1. Paṭhamamahānāmasuttaṃ

11. EkaṃT5.355V3.296 samayaṃ bhagavā sakkesu viharati kapilavatthusmiṃ nigrodhārāme .

Tena kho pana samayena sambahulā bhikkhū bhagavato cīvarakammaṃ karonti –

‘‘ niṭṭhitacīvaro bhagavā temāsaccayena cārikaṃ pakkamissatī ’’ ti .

Assosi kho mahānāmo sakko –

‘‘ sambahulā kira bhikkhū bhagavato cīvarakammaṃ karonti –

‘ niṭṭhitacīvaro bhagavā temāsaccayena cārikaṃ pakkamissatī ’’’ ti .

Atha kho mahānāmo sakko yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho mahānāmo sakko bhagavantaṃ etadavoca –

‘‘ sutaṃ metaṃ , bhante –

‘ sambahulā kira bhikkhū bhagavato cīvarakammaṃ karonti – niṭṭhitacīvaro bhagavā temāsaccayena cārikaṃ pakkamissatī ’ ti .

Tesaṃ no , bhante , nānāvihārehi viharataṃ kenassa [ kena ( syā . kaṃ .)] vihārena vihātabban ’’ ti ?

‘‘ SādhuP5.329 sādhu , mahānāma !

Etaṃ kho , mahānāma , tumhākaṃ patirūpaṃ kulaputtānaṃ , yaṃ tumhe tathāgataṃ upasaṅkamitvā puccheyyātha –

‘ tesaṃ no , bhante , nānāvihārehi viharataṃ kenassa vihārena vihātabban ’’’ ti ?

Saddho kho , mahānāma , ārādhako hoti , no assaddho ;

āraddhavīriyo ārādhako hoti , no kusīto ;

upaṭṭhitassati ārādhako hotiM3.531 , no muṭṭhassati ;

samāhito ārādhako hoti , no asamāhito ;

paññavā ārādhako hoti , no duppañño .

Imesu kho tvaṃ , mahānāma , pañcasu dhammesu patiṭṭhāya cha dhamme uttari [ uttariṃ ( sī . syā . kaṃ . pī .)] bhāveyyāsi .[ a . ni .6.10]‘‘ Idha tvaṃ , mahānāma , tathāgataṃ anussareyyāsi –

‘ itipi so bhagavāT5.356 arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā ’ ti .

Yasmiṃ , mahānāma , samaye ariyasāvako tathāgataṃ anussarati , nevassa tasmiṃV3.297 samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti tathāgataṃ ārabbha .

Ujugatacitto kho pana , mahānāma , ariyasāvako labhati atthavedaṃ , labhati dhammavedaṃ , labhati dhammūpasaṃhitaṃ pāmojjaṃ .

Pamuditassa pīti jāyati , pītimanassa kāyo passambhati , passaddhakāyo sukhaṃ vediyati , sukhino cittaṃ samādhiyati .

Ayaṃ vuccati , mahānāma , ariyasāvako visamagatāya pajāya samappatto viharati , sabyāpajjāya pajāya abyāpajjo viharati , dhammasotasamāpanno buddhānussatiṃ bhāveti .

‘‘ Puna caparaṃ tvaṃ , mahānāma , dhammaṃ anussareyyāsi –

‘ svākkhāto bhagavatā dhammo sandiṭṭhiko akāliko ehipassiko opaneyyiko [ opanayiko ( sī . syā . kaṃ . pī .)] paccattaṃ veditabbo viññūhī ’ ti .

Yasmiṃ , mahānāma , samaye ariyasāvako dhammaṃ anussarati , nevassa tasmiṃ samaye rāgapariyuṭṭhitaṃ cittaṃP5.330 hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti dhammaṃ ārabbha .

Ujugatacitto kho pana , mahānāma , ariyasāvako labhati atthavedaṃ , labhati dhammavedaṃ , labhati dhammūpasaṃhitaṃ pāmojjaṃ .

Pamuditassa pīti jāyati , pītimanassa kāyo passambhati , passaddhakāyo sukhaṃ vediyati , sukhino cittaṃ samādhiyati .

AyaṃT5.357 vuccati , mahānāma , ariyasāvako visamagatāya pajāya samappatto viharati , sabyāpajjāya pajāya abyāpajjo viharati , dhammasotasamāpanno dhammānussatiṃ bhāveti .

‘‘ Puna caparaṃ tvaṃ , mahānāma , saṅghaṃ anussareyyāsi –

‘ suppaṭipanno bhagavato sāvakasaṅgho , ujuppaṭipanno bhagavato sāvakasaṅgho , ñāyappaṭipanno bhagavatoM3.532 sāvakasaṅgho , sāmīcippaṭipanno bhagavato sāvakasaṅgho , yadidaṃ cattāri purisayugāni aṭṭha purisapuggalā , esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā ’ ti .

Yasmiṃ , mahānāma , samaye ariyasāvako saṅghaṃ anussarati , nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti saṅghaṃ ārabbha .

Ujugatacitto kho pana , mahānāma , ariyasāvako labhati atthavedaṃ , labhati dhammavedaṃ , labhati dhammūpasaṃhitaṃ pāmojjaṃ .

Pamuditassa pīti jāyati , pītimanassa kāyo passambhati , passaddhakāyo sukhaṃ vediyati , sukhino cittaṃ samādhiyati .

Ayaṃ vuccati , mahānāma , ariyasāvako visamagatāya pajāya samappattoV3.298 viharati , sabyāpajjāya pajāya abyāpajjo viharati , dhammasotasamāpanno saṅghānussatiṃ bhāveti .

‘‘ Puna caparaṃ tvaṃ , mahānāma , attano sīlāni anussareyyāsi akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni .

Yasmiṃ , mahānāma , samaye ariyasāvako sīlaṃ anussarati , nevassaT5.358 tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃP5.331 cittaṃ hoti ;

ujugatamevassa tasmiṃ samaye cittaṃ hoti sīlaṃ ārabbha .

Ujugatacitto kho pana , mahānāma , ariyasāvako labhati atthavedaṃ , labhati dhammavedaṃ , labhati dhammūpasaṃhitaṃ pāmojjaṃ .

Pamuditassa pīti jāyati , pītimanassa kāyo passambhati , passaddhakāyo sukhaṃ vediyati , sukhino cittaṃ samādhiyati .

Ayaṃ vuccati , mahānāma , ariyasāvako visamagatāya pajāya samappatto viharati , sabyāpajjāya pajāya abyāpajjo viharati , dhammasotasamāpanno sīlānussatiṃ bhāveti .

‘‘ Puna caparaṃ tvaṃ , mahānāma , attano cāgaṃ anussareyyāsi –

‘ lābhā vata me , suladdhaṃ vata me , yohaṃ maccheramalapariyuṭṭhitāya pajāya vigatamalamaccherena cetasā agāraṃ ajjhāvasāmi muttacāgo payatapāṇi vossaggarato yācayogo dānasaṃvibhāgarato ’ ti .

Yasmiṃ , mahānāmaM3.533 , samaye ariyasāvako cāgaṃ anussarati , nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti cāgaṃ ārabbha .

Ujugatacitto kho pana , mahānāma , ariyasāvako labhati atthavedaṃ , labhati dhammavedaṃ , labhati dhammūpasaṃhitaṃ pāmojjaṃ .

Pamuditassa pīti jāyati , pītimanassa kāyo passambhati , passaddhakāyo sukhaṃ vediyati , sukhino cittaṃ samādhiyati .

Ayaṃ vuccati , mahānāma , ariyasāvako visamagatāya pajāya samappatto viharati , sabyāpajjāya pajāya abyāpajjo viharati , dhammasotasamāpanno cāgānussatiṃT5.359 bhāveti .

‘‘ Puna caparaṃ tvaṃ , mahānāma , devatā anussareyyāsi –

‘ santi devā cātumahārājikā , santi devā tāvatiṃsā , santi devā yāmā , santi devā tusitā , santi devā nimmānaratino , santi devā paranimmitavasavattino , santi devā brahmakāyikā , santi devā tatuttari .

YathārūpāyaV3.299 saddhāya samannāgatā tā devatā ito cutā tatthūpapannāP5.332 , mayhampi tathārūpā saddhā saṃvijjati .

Yathārūpena sīlena samannāgatā tā devatā ito cutā tatthūpapannā , mayhampi tathārūpaṃ sīlaṃ saṃvijjati .

Yathārūpena sutena samannāgatā tā devatā ito cutā tatthūpapannā , mayhampi tathārūpaṃ sutaṃ saṃvijjati .

Yathārūpena cāgena samannāgatā tā devatā ito cutā tatthūpapannā , mayhampi tathārūpo cāgo saṃvijjati .

Yathārūpāya paññāya samannāgatā tā devatā ito cutā tatthūpapannā , mayhampi tathārūpā paññā saṃvijjatī ’ ti .

Yasmiṃ , mahānāma , samaye ariyasāvako attano ca tāsañca devatānaṃ saddhañca sīlañca sutañca cāgañca paññañca anussarati , nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti devatā ārabbha .

Ujugatacitto kho pana , mahānāma , ariyasāvako labhati atthavedaṃ , labhati dhammavedaṃ , labhati dhammūpasaṃhitaṃ pāmojjaṃ .

Pamuditassa pīti jāyati , pītimanassa kāyo passambhati , passaddhakāyo sukhaṃ vediyati , sukhino cittaṃ samādhiyati .

AyaṃT5.360 vuccati , mahānāma , ariyasāvako visamagatāya pajāya samappattoM3.534 viharati , sabyāpajjāya pajāya abyāpajjo viharati , dhammasotasamāpanno devatānussatiṃ bhāvetī ’’ ti .

Paṭhamaṃ .

Issues

ဗားရှင်းရွေးချယ်ပါ

Ekādasakanipātapāḷi

Ekādasakanipātapāḷi