Ārammaṇapaccayo
19. Pītisahagato dhammo pītisahagatassa dhammassa ārammaṇapaccayena
T2.160 paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena cittena paccavekkhati , pītisahagatā jhānā vuṭṭhahitvā , maggā vuṭṭhahitvā , phalā vuṭṭhahitvā taṃ pītisahagatena cittena paccavekkhati .Ariyā pītisahagatena cittena pītisahagate pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Pītisahagate khandhe pītisahagatena cittena aniccato dukkhato anattato vipassanti assādenti abhinandanti ;
taṃ ārabbha pītisahagato rāgo uppajjati , diṭṭhi uppajjati .
Pītisahagate khandhe ārabbha pītisahagatā khandhā uppajjanti .(1)
Pītisahagato
M2.115 dhammo sukhasahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ sukhasahagatena cittena paccavekkhati , pītisahagatā jhānā vuṭṭhahitvā , maggā vuṭṭhahitvā , phalā vuṭṭhahitvā taṃ sukhasahagatenaV2.130 cittena paccavekkhati .Ariyā sukhasahagatena cittena pītisahagate pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Pītisahagate khandhe sukhasahagatena cittena aniccato dukkhato anattato vipassanti assādenti abhinandanti ;
taṃ ārabbha sukhasahagato rāgo uppajjati , diṭṭhi uppajjati .
Pītisahagate khandhe ārabbha sukhasahagatā khandhā uppajjanti .(2)
Pītisahagato
T2.161 dhammo upekkhāsahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati , pītisahagatā jhānā vuṭṭhahitvā , maggā vuṭṭhahitvā , phalā vuṭṭhahitvā taṃ upekkhāsahagatena cittena paccavekkhati .Ariyā upekkhāsahagatena cittena pītisahagate pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Pītisahagate khandhe upekkhāsahagatena cittena aniccato dukkhato anattato vipassanti assādenti abhinandanti ;
taṃ ārabbha upekkhāsahagato rāgo uppajjati , diṭṭhi uppajjati , vicikicchā uppajjati , uddhaccaṃ uppajjati .
Cetopariyañāṇena pītisahagatacittasamaṅgissa cittaṃ jānanti , pītisahagatā khandhā cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .
Pītisahagate khandhe ārabbha upekkhāsahagatā khandhā uppajjanti .(3)
Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena
T2.162 paccavekkhati , pītisahagatā jhānā vuṭṭhahitvā , maggā vuṭṭhahitvā , phalā vuṭṭhahitvā taṃ pītisahagatena ca sukhasahagatena ca cittena paccavekkhati .Ariyā pītisahagatena ca sukhasahagatena ca cittena pītisahagate pahīne kilese paccavekkhanti , vikkhambhite kilese paccavekkhanti
M2.116 , pubbe samudāciṇṇe kilese jānanti .Pītisahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti ;
taṃ ārabbha pītisahagato ca sukhasahagato ca rāgo uppajjati , diṭṭhi uppajjati .
Pītisahagate khandhe ārabbha pītisahagatā ca sukhasahagatā ca khandhā uppajjanti .(4)
20. Sukhasahagato
V2.131 dhammo sukhasahagatassa dhammassa ārammaṇapaccayena paccayo … sukhasahagato dhammo pītisahagatassa dhammassa … pe … upekkhāsahagatassa dhammassa … pe … pītisahagatassa ca sukhasahagatassa ca dhammassa ārammaṇapaccayena paccayo – sukhasahagate khandhe ārabbha pītisahagatā ca sukhasahagatā ca khandhā uppajjanti .(4)Upekkhāsahagato dhammo upekkhāsahagatassa dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati , upekkhāsahagatā jhānā vuṭṭhahitvā , maggā vuṭṭhahitvā , phalā vuṭṭhahitvā taṃ upekkhāsahagatena cittena paccavekkhati .
Ariyā upekkhāsahagatena cittena upekkhāsahagate pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Upekkhāsahagate khandhe upekkhāsahagatena cittena aniccato dukkhato anattato
T2.163 vipassanti assādenti abhinandanti ;taṃ ārabbha upekkhāsahagato rāgo uppajjati , diṭṭhi uppajjati , vicikicchā uppajjati , uddhaccaṃ uppajjati .
Cetopariyañāṇena upekkhāsahagatacittasamaṅgissa cittaṃ jānāti .
Ākāsānañcāyatanaṃ viññāṇañcāyatanassa ārammaṇapaccayena paccayo … pe … ākiñcaññāyatanaṃ nevasaññānāsaññāyatanassa ārammaṇapaccayena paccayo .
Upekkhāsahagatā khandhā iddhividhañāṇassa , cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa āvajjanāya ārammaṇapaccayena paccayo .
Upekkhāsahagate khandhe ārabbha upekkhāsahagatā khandhā uppajjanti .(1)
Upekkhāsahagato dhammo pītisahagatassa dhammassa … pe … sukhasahagatassa dhammassa … pe … pītisahagatassa ca sukhasahagatassa ca dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ
M2.117 samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati , upekkhāsahagatā jhānā vuṭṭhahitvā , maggā vuṭṭhahitvā phalā vuṭṭhahitvā , taṃ pītisahagatena ca sukhasahagatena ca cittena paccavekkhati .Ariyā pītisahagatena ca sukhasahagatena ca cittena upekkhāsahagate pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Upekkhāsahagate khandhe pītisahagatena ca sukhasahagatena ca
T2.164 cittena aniccato dukkhato anattato vipassanti assādentiV2.132 abhinandanti ;taṃ ārabbha pītisahagato ca sukhasahagato ca rāgo uppajjati , diṭṭhi uppajjati .
Upekkhāsahagate khandhe ārabbha pītisahagatā ca sukhasahagatā ca khandhā uppajjanti .(3)
21. Pītisahagato ca sukhasahagato ca dhammā pītisahagatassa dhammassa … pe … sukhasahagatassa dhammassa … pe … upekkhāsahagatassa dhammassa ārammaṇapaccayena paccayo – pītisahagatena ca sukhasahagatena ca cittena dānaṃ datvā sīlaṃ samādiyitvā uposathakammaṃ katvā … pe … pītisahagate ca sukhasahagate ca khandhe upekkhāsahagatena cittena aniccato dukkhato anattato vipassati assādeti abhinandati ;
taṃ ārabbha upekkhāsahagato rāgo uppajjati , diṭṭhi uppajjati , vicikicchā uppajjati , uddhaccaṃ uppajjati .
Cetopariyañāṇena pītisahagatasukhasahagatacittasamaṅgissa cittaṃ jānāti .
Pītisahagatā ca sukhasahagatā ca khandhā cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .
Pītisahagate ca sukhasahagate ca khandhe ārabbha upekkhāsahagatā khandhā uppajjanti .(3)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo ( saṃkhittaṃ ).(4)