4. Catukkanipāto
1. Bhaddākāpilānītherīgāthā
63.
‘‘ Putto
M0.387 buddhassa dāyādo , kassapo susamāhito ;Pubbenivāsaṃ yovedi , saggāpāyañca passati .
64.
‘‘ Atho
T0.452 jātikkhayaṃ patto , abhiññāvosito muni ;Etāhi tīhi vijjāhi , tevijjo hoti brāhmaṇo .
65.
‘‘ Tatheva bhaddā kāpilānī , tevijjā maccuhāyinī ;
Dhāreti antimaṃ dehaṃ , jetvā māraṃ savāhanaṃ .
66.
‘‘ Disvā ādīnavaṃ loke , ubho pabbajitā mayaṃ ;
Tyamha khīṇāsavā dantā , sītibhūtamha nibbutā ’’ ti .
… Bhaddā kāpilānī therī ….
Catukkanipāto niṭṭhito .