Anantarapaccayo
61. Paritto dhammo parittassa dhammassa anantarapaccayena paccayo – purimā purimā parittā khandhā pacchimānaṃ pacchimānaṃ parittānaṃ khandhānaṃ anantarapaccayena paccayo .
Anulomaṃ gotrabhussa … anulomaṃ vodānassa … āvajjanā parittānaṃ khandhānaṃ anantarapaccayena paccayo .(1)
Paritto dhammo mahaggatassa dhammassa anantarapaccayena paccayo – parittaṃ cuticittaṃ mahaggatassa upapatticittassa anantarapaccayena paccayo .
Parittā khandhā mahaggatassa vuṭṭhānassa anantarapaccayena paccayo .
Paṭhamassa jhānassa parikammaṃ … pe … nevasaññānāsaññāyatanassa parikammaṃ … pe … dibbassa cakkhussa parikammaṃ … pe … anāgataṃsañāṇassa parikammaṃ anāgataṃsañāṇassa anantarapaccayena paccayo .(2)
Paritto
V2.376 dhammo appamāṇassa dhammassa anantarapaccayena paccayo – gotrabhu maggassa … vodānaṃ maggassa … anulomaṃ phalasamāpattiyā anantarapaccayena paccayo .(3) 62. Mahaggato dhammo mahaggatassa dhammassa anantarapaccayena paccayo – purimā purimā mahaggatā khandhā pacchimānaṃ pacchimānaṃ mahaggatānaṃ khandhānaṃ anantarapaccayena paccayo .(1)
Mahaggato dhammo parittassa dhammassa anantarapaccayena paccayo
T2.431 – mahaggataṃ cuticittaṃ parittassa upapatticittassa anantarapaccayena paccayo .Mahaggataṃ bhavaṅgaṃ āvajjanāya anantarapaccayena paccayo .
Mahaggatā khandhā parittassa vuṭṭhānassa anantarapaccayena paccayo .(2)
Mahaggato
M2.327 dhammo appamāṇassa dhammassa anantarapaccayena paccayo – nevasaññānāsaññāyatanaṃ nirodhā vuṭṭhahantassa phalasamāpattiyā anantarapaccayena paccayo .(3) 63. Appamāṇo dhammo appamāṇassa dhammassa anantarapaccayena paccayo – purimā purimā appamāṇā khandhā pacchimānaṃ pacchimānaṃ appamāṇānaṃ khandhānaṃ anantarapaccayena paccayo .
Maggo phalassa … phalaṃ phalassa anantarapaccayena paccayo .(1)
Appamāṇo dhammo parittassa dhammassa anantarapaccayena paccayo – phalaṃ parittassa vuṭṭhānassa anantarapaccayena paccayo .(2)
Appamāṇo dhammo mahaggatassa dhammassa anantarapaccayena paccayo – phalaṃ mahaggatassa vuṭṭhānassa anantarapaccayena paccayo .(3)
( Samanantarapaccayaṃ anantarapaccayasadisaṃ .)