Issues
Editor
Settings
Paṭṭhānapāḷi
Paṭṭhānapāḷi

Adhipatipaccayo

Author： _System_Pali_VRI_ @ Administrator

Adhipatipaccayo

9. DassanenaT2.249 pahātabbahetukaṃ dhammaṃ paṭicca dassanena pahātabbahetuko dhammo uppajjati adhipatipaccayā … tīṇi ( hetusadisā ).
Bhāvanāya pahātabbahetukaṃ dhammaṃ paṭicca … pe … tīṇi ( hetusadisā , adhipatiyā moho natthi ).
NevadassanenaM2.183 nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati adhipatipaccayā – nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhā .
Ekaṃ mahābhūtaṃ paṭicca tayo mahābhūtā … pe … mahābhūte paṭicca cittasamuṭṭhānaṃ rūpaṃ upādārūpaṃ .(1)
10. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati adhipatipaccayā – dassanena pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ .(1)
Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanenaV2.207 nabhāvanāya pahātabbahetuko dhammo uppajjati adhipatipaccayā – bhāvanāya pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ .(1)