Sarasandhi
11. Loka
M0.21 aggoityasmiṃ –‘‘ pubbamadhoṭhita massaraṃ sarena viyojaye ’’ ti pubbabyañjanaṃ sarato puthakkātabbaṃ .
Sarā sare lopaṃ .
Anantare sare pare sarā lopaṃ papponti .
‘‘ Nare
M0.22 paraṃ yutte ’’ ti assaro byañjano parakkharaṃ netabbo lokaggo .Saretyasmiṃ
M0.24 opasilesiko kāsasattamī , tato vaṇṇakālabyavadhāne kāriyaṃ na hoti .Yathā-maṃ ahā sīti ,‘‘ pamādamanuyuñjantī ’’ tyādigāthāyaṃ ‘ janā appamādan ’ ti ca .
Evaṃ sabbasandhīsu .
Anantaraṃ parassa sarassa lopaṃ vakkhati , tasmānena pubbassa lopo ñāyati , teneva sattamīniddiṭṭhassa paratāpi gamyate .
12. Saretyadhikāro .
M0.26 Pana ime pana imetīha-sarā lopaṃ itveva .Vā paro asarūpo .
Asamānarūpāsaramhā paro saro vā lupyate , paname , panime .
13. Bandhussa
M0.27 iva , na upetītīdha –Kvacāsavaṇṇaṃ lutte .
Sare lutte parasarassa kvaci asavaṇṇo hotīti i u iccetesaṃ ṭhānāsannā e o .
Bandhusseva .
Nopeti .
14. Tatra
M0.29 ayaṃ , yāni idha , bahu upakāraṃ , saddhā idha , tathā upamantyetasmiṃ –Dīghaṃ .
Sare lutte paro saro kvaci ṭhānāsannaṃ dīghaṃ yāti .
Tatrāyaṃ , yānīdha , bahūpakāraṃ , saddhīdha , tathūpamaṃ .
15. Kiṃsu idhetyatra –
Pubbo ca .
Sare lutte pubbo ca kvaci dīghaṃ yāti .
Kiṃ sūdha .
16. Te
M0.30 ajja , te ahaṃtettha –Yamedantassādeso .
Sare pare antassa ekārassa kvaci yo ādeso hoti , tyajja ,‘‘ dīghan ’’ ti byañjane pare kvaci dīgho , tyāhaṃ .
Kvacīti kiṃ .
Nettha .
17. So
M0.33 assa , anu etityettha –Vamodudantānaṃ .
Sare pare anto kārukārānaṃ kvaci vo ādeso hoti .
Svassa , anveti .
Kvacīti kiṃ .
Tayassu , sametāyasmā .
18. Idha
M0.34 ahaṃ tīdha –Do dhassa ca .
Sare pare dhassa kvaci do hoti .
Dīghe – idāhaṃ .
Kvacīti kiṃ .
Idheva .
Cakārena byañjanepi , idha bhikkhave .
19. Pati antuṃ , vutti assetīha –
Ivaṇṇo yannavā .
Sare pare ivaṇṇassa yo navā hoti .
Kata yakārassa tissa ‘‘ sabbo cantī ’’ ti kvaci cādese ‘‘ paradvebhāvo ṭhāne ’’ ti sarato parabyañjanassa ṭhānāsannavasā dvittaṃ .
Paccantaṃ , vutyassa .
Navāti kiṃ .
Paṭaggi ,
Ettha ‘‘ kvaci paṭi patisse ’’ ti patissa paṭi , vaṇṇaggahaṇaṃ sabbattha rassadīgha saṅgahaṇatthaṃ .
20. Yathā
M0.36 evetīha –Evādissa ri pubbo ca rasso .
Sarato parassa evassādiekāro rittaṃ navā yāti .
Pubbo ca ṭhānāsannaṃ rassaṃ .
Yathariva .
Yatheva .
21. Na
M0.37 imassa , ti aṅgikaṃ , lahu essati , attha atthaṃ , ito āyati , tasmā iha , sabbhi eva , cha abhiññā , putha eva , pā evatīha vā tveva –Ya va ma da na ta ra ḷā cāgamā .
Sare pare yādayo āgamā vā honti , cakārena go ca .
Nayimassa , tivaṅgikaṃ , lahumessati , attadatthaṃ , itonāyati , tasmātiha , sabbhireva , chaḷabhiñā , puthageva ,‘‘ rassan ’’ ti byañjane pare kvaci rasso .
Pageva .
Vāti kiṃ .
Cha abhiññā , putha eva , pā eva .
Ettha ‘‘ sare kvacī ’’ ti sarānaṃ pakati hoti , sassarūpameva , na vikārotyattho .
22. Abhi
M0.39 uggatotyatra –‘‘ Abbho abhī ’’ ti abhissa abbho .
Abbhuggato .
Sarasandhi