Issues
Editor
Settings
Paṭṭhānapāḷi
Paṭṭhānapāḷi

20. Ajjhattattikaṃ

Author： _System_Pali_VRI_ @ Administrator

20. Ajjhattattikaṃ

1. Paṭiccavāro

1. Paccayānulomaṃ

1. Vibhaṅgavāro

Hetupaccayo

1. AjjhattaṃM2.434V2.507 dhammaṃ paṭicca ajjhatto dhammo uppajjati hetupaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe ajjhattaṃ ekaṃ khandhaṃT2.571 paṭicca tayo khandhā kaṭattā ca rūpaṃ … pe … dve khandhe … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ paṭicca tayo mahābhūtā … pe … mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ .(1)
Bahiddhā dhammaṃ paṭicca bahiddhā dhammo uppajjati hetupaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ … pe … dve khandhe paṭicca dve khandhā … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ paṭicca tayo mahābhūtā … pe … mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ .(1)

Ārammaṇapaccayo

2. AjjhattaṃV2.508 dhammaṃ paṭicca ajjhatto dhammo uppajjati ārammaṇapaccayā – ajjhattaṃ ekaṃ khandhaṃ paṭicca tayo khandhā … pe … dve khandhe paṭicca … pe … paṭisandhikkhaṇe ajjhattaṃ ekaṃ khandhaṃ paṭicca tayo khandhā … pe … vatthuṃ paṭicca khandhā .(1)
Bahiddhā dhammaṃ paṭicca bahiddhā dhammo uppajjati ārammaṇapaccayā – bahiddhā ekaṃ khandhaṃ paṭicca tayo khandhā … pe … dve khandhe … pe … paṭisandhikkhaṇe … pe … vatthuṃ paṭicca khandhā .(1)

Adhipatipaccayo

3. Ajjhattaṃ dhammaṃ paṭicca ajjhatto dhammo uppajjati adhipatipaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ekaṃ mahābhūtaṃ paṭicca … pe … mahābhūte paṭicca cittasamuṭṭhānaṃ rūpaṃ upādārūpaṃ .(1)
BahiddhāM2.435 dhammaṃ paṭicca bahiddhā dhammo uppajjati adhipatipaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ekaṃ mahābhūtaṃ paṭicca … pe … mahābhūte paṭicca cittasamuṭṭhānaṃ rūpaṃ upādārūpaṃ .(1)

Anantarapaccayādi

4. Ajjhattaṃ dhammaṃ paṭicca ajjhatto dhammo uppajjati anantarapaccayāT2.572 , samanantarapaccayā , sahajātapaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ … pe … dve khandhe … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ paṭicca tayo mahābhūtā … pe … mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ .
Āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ paṭicca … pe … mahābhūte paṭicca kaṭattārūpaṃ upādārūpaṃ .(1)
Bahiddhā dhammaṃ paṭicca bahiddhā dhammo uppajjati sahajātapaccayā – bahiddhā ekaṃ khandhaṃ paṭiccaV2.509 tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ … pe … dve khandhe … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ paṭicca … pe … mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ .
Bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ paṭicca … pe … mahābhūte paṭicca kaṭattārūpaṃ upādārūpaṃ .(1)

Aññamaññapaccayādi

5. Ajjhattaṃ dhammaṃ paṭicca ajjhatto dhammo uppajjati aññamaññapaccayā … nissayapaccayā … upanissayapaccayā … purejātapaccayā … āsevanapaccayā ( purejātepi āsevanepi paṭisandhi natthi )… kammapaccayā … vipākapaccayā … āhārapaccayā … indriyapaccayā … jhānapaccayā … maggapaccayā …T2.573 sampayuttapaccayā … vippayuttapaccayā … atthipaccayā … natthipaccayā … vigatapaccayā … avigatapaccayā .

1. Paccayānulomaṃ

2. Saṅkhyāvāro

6. Hetuyā dve , ārammaṇe dve … pe … avigate dve .
Anulomaṃ .

2. Paccayapaccanīyaṃ

1. Vibhaṅgavāro

Nahetupaccayo

7. AjjhattaṃM2.436 dhammaṃ paṭicca ajjhatto dhammo uppajjati nahetupaccayā – ahetukaṃ ajjhattaṃV2.510 ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ahetukapaṭisandhikkhaṇe … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ … pe … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ … pe … mahābhūte paṭicca kaṭattārūpaṃ upādārūpaṃ .
Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho .(1)
Bahiddhā dhammaṃ paṭicca bahiddhā dhammo uppajjati nahetupaccayā – ahetukaṃ bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ahetukapaṭisandhikkhaṇe … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ paṭicca … pe … bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ paṭicca … pe … vicikicchāsahagate uddhaccasahagate khandhe paṭicca vicikicchāsahagato uddhaccasahagato moho .(1)

Naārammaṇapaccayo

8. Ajjhattaṃ dhammaṃ paṭicca ajjhatto dhammo uppajjati naārammaṇapaccayāT2.574 – ajjhatte khandhe paṭicca cittasamuṭṭhānaṃ rūpaṃ .
Paṭisandhikkhaṇe ajjhatte khandhe paṭicca kaṭattārūpaṃ .
Khandhe paṭicca vatthu … pe … ekaṃ mahābhūtaṃ paṭicca … pe … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ paṭicca … pe ….(1)
Bahiddhā dhammaṃ paṭicca bahiddhā dhammo uppajjati naārammaṇapaccayā – bahiddhā khandhe paṭicca cittasamuṭṭhānaṃ rūpaṃ .
Paṭisandhikkhaṇe bahiddhā khandhe paṭicca kaṭattārūpaṃ .
Khandhe paṭicca vatthu … pe … ekaṃ mahābhūtaṃ … pe … bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ … pe ….(1)

Naadhipatipaccayādi

9. Ajjhattaṃ dhammaṃ paṭicca ajjhatto dhammo uppajjati naadhipatipaccayā … pe …( anulomasahajātasadisaṃ , ninnānākaraṇaṃ ) naanantarapaccayā … nasamanantarapaccayāM2.437 … naaññamaññapaccayāV2.511 … naupanissayapaccayā , napurejātapaccayā – arūpe ajjhattaṃ ekaṃ khandhaṃ paṭicca … pe … ajjhatte khandhe paṭicca cittasamuṭṭhānaṃ rūpaṃ .
Paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ … pe … dve khandhe … pe … khandhe paṭicca vatthu , vatthuṃ paṭicca khandhā .
Ekaṃ mahābhūtaṃ paṭicca … pe … āhārasamuṭṭhānaṃ … utusamuṭṭhānaṃ … asaññasattānaṃ … pe ….
10. Bahiddhā dhammaṃ paṭicca bahiddhā dhammo uppajjati napurejātapaccayā – arūpe bahiddhā ekaṃ khandhaṃ paṭicca … pe … dve khandhe … pe … bahiddhā khandhe paṭicca cittasamuṭṭhānaṃ rūpaṃ .
Paṭisandhikkhaṇe ( paripuṇṇaṃ ) ekaṃ mahābhūtaṃ … pe … bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ … pe ….

Napacchājātapaccayādi

11. AjjhattaṃT2.575 dhammaṃ paṭicca ajjhatto dhammo uppajjati napacchājātapaccayā , naāsevanapaccayā , nakammapaccayā – ajjhatte khandhe paṭicca ajjhattā cetanā .
Āhārasamuṭṭhānaṃ … utusamuṭṭhānaṃ … pe ….(1)
Bahiddhā dhammaṃ paṭicca bahiddhā dhammo uppajjati nakammapaccayā – bahiddhā khandhe paṭicca bahiddhā cetanā .
Bāhiraṃ … āhārasamuṭṭhānaṃ … utusamuṭṭhānaṃ ….(1)

Navipākapaccayādi

12. Ajjhattaṃ dhammaṃ paṭicca ajjhatto dhammo uppajjati navipākapaccayā ( paṭisandhi natthi ), naāhārapaccayā – utusamuṭṭhānaṃ … asaññasattānaṃ … pe ….(1)
Bahiddhā dhammaṃ paṭicca bahiddhā dhammo uppajjati naāhārapaccayā – bāhiraṃ … utusamuṭṭhānaṃ … asaññasattānaṃ … pe ….(1)
Ajjhattaṃ dhammaṃ paṭicca ajjhatto dhammo uppajjati naindriyapaccayā – āhārasamuṭṭhānaṃ … utusamuṭṭhānaṃ … asaññasattānaṃ … mahābhūte paṭicca rūpajīvitindriyaṃ .(1)
Bahiddhā dhammaṃ paṭicca bahiddhā dhammo uppajjati naindriyapaccayā – bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ … mahābhūte paṭicca rūpajīvitindriyaṃ .(1)

Najhānapaccayo

13. AjjhattaṃM2.438V2.512 dhammaṃ paṭicca ajjhatto dhammo uppajjati najhānapaccayā – pañcaviññāṇasahagataṃ … pe … āhārasamuṭṭhānaṃ … utusamuṭṭhānaṃ … asaññasattānaṃ … pe ….(1)
Bahiddhā dhammaṃ paṭicca bahiddhā dhammo uppajjati najhānapaccayā – pañcaviññāṇasahagataṃ … pe …T2.576 bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ … pe ….(1)

Namaggapaccayādi

14. Ajjhattaṃ dhammaṃ paṭicca ajjhatto dhammo uppajjati namaggapaccayā …( nahetusadisaṃ . Moho natthi ) nasampayuttapaccayā … navippayuttapaccayā – arūpe … pe … āhārasamuṭṭhānaṃ … utusamuṭṭhānaṃ … asaññasattānaṃ … pe ….(1)
Bahiddhā dhammaṃ paṭicca bahiddhā dhammo uppajjati navippayuttapaccayā – arūpe … pe … bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ … pe … nonatthipaccayā , novigatapaccayā .

2. Paccayapaccanīyaṃ

2. Saṅkhyāvāro

15. Nahetuyā dve , naārammaṇe dve , naadhipatiyā dve , naanantare dve , nasamanantare dve ( saṃkhittaṃ , sabbattha dve ), novigate dve ( evaṃ gaṇetabbaṃ ).
Paccanīyaṃ .

3. Paccayānulomapaccanīyaṃ

16. HetupaccayāV2.513 naārammaṇe dve … pe … navipāke nasampayutte navippayutte nonatthiyā novigate dve ( evaṃ gaṇetabbaṃ ).
Anulomapaccanīyaṃ .

4. Paccayapaccanīyānulomaṃ

17. NahetupaccayāM2.439 ārammaṇe dve , anantare dve … pe … magge dve … pe … avigate dve ( evaṃ gaṇetabbaṃ ).
Paccanīyānulomaṃ .
Paṭiccavāro .

2. Sahajātavāro

( Sahajātavāro paṭiccavārasadiso .)

3. Paccayavāro

1. Paccayānulomaṃ

1. Vibhaṅgavāro

Hetupaccayo

18. AjjhattaṃT2.577 dhammaṃ paccayā ajjhatto dhammo uppajjati hetupaccayā – ajjhattaṃ ekaṃ khandhaṃV2.514 paccayā tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe ( paripuṇṇaṃ ).
Ekaṃ mahābhūtaṃ … pe … vatthuṃ paccayā ajjhattā khandhā .(1)
Bahiddhā dhammaṃ paccayā bahiddhā dhammo uppajjati hetupaccayā – bahiddhā ekaṃ khandhaṃ paccayā tayo khandhā … pe … paṭisandhikkhaṇe … pe … ekaṃ mahābhūtaṃ … pe … vatthuṃ paccayā bahiddhā khandhā .(1)

Ārammaṇapaccayo

19. Ajjhattaṃ dhammaṃ paccayā ajjhatto dhammo uppajjati ārammaṇapaccayā ( paṭiccavārasadisaṃ ), cakkhāyatanaṃ paccayā cakkhuviññāṇaṃ … pe … kāyāyatanaṃ paccayā kāyaviññāṇaṃ … pe … vatthuṃ paccayā ajjhattā khandhā .(1)
Bahiddhā dhammaṃ paccayā bahiddhā dhammo uppajjati ārammaṇapaccayā ( paṭiccavārasadisaṃ ), cakkhāyatanaṃ … pe … kāyāyatanaṃ … pe … vatthuṃ paccayā bahiddhā khandhā .(1)

Adhipatipaccayādi

20. AjjhattaṃM2.440 dhammaṃ paccayā ajjhatto dhammo uppajjati adhipatipaccayā …( vatthuṃ atirekaṃ , paṭiccavārasadisaṃ ) anantarapaccayā … samanantarapaccayā … sahajātapaccayā …( sahajātavāre paripuṇṇā ) mahābhūte paccayā … pe …( mahābhūtānaṃ khandhānañca pacchā pañcāyatanāni ca vatthu ca kātabbā ) aññamaññapaccayā … nissayapaccayā … pe … avigatapaccayā .

1. Paccayānulomaṃ

2. Saṅkhyāvāro

21. HetuyāT2.578 dve , ārammaṇe … pe … avigate dve .
Anulomaṃ .

2. Paccayapaccanīyaṃ

1. Vibhaṅgavāro

Nahetupaccayo

22. AjjhattaṃV2.515 dhammaṃ paccayā ajjhatto dhammo uppajjati nahetupaccayā – ahetukaṃ ajjhattaṃ ekaṃ khandhaṃ paccayā tayo khandhā … pe … ahetukapaṭisandhikkhaṇe … pe … khandhe paccayā vatthu , vatthuṃ paccayā khandhā .
Ekaṃ mahābhūtaṃ … pe … āhārasamuṭṭhānaṃ … utusamuṭṭhānaṃ … asaññasattānaṃ … pe … cakkhāyatanaṃ … pe … kāyāyatanaṃ … pe … vatthuṃ paccayā ahetukā ajjhattā khandhā .
Vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho .(1)
Bahiddhā dhammaṃ paccayā bahiddhā dhammo uppajjati nahetupaccayā ( pavattipaṭisandhipi mahābhūtāpi kātabbā )– cakkhāyatanaṃ … pe … kāyāyatanaṃ … pe … vatthuṃ paccayā ahetukā bahiddhā khandhā .
Vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho .(1)

Naārammaṇapaccayādi

23. Naārammaṇapaccayā … naadhipatipaccayā ( sahajātasadisaṃ )… naanantarapaccayā … nasamanantarapaccayā … naaññamaññapaccayā … naupanissayapaccayā … napurejātapaccayā ( paṭiccavārasadisaṃ )… napacchājātapaccayā … naāsevanapaccayā …M2.441 nakammapaccayā … pe … navippayuttapaccayā ( paṭiccavārapaccanīye vippayuttasadisaṃ )… nonatthipaccayā … novigatapaccayā ….

2. Paccayapaccanīyaṃ

2. Saṅkhyāvāro

24. NahetuyāV2.516 dve , naārammaṇe dve … pe … novigateT2.579 dve .
Paccanīyaṃ .

3. Paccayānulomapaccanīyaṃ

25. Hetupaccayā naārammaṇe dve , naadhipatiyā dve … pe … navipāke nasampayutte navippayutte nonatthiyā novigate dve .
Anulomapaccanīyaṃ .

4. Paccayapaccanīyānulomaṃ

26. Nahetupaccayā ārammaṇe dve … pe … avigate dve .
Paccanīyānulomaṃ .

Paccayavāro

4-6.
Nissaya-saṃsaṭṭha-sampayuttavāro

( Nissayavāro paccayavārasadiso . Saṃsaṭṭhavāropi sampayuttavāropi vitthāretabbo .)

7. Pañhāvāro

1. Paccayānulomaṃ

1. Vibhaṅgavāro

Hetupaccayo

27. AjjhattoV2.517 dhammo ajjhattassa dhammassa hetupaccayena paccayo – ajjhattā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo .
Paṭisandhikkhaṇe … pe ….(1)
BahiddhāM2.442 dhammo bahiddhā dhammassa hetupaccayena paccayo – bahiddhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo .
Paṭisandhikkhaṇe … pe ….(1)

Ārammaṇapaccayo

28. Ajjhatto dhammo ajjhattassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati , pubbe suciṇṇāni … pe … jhānā vuṭṭhahitvā … pe … ariyāT2.580 maggā vuṭṭhahitvā maggaṃ paccavekkhanti , phalaṃ paccavekkhanti , pahīne kilese paccavekkhanti , vikkhambhite kilese paccavekkhanti , pubbe samudāciṇṇe kilese jānanti .
Ajjhattaṃ cakkhuṃ … pe … kāyaṃ … rūpe … pe … phoṭṭhabbe … vatthuṃ … ajjhatte khandhe aniccato dukkhato anattato vipassati , assādeti abhinandati , taṃ ārabbha rāgo uppajjati … pe … domanassaṃ uppajjati .
Dibbena cakkhunā rūpaṃ passati , dibbāya sotudhātuyā saddaṃ suṇāti , ākāsānañcāyatanaṃ viññāṇañcāyatanassa ārammaṇapaccayena paccayo .
Ākiñcaññāyatanaṃ nevasaññānāsaññāyatanassa ārammaṇapaccayena paccayo .
Rūpāyatanaṃ … pe … phoṭṭhabbāyatanaṃ kāyaviññāṇassa ārammaṇapaccayena paccayo .
Ajjhattā khandhā iddhividhañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(1)
AjjhattoV2.518 dhammo bahiddhā dhammassa ārammaṇapaccayena paccayo – paro ajjhattaṃ cakkhuṃ … pe … vatthuṃ … ajjhatte khandhe aniccato dukkhato anattato vipassati , assādeti abhinandati , taṃ ārabbha rāgo uppajjati … pe … domanassaṃ uppajjati .
Dibbena cakkhunā rūpaṃ passati , dibbāya sotadhātuyā saddaṃ suṇāti .
Cetopariyañāṇena ajjhattacittasamaṅgissa cittaṃ jānāti .
Ajjhattaṃ rūpāyatanaṃ bahiddhā cakkhuviññāṇassa … pe … ajjhattaṃ phoṭṭhabbāyatanaṃ bahiddhā kāyaviññāṇassa ārammaṇapaccayena paccayo .
Ajjhattā khandhā iddhividhañāṇassa , cetopariyañāṇassaT2.581 , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(2)
29. Bahiddhā dhammo bahiddhā dhammassa ārammaṇapaccayena paccayo – paro dānaṃ datvā sīlaṃ samādiyitvā uposathakammaṃ katvā taṃ paccavekkhati , pubbeM2.443 suciṇṇāni paccavekkhati , jhānā vuṭṭhahitvā … pe … ariyā maggā vuṭṭhahitvā maggaṃ paccavekkhanti , phalaṃ paccavekkhanti … nibbānaṃ paccavekkhanti .
Nibbānaṃ gotrabhussa , vodānassa , maggassa , phalassa , āvajjanāya ārammaṇapaccayena paccayo .
Ariyā pahīne kilese paccavekkhanti , vikkhambhite kilese paccavekkhanti , pubbe samudāciṇṇe … pe … paro bahiddhā cakkhuṃ … pe … vatthuṃ … bahiddhā khandhe aniccato … pe … domanassaṃ uppajjati .
Dibbena cakkhunā rūpaṃ passati , dibbāya sotadhātuyā saddaṃ suṇāti .
Cetopariyañāṇena bahiddhā cittasamaṅgissa … pe … ākāsānañcāyatanaṃ viññāṇañcāyatanassa ārammaṇapaccayena paccayo .
Ākiñcaññāyatanaṃ nevasaññānāsaññāyatanassa ārammaṇapaccayena paccayo .
Bahiddhā rūpāyatanaṃ bahiddhā cakkhuviññāṇassa … pe … bahiddhā phoṭṭhabbāyatanaṃ bahiddhā kāyaviññāṇassa … pe … bahiddhā khandhā iddhividhañāṇassa , cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(1)
Bahiddhā dhammo ajjhattassa dhammassa ārammaṇapaccayena paccayo – ariyā nibbānaṃ paccavekkhanti .
Nibbānaṃ gotrabhussa , vodānassa , maggassa , phalassa , āvajjanāya ārammaṇapaccayena paccayo .
Bahiddhā cakkhuṃ … pe … vatthuṃ … bahiddhā khandhe aniccato … pe … domanassaṃT2.582 uppajjati .
Dibbena cakkhunā rūpaṃ passati , dibbāya sotadhātuyā saddaṃ suṇāti .
Cetopariyañāṇena bahiddhā cittasamaṅgissa cittaṃ jānāti .
Bahiddhā rūpāyatanaṃV2.519 ajjhattaṃ cakkhuviññāṇassa … pe … bahiddhā phoṭṭhabbāyatanaṃ ajjhattaṃ kāyaviññāṇassa … pe … bahiddhā khandhā iddhividhañāṇassa , cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(2)

Adhipatipaccayo

30. Ajjhatto dhammo ajjhattassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – dānaṃ datvā sīlaṃ samādiyitvā uposathakammaṃ katvā , taṃ garuṃ katvā paccavekkhati , pubbe suciṇṇāni garuṃ katvā … pe … jhānā vuṭṭhahitvā jhānaṃ garuṃ katvā … pe … ariyā maggā vuṭṭhahitvā maggaṃ garuṃ katvā … pe … phalaṃ garuṃ katvā paccavekkhanti .
Ajjhattaṃ cakkhuṃ … pe … vatthuṃ … ajjhatte khandhe garuṃ katvā assādeti abhinandati , taṃM2.444 garuṃ katvā rāgo uppajjati , diṭṭhi uppajjati .
Sahajātādhipati – ajjhattādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(1)
Ajjhatto dhammo bahiddhā dhammassa adhipatipaccayena paccayo .
Ārammaṇādhipati – paro ajjhattaṃ cakkhuṃ … pe … vatthuṃ … ajjhatte khandhe garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .(2)
31. BahiddhāT2.583 dhammo bahiddhā dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – paro dānaṃ datvā sīlaṃ samādiyitvā uposathakammaṃ katvā , taṃ garuṃ katvā paccavekkhati , pubbe suciṇṇāni garuṃ katvā … pe … jhānā vuṭṭhahitvā … pe … ariyā maggā vuṭṭhahitvā maggaṃ garuṃ katvā … pe … phalaṃ garuṃ katvā … pe … nibbānaṃ garuṃ katvā paccavekkhanti .
Nibbānaṃ gotrabhussa , vodānassa , maggassa , phalassa adhipatipaccayena paccayo .
Bahiddhā cakkhuṃ … pe … vatthuṃ … bahiddhā khandhe garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .
SahajātādhipatiV2.520 – bahiddhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(1)
Bahiddhā dhammo ajjhattassa dhammassa adhipatipaccayena paccayo .
Ārammaṇādhipati – ariyā nibbānaṃ garuṃ katvā paccavekkhanti .
Nibbānaṃ gotrabhussa , vodānassa , maggassa , phalassa , adhipatipaccayena paccayo .
Bahiddhā cakkhuṃ … pe … vatthuṃ … bahiddhā khandhe garuṃ katvā assādeti , abhinandati , taṃ garuṃ katvā rāgo … pe … diṭṭhi uppajjati .(2)

Anantarapaccayo

32. Ajjhatto dhammo ajjhattassa dhammassa anantarapaccayena paccayo – purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ anantarapaccayena paccayo .
Anulomaṃ gotrabhussa , anulomaṃ vodānassa , gotrabhu maggassa , vodānaṃ maggassa , maggo phalassa , phalaṃ phalassa , anulomaṃ phalasamāpattiyā , nirodhā vuṭṭhahantassaT2.584 nevasaññānāsaññāyatanaṃ phalasamāpattiyā anantarapaccayena paccayo .(1)
BahiddhāM2.445 dhammo bahiddhā dhammassa anantarapaccayena paccayo ( purimā purimā bahiddhāti nānākaraṇaṃ , taṃyeva gamanaṃ ).(1)

Samanantarapaccayādi

33. Ajjhatto dhammo ajjhattassa dhammassa samanantarapaccayena paccayo … pe …( anantarasadisaṃ )… sahajātapaccayena paccayo … aññamaññapaccayena paccayo … nissayapaccayena paccayo .

Upanissayapaccayo

34. Ajjhatto dhammo ajjhattassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – ajjhattaṃ saddhaṃV2.521 upanissāya dānaṃ deti , sīlaṃ samādiyati , uposathakammaṃ … pe … jhānaṃ … pe … vipassanaṃ … pe … maggaṃ … pe … abhiññaṃ … pe … samāpattiṃ uppādeti , mānaṃ jappeti , diṭṭhiṃ gaṇhāti .
Ajjhattaṃ sīlaṃ … pe … paññaṃ … rāgaṃ … pe … patthanaṃ … kāyikaṃ sukhaṃ … kāyikaṃ dukkhaṃ … utuṃ … bhojanaṃ … senāsanaṃ upanissāya dānaṃ deti … pe … samāpattiṃ uppādeti , pāṇaṃ hanati … pe … saṅghaṃ bhindati .
Ajjhattā saddhā … pe … paññā , rāgo … pe … patthanā , kāyikaṃ sukhaṃ … kāyikaṃ dukkhaṃ … senāsanaṃ ajjhattāya saddhāya … pe … paññāya , rāgassa … pe … patthanāya , kāyikassa sukhassa , kāyikassa dukkhassa , maggassa phalasamāpattiyā upanissayapaccayena paccayo .(1)
Ajjhatto dhammo bahiddhā dhammassa upanissayapaccayena paccayo – ārammaṇūpanissayo , pakatūpanissayo … pe ….
Pakatūpanissayo – paro ajjhattaṃ saddhaṃ upanissāya dānaṃ deti … pe … mānaṃ jappeti , diṭṭhiṃ gaṇhātiT2.585 .
Paro ajjhattaṃ sīlaṃ … pe … senāsanaṃ upanissāya dānaṃ deti , pāṇaṃ hanati … pe … saṅghaṃ bhindati .
Ajjhattā saddhā … pe … senāsanaṃ bahiddhā saddhāya … pe … maggassa phalasamāpattiyā upanissayapaccayena paccayo .(2)
35. Bahiddhā dhammo bahiddhā dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – paro bahiddhā saddhaṃ … pe … patthanaṃ , kāyikaṃ sukhaṃ … pe … senāsanaṃM2.446 upanissāya dānaṃ deti … pe … saṅghaṃ bhindati bahiddhā saddhā … pe … senāsanaṃ bahiddhā saddhāya … pe … phalasamāpattiyā upanissayapaccayena paccayo .(1)
Bahiddhā dhammo ajjhattassa dhammassa upanissayapaccayena paccayo – ārammaṇūpanissayo , pakatūpanissayo … pe ….
Pakatūpanissayo – bahiddhā saddhaṃ … pe … senāsanaṃ upanissāya dānaṃ deti … pe … saṅghaṃ bhindati .
Bahiddhā saddhā … pe … senāsanaṃ ajjhattāya saddhāya … pe … phalasamāpattiyā upanissayapaccayena paccayo .(2)

Purejātapaccayo

36. AjjhattoV2.522 dhammo ajjhattassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – ajjhattaṃ cakkhuṃ … pe … vatthuṃ aniccato dukkhato anattato vipassati … pe … domanassaṃ uppajjati , dibbena cakkhunā rūpaṃ passati , dibbāya sotadhātuyā saddaṃ suṇāti , rūpāyatanaṃ cakkhuviññāṇassa … pe … phoṭṭhabbāyatanaṃ kāyaviññāṇassa purejātapaccayena paccayo .
Vatthupurejātaṃ – cakkhāyatanaṃ cakkhuviññāṇassa … pe …T2.586 kāyāyatanaṃ kāyaviññāṇassa … pe … vatthu ajjhattānaṃ khandhānaṃ purejātapaccayena paccayo .(1)
Ajjhatto dhammo bahiddhā dhammassa purejātapaccayena paccayo .
Ārammaṇapurejātaṃ – paro ajjhattaṃ cakkhuṃ … pe … vatthuṃ aniccato … pe … domanassaṃ uppajjati , dibbena cakkhunā rūpaṃ passati , dibbāya sotadhātuyā saddaṃ suṇāti .
Ajjhattaṃ rūpāyatanaṃ bahiddhā cakkhuviññāṇassa … pe … ajjhattaṃ phoṭṭhabbāyatanaṃ bahiddhā kāyaviññāṇassa purejātapaccayena paccayo .(2)
37. Bahiddhā dhammo bahiddhā dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – paro bahiddhā cakkhuṃ … pe … vatthuṃ aniccato … pe … dibbena cakkhunā rūpaṃ passati , dibbāya sotadhātuyā saddaṃ suṇāti .
Bahiddhā rūpāyatanaṃ bahiddhā cakkhuviññāṇassa … pe … bahiddhā phoṭṭhabbāyatanaṃ bahiddhā kāyaviññāṇassa … pe ….
Vatthupurejātaṃ – bahiddhā cakkhāyatanaṃ … pe … kāyāyatanaṃ … pe … vatthu bahiddhā khandhānaṃ purejātapaccayena paccayo .(1)
BahiddhāM2.447 dhammo ajjhattassa dhammassa purejātapaccayena paccayo .
Ārammaṇapurejātaṃ – bahiddhā cakkhuṃ … pe … vatthuṃ aniccato … pe … domanassaṃ uppajjati , dibbena cakkhunā rūpaṃ passati , dibbāya sotadhātuyā saddaṃ suṇāti .
Bahiddhā rūpāyatanaṃ ajjhattassa cakkhuviññāṇassa … pe … bahiddhā phoṭṭhabbāyatanaṃ ajjhattassa kāyaviññāṇassa purejātapaccayenaT2.587 paccayo .(2)
38. AjjhattoV2.523 ca bahiddhā ca dhammā ajjhattassa dhammassa purejātapaccayena paccayo – ārammaṇapurejātaṃ , vatthupurejātaṃ .
Bahiddhā rūpāyatanañca ajjhattaṃ cakkhāyatanañca ajjhattassa cakkhuviññāṇassa purejātapaccayena paccayo … pe … bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa … pe … bahiddhā rūpāyatanañca ajjhattaṃ vatthu ca … pe … bahiddhā phoṭṭhabbāyatanañca ajjhattaṃ vatthu ca ajjhattānaṃ khandhānaṃ purejātapaccayena paccayo .(1)
Ajjhatto ca bahiddhā ca dhammā bahiddhā dhammassa purejātapaccayena paccayo – ārammaṇapurejātaṃ , vatthupurejātaṃ .
Ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa purejātapaccayena paccayo … pe … ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa purejātapaccayena paccayo .
Ajjhattaṃ rūpāyatanañca bahiddhā vatthu ca … pe … ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ purejātapaccayena paccayo .(2)

Pacchājātapaccayo

39. Ajjhatto dhammo ajjhattassa dhammassa pacchājātapaccayena paccayo – pacchājātā ajjhattā khandhā purejātassa imassa kāyassa pacchājātapaccayena paccayo .(1)
Bahiddhā dhammo bahiddhā dhammassa pacchājātapaccayena paccayoT2.588 – pacchājātā bahiddhā khandhā purejātassa imassa kāyassa pacchājātapaccayena paccayo .(1)

Āsevanapaccayo

40. Ajjhatto dhammo ajjhattassa dhammassa āsevanapaccayena paccayo – purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ āsevanapaccayenaM2.448 paccayo .
Anulomaṃ gotrabhussa … anulomaṃ vodānassa … gotrabhu maggassa … vodānaṃ maggassa āsevanapaccayena paccayo .(1)
BahiddhāV2.524 dhammo bahiddhā dhammassa āsevanapaccayena paccayo – purimā purimā … pe …( ajjhattasadisaṃyeva ).

Kammapaccayo

41. Ajjhatto dhammo ajjhattassa dhammassa kammapaccayena paccayo – sahajātā , nānākkhaṇikā .
Sahajātā – ajjhattā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo .
Nānākkhaṇikā – ajjhattā cetanā vipākānaṃ ajjhattānaṃ khandhānaṃ kaṭattā ca rūpānaṃ kammapaccayena paccayo .(1)
Bahiddhā dhammo bahiddhā dhammassa kammapaccayena paccayo – sahajātā , nānākkhaṇikā .
Sahajātā – bahiddhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo .
Nānākkhaṇikā – bahiddhā cetanā vipākānaṃ bahiddhā khandhānaṃ kaṭattā ca rūpānaṃ kammapaccayena paccayo .(1)

Vipākapaccayo

42. Ajjhatto dhammo ajjhattassa dhammassa vipākapaccayenaT2.589 paccayo … pe …( paripuṇṇaṃ , paṭiccavārasadisaṃ ).

Āhārapaccayo

43. Ajjhatto dhammo ajjhattassa dhammassa āhārapaccayena paccayo – ajjhattā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo .
Paṭisandhikkhaṇe … pe … ajjhatto kabaḷīkāro āhāro ajjhattassa kāyassa āhārapaccayena paccayo .(1)
Ajjhatto dhammo bahiddhā dhammassa āhārapaccayena paccayo – ajjhatto kabaḷīkāro āhāro bahiddhā kāyassa āhārapaccayena paccayo .(2)
BahiddhāM2.449V2.525 dhammo bahiddhā dhammassa āhārapaccayena paccayo ( pavattipaṭisandhi ) bahiddhā kabaḷīkāro āhāro bahiddhā kāyassa āhārapaccayena paccayo .(1)
Bahiddhā dhammo ajjhattassa dhammassa āhārapaccayena paccayo – bahiddhā kabaḷīkāro āhāro ajjhattassa kāyassa āhārapaccayena paccayo .(2)
44. Ajjhatto dhammo ca bahiddhā dhammo ca ajjhattassa dhammassa āhārapaccayena paccayo – ajjhatto kabaḷīkāro āhāro ca bahiddhā kabaḷīkāro āhāro ca ajjhattassa kāyassa āhārapaccayena paccayo .(1)
Ajjhatto dhammo ca bahiddhā dhammo ca bahiddhā dhammassaT2.590 āhārapaccayena paccayo – ajjhatto kabaḷīkāro āhāro ca bahiddhā kabaḷīkāro āhāro ca bahiddhā kāyassa āhārapaccayena paccayo .(2)

Indriyapaccayādi

45. Ajjhatto dhammo ajjhattassa dhammassa indriyapaccayena paccayo , ajjhattikā indriyā ( rūpajīvitindriyampi vitthāretabbaṃ )… jhānapaccayena paccayo … maggapaccayena paccayo … sampayuttapaccayena paccayo … vippayuttapaccayena paccayo – sahajātaṃ , purejātaṃ , pacchājātaṃ ( mātikāpadāni anumajjantena vitthāretabbāni ).
Bahiddhā dhammo bahiddhā dhammassa vippayuttapaccayena paccayo – sahajātaṃ , purejātaṃ , pacchājātaṃ ( saṃkhittaṃ ).

Atthipaccayo

46. Ajjhatto dhammo ajjhattassa dhammassa atthipaccayena paccayo – sahajātaṃ , purejātaṃ , pacchājātaṃ , āhāraṃ , indriyaṃ .
Sahajāto – ajjhatto eko khandho tiṇṇannaṃ khandhānaṃ cittasamuṭṭhānānañca rūpānaṃ … pe … dve khandhe … pe … paṭisandhikkhaṇe … pe … khandhā vatthussaV2.526 … pe … vatthu khandhānaṃ … pe … ekaṃ mahābhūtaṃ … pe … asaññasattānaṃ ekaṃ mahābhūtaṃ tiṇṇannaṃ mahābhūtānaṃ … pe ….
Purejātaṃ – cakkhuṃ … pe … vatthuṃ ( purejātasadisaṃ ), vatthu ajjhattānaṃ khandhānaṃ atthipaccayena paccayo .
Pacchājātā – ajjhattā khandhā purejātassa imassa kāyassaM2.450 atthipaccayena paccayo .
Ajjhatto kabaḷīkāro āhāro ajjhattassa kāyassa … pe … rūpajīvitindriyaṃ kaṭattārūpānaṃ … pe ….(1)
Ajjhatto dhammo bahiddhā dhammassa atthipaccayena paccayoT2.591 – purejātaṃ , āhāraṃ .
Purejātaṃ – paro ajjhattaṃ cakkhuṃ … pe … vatthuṃ aniccato … pe … vipassati , dibbena cakkhunā rūpaṃ passati , dibbāya sotadhātuyā saddaṃ suṇāti , ajjhattaṃ rūpāyatanaṃ … pe … phoṭṭhabbāyatanaṃ bahiddhā kāyaviññāṇassa atthipaccayena paccayo .
Ajjhatto kabaḷīkāro āhāro bahiddhā kāyassa atthipaccayena paccayo .(2)
47. Bahiddhā dhammo bahiddhā dhammassa atthipaccayena paccayo – sahajātaṃ , purejātaṃ , pacchājātaṃ , āhāraṃ , indriyaṃ ( bahiddhā ninnānākaraṇaṃ , mātikāpadāni vitthāretabbāni ).(1)
Bahiddhā dhammo ajjhattassa dhammassa atthipaccayena paccayo – purejātaṃ , āhāraṃ .
Purejātaṃ – bahiddhā cakkhuṃ … pe … vatthuṃ … pe … dibbena cakkhunā rūpaṃ passati , dibbāya sotadhātuyā saddaṃ suṇāti , bahiddhā rūpāyatanaṃ … pe … phoṭṭhabbāyatanaṃ ajjhattassa kāyaviññāṇassa atthipaccayena paccayo .
Bahiddhā kabaḷīkāro āhāro ajjhattassa kāyassa atthipaccayena paccayo .(2)
48. Ajjhatto dhammo ca bahiddhā dhammo ca ajjhattassa dhammassa atthipaccayena paccayo – purejātaṃ , āhāraṃ .
Purejātaṃ – bahiddhā rūpāyatanañca ajjhattaṃ cakkhu ca ajjhattassa cakkhuviññāṇassa … pe … bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa atthipaccayena paccayo .
Bahiddhā rūpāyatanañca ajjhattaṃ vatthu ca … pe … bahiddhā phoṭṭhabbāyatanañca ajjhattaṃ vatthuT2.592 ca ajjhattānaṃ khandhānaṃ atthipaccayena paccayo .
Āhāraṃ – ajjhatto kabaḷīkāro āhāro ca bahiddhā kabaḷīkāro āhāro ca ajjhattassa kāyassa atthipaccayena paccayo .(1)
AjjhattoV2.527 dhammo ca bahiddhā dhammo ca bahiddhā dhammassa atthipaccayena paccayo – purejātaṃ , āhāraṃ .
Purejātaṃ – ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa atthipaccayena paccayo … pe … ajjhattaṃM2.451 phoṭṭhabbāyatanañca bahiddhā kāyāyatanañca bahiddhā kāyaviññāṇassa atthipaccayena paccayo .
Ajjhattaṃ rūpāyatanañca bahiddhā vatthu ca bahiddhā khandhānaṃ atthipaccayena paccayo … pe … ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ atthipaccayena paccayo .
Āhāraṃ – ajjhatto kabaḷīkāro āhāro ca bahiddhā kabaḷīkāro āhāro ca bahiddhā kāyassa atthipaccayena paccayo .(2)

Natthivigatāvigatapaccayā

49. Ajjhatto dhammo ajjhattassa dhammassa natthipaccayena paccayo … vigatapaccayena paccayo … avigatapaccayena paccayo .

1. Paccayānulomaṃ

2. Saṅkhyāvāro

Suddhaṃ

50. Hetuyā dve , ārammaṇe cattāri , adhipatiyā cattāri , anantare dve , samanantare dve , sahajāte aññamaññe nissaye dve , upanissaye cattāri , purejāte cha , pacchājāte āsevane kamme vipāke dve , āhāre cha , indriye dve , jhāne magge sampayutte vippayutte dve , atthiyā cha , natthiyā dve , vigate dve , avigateT2.593 cha ( evaṃ gaṇetabbaṃ ).
Anulomaṃ .

Paccanīyuddhāro

51. AjjhattoV2.528 dhammo ajjhattassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .(1)
Ajjhatto dhammo bahiddhā dhammassa ārammaṇapaccayena paccayo … upanissayapaccayena paccayo … purejātapaccayena paccayo … āhārapaccayena paccayo .(2)
52. BahiddhāM2.452 dhammo bahiddhā dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .(1)
Bahiddhā dhammo ajjhattassa dhammassa ārammaṇapaccayena paccayo … upanissayapaccayena paccayo … purejātapaccayena paccayo … āhārapaccayena paccayo .(2)
53. Ajjhatto dhammo ca bahiddhā dhammo ca ajjhattassa dhammassa purejātaṃ , āhāraṃ .(1)
Ajjhatto dhammo ca bahiddhā dhammo ca bahiddhā dhammassa purejātaṃ , āhāraṃ .(2)

2. Paccayapaccanīyaṃ

2. Saṅkhyāvāro

54. NahetuyāT2.594 cha , naārammaṇe cha , naadhipatiyā cha ( saṃkhittaṃ , sabbattha cha kātabbā ), navippayutte cha , noatthiyā cattāri , nonatthiyā cha , novigate cha , noavigate cattāri ( evaṃ gaṇetabbaṃ )
Paccanīyaṃ .

3. Paccayānulomapaccanīyaṃ

Hetudukaṃ

55. HetupaccayāV2.529 naārammaṇe dve , naadhipatiyā naanantare nasamanantare naaññamaññe naupanissaye dve ( saṃkhittaṃ , sabbattha dve ), nasampayutte navippayutte nonatthiyā novigate dve ( evaṃ gaṇetabbaṃ ).
Anulomapaccanīyaṃ .

4. Paccayapaccanīyānulomaṃ

56. NahetupaccayāM2.453 ārammaṇe cattāri , adhipatiyā cattāri ( anulomapadāni gaṇetabbāni ), avigate cha ( evaṃ gaṇetabbaṃ ).
Paccanīyānulomaṃ .
Pañhāvāro .
Ajjhattattikaṃ niṭṭhitaṃ .