Agatiagantabbavaṇṇanā
379. Bahujanaahitāya
V0.214 paṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati .Ovādūpajīviniyo bhikkhuniyopi dve bhāgā honti .
Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti .
Tato bhummadevatā ādiṃ katvā yāva akaniṭṭhabrahmāno dvidhāva honti .
Tena vuttaṃ –
‘‘ bahujanaahitāya paṭipanno hoti … pe … dukkhāya devamanussānan ’’ ti .
382. Visamanissitoti
M0.211 visamāni kāyakammādīni nissito .Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito .
Balavanissitoti balavante abhiññāte bhikkhū nissito .
393. Tassa avajānantoti tassa vacanaṃ avajānanto .
Upayogatthe vā sāmivacanaṃ , taṃ avajānantoti attho .
394. Yaṃ atthāyāti yadatthāya .
Taṃ atthan ti so attho .
Sesaṃ sabbattha uttānamevāti .
Mahāsaṅgāmavaṇṇanā niṭṭhitā .