakaṃ )

331.( Ka ) yassaV3.324M3.219 yattha somanassindriyaṃ na uppajjissati tassa tattha upekkhindriyaṃ na uppajjissatīti ?

Yassa cittassa anantarā upekkhāsampayuttapacchimacittaṃ uppajjissati tesaṃ tattha somanassindriyaṃ na uppajjissati , no ca tesaṃ tattha upekkhindriyaṃ na uppajjissati .

Pacchimacittasamaṅgīnaṃ asaññasattānaṃ tesaṃ tattha somanassindriyañca na uppajjissati upekkhindriyañca na uppajjissati .

( Kha ) yassa vā pana yattha upekkhindriyaṃ na uppajjissati tassa tattha somanassindriyaṃ na uppajjissatīti ?

Yassa cittassa anantarā somanassasampayuttapacchimacittaṃ uppajjissati tesaṃ tattha upekkhindriyaṃ na uppajjissati , no ca tesaṃ tattha somanassindriyaṃ na uppajjissati .

Pacchimacittasamaṅgīnaṃ asaññasattānaṃ tesaṃ tattha upekkhindriyañca na uppajjissati somanassindriyañca na uppajjissati .

Yassa yattha somanassindriyaṃ na uppajjissati tassa tattha saddhindriyaṃ … pe …T2.364 paññindriyaṃ … pe … manindriyaṃ na uppajjissatīti ?

Yassa cittassa anantarā upekkhāsampayuttapacchimacittaṃ uppajjissati tesaṃ tattha somanassindriyaṃ na uppajjissati , no ca tesaṃ tattha manindriyaṃ na uppajjissati .

Pacchimacittasamaṅgīnaṃ asaññasattānaṃ tesaṃ tattha somanassindriyañca na uppajjissati manindriyañca na uppajjissati .

Yassa vā pana yattha manindriyaṃ na uppajjissati tassa tattha somanassindriyaṃ na uppajjissatīti ?

Āmantā .( Somanassindriyamūlakaṃ )

332. Yassa yattha upekkhindriyaṃ na uppajjissati tassa tattha saddhindriyaṃ … pe … paññindriyaṃ … pe … manindriyaṃ na uppajjissatīti ?

Yassa cittassa anantarā somanassasampayuttapacchimacittaṃ uppajjissatiV3.325 tesaṃ tattha upekkhindriyaṃ na uppajjissati , no ca tesaṃ tattha manindriyaṃ na uppajjissati .

Pacchimacittasamaṅgīnaṃ asaññasattānaṃ tesaṃ tattha upekkhindriyañcaT2.365 na uppajjissati manindriyañca na uppajjissati .

Yassa vā pana yattha manindriyaṃ na uppajjissati tassa tattha upekkhindriyaṃ na uppajjissatīti ?

Āmantā .( Upekkhindriyamūlakaṃ )

333. Yassa yattha saddhindriyaṃ na uppajjissati tassa tattha paññindriyaṃ … pe … manindriyaṃ na uppajjissatīti ?

Āmantā .

Yassa vā pana yattha manindriyaṃ na uppajjissati tassa tattha saddhindriyaṃ na uppajjissatīti ?

Āmantā .( Saddhindriyamūlakaṃ )

334.( Ka ) yassa yattha paññindriyaṃ na uppajjissati tassa tattha manindriyaṃ na uppajjissatīti ?

Āmantā .

( Kha ) yassa vā pana yattha manindriyaṃ na uppajjissati tassa tattha paññindriyaṃ na uppajjissatīti ?

Āmantā .( Paññindriyamūlakaṃ )

Issues

Yamakapāḷi ( tatiyo bhāgo )

Yamakapāḷi ( tatiyo bhāgo )