10. Tatiyasamādhisuttaṃ
20.[ a . ni .10.7] Atha
V3.320 kho sambahulā bhikkhū yenāyasmā sāriputto tenupasaṅkamiṃsu ;upasaṅkamitvā āyasmatā sāriputtena saddhiṃ sammodiṃsu .
Sammodanīyaṃ
M3.554 kathaṃ sāraṇīyaṃ vītisāretvā ekamantaṃ nisīdiṃsu .Ekamantaṃ nisinnā kho te bhikkhū āyasmantaṃ sāriputtaṃ etadavocuṃ –
‘‘ Siyā nu kho , āvuso sāriputta , bhikkhuno tathārūpo samādhipaṭilābho yathā neva pathaviyaṃ pathavisaññī assa … pe …
T5.388 yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tatrāpi na saññī assa ;saññī ca pana assā ’’ ti ?
‘‘ Siyā , āvuso , bhikkhuno tathārūpo samādhipaṭilābho yathā neva pathaviyaṃ pathavisaññī assa … pe … yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tatrāpi na saññī assa ;
saññī ca pana assā ’’ ti .
‘‘ Yathā kathaṃ pana , āvuso sāriputta , siyā bhikkhuno tathārūpo samādhipaṭilābho yathā neva pathaviyaṃ pathavisaññī assa … pe … yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tatrāpi na saññī assa ;
saññī ca pana assā ’’ ti ?
‘‘ Idha
P5.357 , āvuso , bhikkhu evaṃsaññī hoti –‘ etaṃ santaṃ etaṃ paṇītaṃ , yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .
Evaṃ kho , āvuso , siyā bhikkhuno tathārūpo samādhipaṭilābho yathā neva pathaviyaṃ pathavisaññī assa … pe … yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tatrāpi na saññī assa ;
saññī ca pana assā ’’ ti .
Dasamaṃ .