Adhipatipaccayo
39. Micchattaniyato dhammo micchattaniyatassa dhammassa adhipatipaccayena paccayo .
Sahajātādhipati – micchattaniyatādhipati sampayuttakānaṃ khandhānaṃ adhipatipaccayena paccayo .(1)
Micchattaniyato dhammo aniyatassa dhammassa adhipatipaccayena paccayo .
Sahajātādhipati – micchattaniyatādhipati cittasamuṭṭhānānaṃ rūpānaṃ adhipatipaccayena paccayo .(2)
Micchattaniyato dhammo micchattaniyatassa ca aniyatassa ca dhammassa adhipatipaccayena paccayo .
Sahajātādhipati – micchattaniyatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(3)
40. Sammattaniyato dhammo sammattaniyatassa dhammassa adhipatipaccayena paccayo .
Sahajātādhipati – sammattaniyatādhipati sampayuttakānaṃ khandhānaṃ adhipatipaccayena paccayo .(1)
Sammattaniyato
M2.374 dhammo aniyatassa dhammassa adhipatipaccayena paccayo – ārammaṇādhipati , sahajātādhipati .Ārammaṇādhipati – ariyā
T2.491 maggā vuṭṭhahitvā maggaṃ garuṃ katvā paccavekkhanti .Sahajātādhipati – sammattaniyatādhipati cittasamuṭṭhānānaṃ rūpānaṃ adhipatipaccayena paccayo .(2)
Sammattaniyato dhammo sammattaniyatassa ca aniyatassa ca dhammassa adhipatipaccayena paccayo .
Sahajātādhipati – sammattaniyatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(3)
41. Aniyato dhammo aniyatassa dhammassa adhipatipaccayena paccayo – ārammaṇādhipati
V2.434 sahajātādhipati .Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati , pubbe suciṇṇāni garuṃ katvā paccavekkhati , jhānā … pe … ariyā phalaṃ garuṃ katvā paccavekkhanti , nibbānaṃ garuṃ katvā paccavekkhanti , nibbānaṃ gotrabhussa , vodānassa , phalassa adhipatipaccayena paccayo .
Cakkhuṃ … pe … vatthuṃ … pe … aniyate khandhe garuṃ katvā assādeti abhinandati , taṃ garuṃ katvā aniyato rāgo uppajjati , diṭṭhi uppajjati .
Sahajātādhipati – aniyatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(1)
Aniyato dhammo sammattaniyatassa dhammassa adhipatipaccayena paccayo .
Ārammaṇādhipati – nibbānaṃ maggassa adhipatipaccayena paccayo .(2)