2. Saḷalapupphikātherīapadānaṃ
22.
‘‘ Candabhāgānadītīre , ahosiṃ kinnarī tadā ;
Addasāhaṃ devadevaṃ , caṅkamantaṃ narāsabhaṃ .
23.
‘‘ Ocinitvāna saḷalaṃ , buddhaseṭṭhassadāsahaṃ ;
Upasiṅghi mahāvīro , saḷalaṃ devagandhikaṃ .
24.
‘‘ Paṭiggahetvā
V2.193 sambuddho , vipassī lokanāyako ;Upasiṅghi mahāvīro , pekkhamānāya me tadā .
25.
‘‘ Añjaliṃ paggahetvāna , vanditvā dvipaduttamaṃ [ dipaduttamaṃ ( sī . syā . pī .)];
Sakaṃ cittaṃ pasādetvā , tato pabbatamāruhiṃ .
26.
‘‘ Ekanavutito
M2.201 kappe , yaṃ pupphamadadiṃ tadā ;Duggatiṃ nābhijānāmi , buddhapūjāyidaṃ phalaṃ .
27.
‘‘ Kilesā
T2.273 jhāpitā mayhaṃ … pe … viharāmi anāsavā . 28.
‘‘ Svāgataṃ vata me āsi … pe … kataṃ buddhassa sāsanaṃ .
29.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ saḷalapupphikā bhikkhunī imā gāthāyo abhāsitthāti .
Saḷalapupphikātheriyāpadānaṃ dutiyaṃ .