Therīgāthāpāḷi

ผู้แต่ง： _System_Pali_VRI_ @ Administrator

Therīgāthāpāḷi

1. Ekakanipāto

1. Aññatarātherīgāthā

‘‘ SukhaṃT0.442M0.377V0.303P0.123 supāhi therike , katvā coḷena pārutā ;

Upasanto hi te rāgo , sukkhaḍākaṃ va kumbhiyan ’’ ti .

Itthaṃ sudaṃ aññatarā therī apaññātā bhikkhunī gāthaṃ abhāsitthāti .

2. Muttātherīgāthā

‘‘ MutteV0.304 muccassu yogehi , cando rāhuggahā iva ;

Vippamuttena cittena , anaṇā bhuñja piṇḍakan ’’ ti .

Itthaṃ sudaṃ bhagavā muttaṃ sikkhamānaṃ imāya gāthāya abhiṇhaṃ ovadatīti .

3. Puṇṇātherīgāthā

‘‘ Puṇṇe pūrassu dhammehi , cando pannaraseriva ;

Paripuṇṇāya paññāya , tamokhandhaṃ [ tamokkhandhaṃ ( sī . syā .)] padālayā ’’ ti .

Itthaṃ sudaṃ puṇṇā therī gāthaṃ abhāsitthāti .

4. Tissātherīgāthā

‘‘ Tisse sikkhassu sikkhāya , mā taṃ yogā upaccaguṃ ;

Sabbayogavisaṃyuttā , cara loke anāsavā ’’ ti .

… Tissā therī ….

5. Aññatarātissātherīgāthā

‘‘ TisseT0.443M0.378 yuñjassu dhammehi , khaṇo taṃ mā upaccagā ;

Khaṇātītā hi socanti , nirayamhi samappitā ’’ ti .

… Aññatarā tissā therī ….

6. Dhīrātherīgāthā

‘‘ DhīreP0.124 nirodhaṃ phusehi [ phussehi ( sī .)], saññāvūpasamaṃ sukhaṃ ;

Ārādhayāhi nibbānaṃ , yogakkhemamanuttaran ’’ ti [ yogakkhemaṃ anuttaranti ( sī . syā .)].

… Dhīrā therī ….

7. Vīrātherīgāthā

‘‘ VīrāV0.305 vīrehi [ dhīrā dhīrehi ( ka .)] dhammehi , bhikkhunī bhāvitindriyā ;

Dhārehi antimaṃ dehaṃ , jetvā māraṃ savāhinin ’’ ti [ savāhananti ( ka .)].

… Vīrā therī ….

8. Mittātherīgāthā

‘‘ Saddhāya pabbajitvāna , mitte mittaratā bhava ;

Bhāvehi kusale dhamme , yogakkhemassa pattiyā ’’ ti .

… Mittā therī ….

9. Bhadrātherīgāthā

‘‘ Saddhāya pabbajitvāna , bhadre bhadraratā bhava ;

Bhāvehi kusale dhamme , yogakkhemamanuttaran ’’ ti .

… Bhadrā therī ….

10. Upasamātherīgāthā

10.

‘‘ Upasame tare oghaṃ , maccudheyyaṃ suduttaraṃ ;

Dhārehi antimaṃ dehaṃ , jetvā māraṃ savāhanan ’’ ti .

… Upasamā therī ….

11. Muttātherīgāthā

11.

‘‘ SumuttāM0.379 sādhumuttāmhi , tīhi khujjehi muttiyā ;

Udukkhalena musalena , patinā khujjakena ca ;

MuttāmhiT0.444 jātimaraṇā , bhavanetti samūhatā ’’ ti .

… Muttā therī ….

12. Dhammadinnātherīgāthā

12.

‘‘ Chandajātā avasāyī , manasā ca phuṭā [ phuṭṭhā ( syā .), phuṭhā ( sī . aṭṭha .)] siyā ;

Kāmesu appaṭibaddhacittā [ appaṭibandhacittā ( ka .)], uddhaṃsotāti vuccatī ’’ ti [ uddhaṃsotā vimuccatīti ( sī . pī .)].

… Dhammadinnā therī ….

13. Visākhātherīgāthā

13.

‘‘ KarothaV0.306 buddhasāsanaṃ , yaṃ katvā nānutappati ;

Khippaṃ pādāni dhovitvā , ekamante nisīdathā ’’ ti .

… Visākhā therī ….

14. Sumanātherīgāthā

14.

‘‘ Dhātuyo dukkhato disvā , mā jātiṃ punarāgami ;

Bhave chandaṃ virājetvā , upasantā carissasī ’’ ti .

… Sumanā therī ….

15. Uttarātherīgāthā

15.

‘‘ KāyenaP0.125 saṃvutā āsiṃ , vācāya uda cetasā ;

Samūlaṃ taṇhamabbuyha , sītibhūtāmhi nibbutā ’’ ti .

… Uttarā therī ….

16. Vuḍḍhapabbajitasumanātherīgāthā

16.

‘‘ Sukhaṃ tvaṃ vuḍḍhike sehi , katvā coḷena pārūtā ;

Upasanto hi te rāgo , sītibhūtāsi nibbutā ’’ ti .

… Sumanā vuḍḍhapabbajitā therī ….

17. Dhammātherīgāthā

17.

‘‘ PiṇḍapātaṃM0.380 caritvāna , daṇḍamolubbha dubbalā ;

Vedhamānehi gattehi , tattheva nipatiṃ chamā ;

DisvāT0.445 ādīnavaṃ kāye , atha cittaṃ vimucci me ’’ ti .

… Dhammā therī ….

18. Saṅghātherīgāthā

18.

‘‘ HitvāV0.307 ghare pabbajitvā [ pabbajitā ( sī . aṭṭha .)], hitvā puttaṃ pasuṃ piyaṃ ;

Hitvā rāgañca dosañca , avijjañca virājiya ;

Samūlaṃ taṇhamabbuyha , upasantāmhi nibbutā ’’ ti .

… Saṅghā therī ….

Ekakanipāto niṭṭhito .

Issues

เลือกเวอร์ชัน

Therīgāthāpāḷi

Therīgāthāpāḷi