4. Ekāsanadāyikātherīapadānaṃ
37.
‘‘ Nagare
M2.202 haṃsavatiyā , ahosiṃ bālikā [ mālikā ( syā . pī .)] tadā ;Mātā ca me pitā ceva , kammantaṃ agamaṃsu te .
38.
‘‘ Majjhanhikamhi sūriye , addasaṃ samaṇaṃ ahaṃ ;
Vīthiyā anugacchantaṃ , āsanaṃ paññapesahaṃ .
39.
‘‘ Gonakāvikatikāhi [ gonakacittakādīhi ( sī .)], paññapetvā mamāsanaṃ ;
Pasannacittā sumanā , idaṃ vacanamabraviṃ .
40.
‘‘‘ Santattā kuthitā bhūmi , sūro majjhanhike ṭhito ;
Mālutā ca na vāyanti , kālo cevettha mehiti [ cettha upaṭṭhito ( sī .), cevatthaṃ eti taṃ ( pī .)].
41.
‘‘‘ Paññattamāsanamidaṃ , tavatthāya mahāmuni ;
Anukampaṃ upādāya , nisīda mama āsane ’.
42.
‘‘ Nisīdi tattha samaṇo , sudanto suddhamānaso ;
Tassa pattaṃ gahetvāna , yathārandhaṃ adāsahaṃ .
43.
‘‘ Tena
T2.275 kammena sukatena , cetanāpaṇidhīhi ca ;Jahitvā mānusaṃ dehaṃ , tāvatiṃsamagacchahaṃ .
44.
‘‘ Tattha me sukataṃ byamhaṃ , āsanena sunimmitaṃ ;
Saṭṭhiyojanamubbedhaṃ , tiṃsayojanavitthataṃ .
45.
‘‘ Soṇṇamayā
P2.526 maṇimayā , athopi phalikāmayā ;Lohitaṅgamayā ceva , pallaṅkā vividhā mama .
46.
‘‘ Tūlikā vikatikāhi , kaṭṭissacittakāhi ca ;
Uddaekantalomī ca , pallaṅkā me susaṇṭhitā [ susanthatā ( sī .)].
47.
‘‘ Yadā
V2.195 icchāmi gamanaṃ , hāsakhiḍḍasamappitā ;Saha pallaṅkaseṭṭhena , gacchāmi mama patthitaṃ .
48.
‘‘ Asīti devarājūnaṃ , mahesittamakārayiṃ ;
Sattati cakkavattīnaṃ , mahesittamakārayiṃ .
49.
‘‘ Bhavābhave
M2.203 saṃsarantī , mahābhogaṃ labhāmahaṃ ;Bhoge me ūnatā natthi , ekāsanassidaṃ phalaṃ [ ekāsanaphalaṃ idaṃ ( sabbattha ) evamuparipi ].
50.
‘‘ Duve bhave saṃsarāmi , devatte atha mānuse ;
Aññe bhave na jānāmi , ekāsanassidaṃ phalaṃ .
51.
‘‘ Duve kule pajāyāmi , khattiye cāpi brāhmaṇe ;
Uccākulīnā [ uccākulikā ( syā . pī . ka .)] sabbattha , ekāsanassidaṃ phalaṃ .
52.
‘‘ Domanassaṃ na jānāmi , cittasantāpanaṃ mama ;
Vevaṇṇiyaṃ na jānāmi , ekāsanassidaṃ phalaṃ .
53.
‘‘ Dhātiyo
T2.276 maṃ upaṭṭhanti , khujjā celāpikā [ khelāpikā ( sī .), celāvikā ( pī .)] bahū ;Aṅkena aṅkaṃ gacchāmi , ekāsanassidaṃ phalaṃ .
54.
‘‘ Aññā nhāpenti bhojenti , aññā ramenti maṃ sadā ;
Aññā gandhaṃ vilimpanti , ekāsanassidaṃ phalaṃ [ aññā mameva nhāpenti , aññā bhojenti bhojanaṃ ; aññā maṃ alaṅkaronti , aññā ramenti maṃ saddhā ;( syā .)].
55.
‘‘ Maṇḍape rukkhamūle vā , suññāgāre vasantiyā ;
Mama saṅkappamaññāya , pallaṅko upatiṭṭhati .
56.
‘‘ Ayaṃ pacchimako mayhaṃ , carimo vattate bhavo ;
Ajjāpi rajjaṃ chaḍḍetvā , pabbajiṃ anagāriyaṃ .
57.
‘‘ Satasahassito kappe , yaṃ dānamadadiṃ tadā ;
Duggatiṃ nābhijānāmi , ekāsanassidaṃ phalaṃ .
58.
‘‘ Kilesā jhāpitā mayhaṃ … pe … viharāmi anāsavā .
59.
‘‘ Svāgataṃ vata me āsi … pe … kataṃ buddhassa sāsanaṃ .
60.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ ekāsanadāyikā bhikkhunī imā gāthāyo abhāsitthāti .
Ekāsanadāyikātheriyāpadānaṃ catutthaṃ .