1. Vibhaṅgavāro
Nahetupaccayo
70. Dassanena pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati nahetupaccayā – vicikicchāsahagate
T2.284 khandhe saṃsaṭṭho vicikicchāsahagato moho .(1)Bhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati nahetupaccayā – uddhaccasahagate khandhe saṃsaṭṭho uddhaccasahagato moho .(1)
Nevadassanena
M2.211V2.238 nabhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati nahetupaccayā – ahetukaṃ nevadassanena nabhāvanāya pahātabbahetukaṃ ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā .Ahetukapaṭisandhikkhaṇe … pe ….(1)
Naadhipatipaccayādi
71. Dassanena pahātabbahetukaṃ dhammaṃ saṃsaṭṭho … pe … naadhipatipaccayā ( sahajātasadisaṃ )… napurejātapaccayā … napacchājātapaccayā , naāsevanapaccayā … nakammapaccayā … satta , navipākapaccayā … najhānapaccayā … namaggapaccayā … navippayuttapaccayā ….