1. Vaḍḍhamātutherīgāthā
204.
‘‘ Mā
T0.469M0.402V0.328 su te vaḍḍha lokamhi , vanatho āhu kudācanaṃ ;Mā puttaka punappunaṃ , ahu dukkhassa bhāgimā .
205.
‘‘ Sukhañhi
P0.143 vaḍḍha munayo , anejā chinnasaṃsayā ;Sītibhūtā damappattā , viharanti anāsavā .
206.
‘‘ Tehānuciṇṇaṃ isībhi , maggaṃ dassanapattiyā ;
Dukkhassantakiriyāya , tvaṃ vaḍḍha anubrūhaya ’’.
207.
‘‘ Visāradāva bhaṇasi , etamatthaṃ janetti me ;
Maññāmi nūna māmike , vanatho te na vijjati ’’.
208.
‘‘ Ye keci vaḍḍha saṅkhārā , hīnā ukkaṭṭhamajjhimā ;
Aṇūpi aṇumattopi , vanatho me na vijjati .
209.
‘‘ Sabbe me āsavā khīṇā , appamattassa jhāyato ;
Tisso vijjā anuppattā , kataṃ buddhassa sāsanaṃ ’’.
210.
‘‘ Uḷāraṃ vata me mātā , patodaṃ samavassari ;
Paramatthasañhitā gāthā , yathāpi anukampikā .
211.
‘‘ Tassāhaṃ vacanaṃ sutvā , anusiṭṭhiṃ janettiyā ;
Dhammasaṃvegamāpādiṃ , yogakkhemassa pattiyā .
212.
‘‘ Sohaṃ padhānapahitatto , rattindivamatandito ;
Mātarā codito santo , aphusiṃ santimuttamaṃ ’’.
… Vaḍḍhamātā therī ….
Navakanipāto niṭṭhito .