Anupubbavihārasamāpattisuttādivaṇṇanā niṭṭhitā .
4. Gāvīupamāsuttavaṇṇanā
35. Catutthe
V3.275 pabbatacārinīti pakatiyā pabbate bahulacārinī .Akhettaññūti ( visuddhi . mahāṭī .1.77) agocaraññū .
Samādhiparipantānaṃ visodhanānabhiññatāya bālo .
Jhānassa paguṇabhāvāpādanaveyyattiyassa abhāvena abyatto .
Uparijhānassa padaṭṭhānabhāvānavabodhena akhettaññū .
Sabbathāpi samāpattikosallābhāvena akusalo .
Samādhinimittassa vā anāsevanāya bālo .
Abhāvanāya abyatto .
Abahulīkārena akhettaññū .
Sammadeva anadhiṭṭhānato akusaloti yojetabbaṃ .
Ubhato bhaṭṭhoti ubhayato jhānato bhaṭṭho .
So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno .