7. Sakulātherīgāthā

Author： _System_Pali_VRI_ @ Administrator

97.

‘‘ AgārasmiṃT0.456V0.317 vasantīhaṃ , dhammaṃ sutvāna bhikkhuno ;

Addasaṃ virajaṃ dhammaṃ , nibbānaṃ padamaccutaṃ .

98.

‘‘ Sāhaṃ puttaṃ dhītarañca , dhanadhaññañca chaḍḍiya ;

Kese chedāpayitvāna , pabbajiṃ anagāriyaṃ .

99.

‘‘ SikkhamānāM0.391 ahaṃ santī , bhāventī maggamañjasaṃ ;

Pahāsiṃ rāgadosañca , tadekaṭṭhe ca āsave .

100.

‘‘ Bhikkhunī upasampajja , pubbajātimanussariṃ ;

Dibbacakkhu visodhitaṃ [ visodhitaṃ dibbacakkhu ( sī .)], vimalaṃ sādhubhāvitaṃ .

101.

‘‘ Saṅkhāre parato disvā , hetujāte palokite [ palokine ( ka .)];

Pahāsiṃ āsave sabbe , sītibhūtāmhi nibbutā ’’ ti .

… Sakulā therī ….