6. Naḷamālikātherīapadānaṃ
86.
‘‘ Candabhāgānadītīre
V2.198 , ahosiṃ kinnarī tadā ;Addasaṃ virajaṃ buddhaṃ , sayambhuṃ aparājitaṃ .
87.
‘‘ Pasannacittā
M2.206P2.529 sumanā , vedajātā katañjalī ;Naḷamālaṃ gahetvāna , sayambhuṃ abhipūjayiṃ .
88.
‘‘ Tena
T2.280 kammena sukatena , cetanāpaṇidhīhi ca ;Jahitvā kinnarīdehaṃ [ mānasaṃ dehaṃ ( sī . pī . ka .) sumedhāvaggepi ], tāvatiṃsamagacchahaṃ .
89.
‘‘ Chattiṃsadevarājūnaṃ , mahesittamakārayiṃ ;
Manasā patthitaṃ mayhaṃ , nibbattati yathicchitaṃ .
90.
‘‘ Dasannaṃ cakkavattīnaṃ , mahesittamakārayiṃ ;
Ocitattāva [ sucitattāva ( pī .)] hutvāna , saṃsarāmi bhavesvahaṃ .
91.
‘‘ Kusalaṃ vijjate mayhaṃ , pabbajiṃ anagāriyaṃ ;
Pūjārahā ahaṃ ajja , sakyaputtassa sāsane .
92.
‘‘ Visuddhamanasā ajja , apetamanapāpikā ;
Sabbāsavaparikkhīṇā , natthi dāni punabbhavo .
93.
‘‘ Catunnavutito kappe , yaṃ buddhamabhipūjayiṃ ;
Duggatiṃ nābhijānāmi , naḷamālāyidaṃ phalaṃ .
94.
‘‘ Kilesā jhāpitā mayhaṃ … pe … viharāmi anāsavā .
95.
‘‘ Svāgataṃ vata me āsi … pe … kataṃ buddhassa sāsanaṃ .
96.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ naḷamālikā bhikkhunī imā gāthāyo abhāsitthāti .
Naḷamālikātheriyāpadānaṃ chaṭṭhaṃ .