Issues
Editor
Settings
Paṭṭhānapāḷi
Paṭṭhānapāḷi

1. Vibhaṅgavāro

Author： _System_Pali_VRI_ @ Administrator

1. Vibhaṅgavāro

Hetupaccayo

14. Micchattaniyataṃ dhammaṃ paccayā micchattaniyato dhammo uppajjati hetupaccayā … tīṇi .
SammattaniyataṃV2.422 dhammaṃ paccayā sammattaniyato dhammo uppajjati hetupaccayā … tīṇi .
15. AniyataṃM2.365 dhammaṃ paccayā aniyato dhammo uppajjati hetupaccayā – aniyataṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe … pe … khandhe paccayā vatthu , vatthuṃ paccayā khandhā ;
ekaṃ mahābhūtaṃ paccayā … pe … vatthuṃ paccayā aniyatā khandhā .(1)
Aniyataṃ dhammaṃ paccayā micchattaniyato dhammo uppajjati hetupaccayā – vatthuṃ paccayā micchattaniyatā khandhā .(2)
Aniyataṃ dhammaṃ paccayā sammattaniyato dhammo uppajjati hetupaccayā – vatthuṃ paccayā sammattaniyatā khandhā .(3)
AniyataṃT2.481 dhammaṃ paccayā micchattaniyato ca aniyato ca dhammā uppajjanti hetupaccayā – vatthuṃ paccayā micchattaniyatā khandhā , mahābhūte paccayā cittasamuṭṭhānaṃ rūpaṃ .(4)
Aniyataṃ dhammaṃ paccayā sammattaniyato ca aniyato ca dhammā uppajjanti hetupaccayā – vatthuṃ paccayā sammattaniyatā khandhā , mahābhūte paccayā cittasamuṭṭhānaṃ rūpaṃ .(5)
16. Micchattaniyatañca aniyatañca dhammaṃ paccayā micchattaniyato dhammo uppajjati hetupaccayā – micchattaniyataṃ ekaṃ khandhañca vatthuñca paccayā tayo khandhā … pe … dve khandhe … pe ….(1)
Micchattaniyatañca aniyatañca dhammaṃ paccayā aniyato dhammo uppajjati hetupaccayā – micchattaniyate khandhe ca mahābhūte ca paccayā cittasamuṭṭhānaṃ rūpaṃ .(2)
Micchattaniyatañca aniyatañca dhammaṃ paccayā micchattaniyato ca aniyato ca dhammā uppajjantiV2.423 hetupaccayā – micchattaniyataṃ ekaṃ khandhañca vatthuñca paccayā tayo khandhā … pe … dve khandhe … pe … micchattaniyate khandhe ca mahābhūte ca paccayā cittasamuṭṭhānaṃ rūpaṃ .(3)
Sammattaniyatañca aniyatañca dhammaṃ paccayā sammattaniyato dhammo uppajjati hetupaccayā ( tīṇi pañhā , micchattasadisaṃ ).

Ārammaṇapaccayādi

17. MicchattaniyataṃM2.366 dhammaṃ paccayā micchattaniyato dhammo uppajjati ārammaṇapaccayā …( saṃkhittaṃ , kusalattike paccayavārasadisaṃ vibhajitabbaṃ )… avigatapaccayā .