7-8.

49. ChaṭṭheV3.161M3.173 nhāruvilekhanan ti cammaṃ likhantānaṃ cammaṃ likhitvā chaḍḍitakasaṭaṃ .

Vacchatarasatānīti yuvabhāvappattāni nātibalavavacchasatāni . Te pana vacchā eva honti , na dammā , balībaddā vā . Urabbhāti taruṇameṇḍakā vuccanti . Upanītānīti ṭhapanatthāya upanītāni . Vihiṃsaṭṭhenāti hiṃsanaṭṭhena . Upavāyatūti upagantvā sarīradarathaṃ nibbāpento saṇhasītalā vāto vāyatu . Sesaṃ suviññeyyameva .

Pañcame natthi vattabbaṃ .

‘‘ Esohamasmī ’’ tiādinā ahaṃkaraṇaṃ ahaṅkāro . ‘‘ Etaṃ mamā ’’ ti mamaṃkaraṇaṃ mamaṅkāro . Tenāha ‘‘ ahaṅkāradiṭṭhito ’’ tiādi .

Tisso vidhāti seyyasadisahīnavasena tayo mānā . ‘‘ Ekavidhena rūpasaṅgaho ’’ tiādīsu ( dha . sa .584) koṭṭhāso ‘‘ vidhā ’’ ti vutto . ‘‘ Kathaṃvidhaṃ sīlavantaṃ vadanti , kathaṃvidhaṃ paññavantaṃ vadantī ’’ tiādīsu ( saṃ . ni .1.95) pakāro . ‘‘ Tisso imā , bhikkhave , vidhā . Katamā tisso ? Seyyohamasmīti vidhā ’’ ti ( vibha .920) ettha māno ‘‘ vidhā ’’ ti vutto . Idhāpi mānova adhippeto . Māno hi vidahanato hīnādivasena tividhā . Tenākārena dahanato upadahanato ‘‘ vidhā ’’ ti vuccati .