Ārammaṇapaccayo
56. Paritto dhammo parittassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati , pubbe suciṇṇāni paccavekkhati , ariyā gotrabhuṃ paccavekkhanti , vodānaṃ paccavekkhanti , pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Cakkhuṃ … pe … vatthuṃ … paritte khandhe aniccato … pe … vipassanti assādenti abhinandanti , taṃ ārabbha rāgo uppajjati
V2.373 … pe … domanassaṃ uppajjati .Rūpāyatanaṃ cakkhuviññāṇassa … pe … phoṭṭhabbāyatanaṃ kāyaviññāṇassa ārammaṇapaccayena paccayo .(1)
Paritto
M2.324 dhammo mahaggatassa dhammassa ārammaṇapaccayena paccayo – dibbena cakkhunā rūpaṃ passati , dibbāya sotadhātuyā saddaṃ suṇāti , cetopariyañāṇena parittacittasamaṅgissa cittaṃ jānāti .Parittā khandhā iddhividhañāṇassa , cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo .(2)
57. Mahaggato dhammo mahaggatassa dhammassa ārammaṇapaccayena paccayo – cetopariyañāṇena mahaggatacittasamaṅgissa cittaṃ jānāti , ākāsānañcāyatanaṃ viññāṇañcāyatanassa … ākiñcaññāyatanaṃ nevasaññānāsaññāyatanassa ārammaṇapaccayena paccayo
T2.427 .Mahaggatā khandhā iddhividhañāṇassa , cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo .(1)
Mahaggato dhammo parittassa dhammassa ārammaṇapaccayena paccayo – paṭhamaṃ jhānaṃ paccavekkhati … pe … nevasaññānāsaññāyatanaṃ paccavekkhati , dibbaṃ cakkhuṃ paccavekkhati , dibbaṃ sotadhātuṃ paccavekkhati , iddhividhañāṇaṃ paccavekkhati , cetopariyañāṇaṃ paccavekkhati , pubbenivāsānussatiñāṇaṃ paccavekkhati , yathākammūpagañāṇaṃ paccavekkhati , anāgataṃsañāṇaṃ paccavekkhati .
Mahaggate khandhe aniccato … pe … vippassati assādeti abhinandati , taṃ ārabbha rāgo uppajjati … pe … domanassaṃ uppajjati .(2)
58. Appamāṇo dhammo appamāṇassa dhammassa ārammaṇapaccayena paccayo – nibbānaṃ maggassa , phalassa ārammaṇapaccayena paccayo .(1)
Appamāṇo dhammo parittassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti , phalaṃ paccavekkhanti , nibbānaṃ paccavekkhanti , nibbānaṃ gotrabhussa , vodānassa , āvajjanāya ārammaṇapaccayena paccayo .(2)
Appamāṇo
V2.374 dhammo mahaggatassa dhammassa ārammaṇapaccayena paccayo – ariyā cetopariyañāṇena appamāṇacittasamaṅgissaT2.428 cittaṃ jānanti , appamāṇā khandhā cetopariyañāṇassa , pubbenivāsānussatiñāṇassa , anāgataṃsañāṇassa ārammaṇapaccayena paccayo .(3)