Indriyapaccayo
120. Savitakkasavicāro dhammo savitakkasavicārassa dhammassa indriyapaccayena paccayo – savitakkasavicārā indriyā sampayuttakānaṃ khandhānaṃ indriyapaccayena paccayo .
Paṭisandhikkhaṇe … pe ….(1)
Savitakkasavicāro dhammo avitakkavicāramattassa dhammassa indriyapaccayena paccayo – savitakkasavicārā indriyā vitakkassa indriyapaccayena paccayo .
Paṭisandhikkhaṇe … pe ….(7)
( Savitakkasavicāramūlakā satta pañhā iminā kāraṇena vibhajitabbā .)
Avitakkavicāramatto dhammo avitakkavicāramattassa dhammassa indriyapaccayena paccayo – avitakkavicāramattā indriyā sampayuttakānaṃ khandhānaṃ indriyapaccayena paccayo .
Paṭisandhikkhaṇe … pe ….(1)
Avitakkavicāramatto
V2.100 dhammo avitakkaavicārassa dhammassa indriyapaccayenaT2.125 paccayo – avitakkavicāramattā indriyā vicārassa ca cittasamuṭṭhānānañca rūpānaṃ indriyapaccayena paccayo .Paṭisandhikkhaṇe … pe ….(2)
Avitakkavicāramatto dhammo avitakkavicāramattassa ca avitakkaavicārassa ca dhammassa indriyapaccayena paccayo – avitakkavicāramattā indriyā sampayuttakānaṃ khandhānaṃ vicārassa ca cittasamuṭṭhānānañca rūpānaṃ indriyapaccayena paccayo .
Paṭisandhikkhaṇe … pe ….(3)
Avitakkaavicāro dhammo avitakkaavicārassa dhammassa indriyapaccayena paccayo – avitakkaavicārā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo .
Paṭisandhikkhaṇe … pe … cakkhundriyaṃ cakkhuviññāṇassa
M2.89 … pe … kāyindriyaṃ kāyaviññāṇassa indriyapaccayena paccayo .Rūpajīvitindriyaṃ kaṭattārūpānaṃ indriyapaccayena paccayo .(1)