( Ka ) anulomapuggalo
57.( Ka ) yassa
M3.16 kusalā dhammā uppajjissanti tassa akusalā dhammā uppajjissantīti ?Yassa
V3.24 cittassa anantarā aggamaggaṃ paṭilabhissanti tesaṃ kusalā dhammā uppajjissanti , no ca tesaṃ akusalā dhammā uppajjissanti .Itaresaṃ tesaṃ kusalā ca dhammā uppajjissanti akusalā ca dhammā uppajjissanti .
( Kha ) yassa vā pana akusalā dhammā uppajjissanti tassa kusalā dhammā uppajjissantīti ?
Āmantā .
( Ka ) yassa kusalā dhammā uppajjissanti tassa abyākatā dhammā uppajjissantīti ?
Āmantā .
( Kha ) yassa vā pana abyākatā dhammā
T2.54 uppajjissanti tassa kusalā dhammā uppajjissantīti ?Aggamaggasamaṅgīnaṃ arahantānaṃ tesaṃ abyākatā dhammā uppajjissanti , no ca tesaṃ kusalā dhammā uppajjissanti .
Itaresaṃ tesaṃ abyākatā ca dhammā uppajjissanti kusalā ca dhammā uppajjissanti .
58.( Ka ) yassa akusalā dhammā uppajjissanti tassa abyākatā dhammā uppajjissantīti ?
Āmantā .
( Kha ) yassa vā pana abyākatā dhammā uppajjissanti tassa akusalā dhammā uppajjissantīti ?
Aggamaggasamaṅgīnaṃ arahantānaṃ yassa cittassa anantarā aggamaggaṃ paṭilabhissanti tesaṃ abyākatā dhammā uppajjissanti , no ca tesaṃ akusalā dhammā uppajjissanti .
Itaresaṃ tesaṃ abyākatā ca dhammā uppajjissanti akusalā ca dhammā uppajjissanti .