3. Vipākattikavaṇṇanā
1-23.
Vipākattike vipākadhammaṃ paṭiccāti vipākaṃ dhammaṃ paṭicca .
Samāsenapi hi soyevattho vuttoti pāḷiyaṃ samāsaṃ katvā likhitaṃ .
24-52.
‘‘ Nevavipākanavipākadhammadhammaṃ
M0.241 paṭicca nevavipākanavipākadhammadhammo uppajjati navipākapaccayā ’’ ti etassa vibhaṅge ‘‘ mahābhūte paṭicca cittasamuṭṭhānaṃ rūpaṃ upādārūpan ’’ ti ettakamevaV0.250 vuttaṃ , na vuttaṃ ‘‘ kaṭattārūpan ’’ ti .Taṃ khandhe paṭicca uppajjamānassa mahābhūte paṭicca uppattidassanatthattā na vuttaṃ .
Na hettha kaṭattārūpassa khandhe paṭicca uppatti atthi , yassa mahābhūte paṭicca uppatti vattabbā siyā .
Pavattiyaṃ pana kaṭattārūpaṃ ‘‘ asaññasattānaṃ … pe … mahābhūte paṭicca kaṭattārūpaṃ upādārūpan ’’ ti eteneva dassitaṃ hoti .
Evañca katvā asaññasattānaṃ rūpasamānagatikattā nāhārapaccaye ca pavattiyaṃ kaṭattārūpaṃ na uddhaṭaṃ .
Tampi hi uppādakkhaṇe āhārapaccayena vinā uppajjatīti uddharitabbaṃ siyāti .
Vipākattikavaṇṇanā niṭṭhitā .