Itthiliṅga
111. Kaññā
M0.86 .Silopo .
‘‘ Ā gho ’’ ti itthiyaṃ ākārassa ghasaññā .
Yo lope – kaññā .
Pakkhe – kaññāyo .
112.‘‘ Ghate ce ’’ ti gassa e .
He-kaññe .
Kaññā , kaññāyo .
113. Kaññaṃ .
Kaññā , kaññāyo .
114. Āya ekavacanassetveva .
‘‘ Ghato nādīnan ’’ ti nādekavacanānamāyo .
Kaññāya .
Kaññābhi , kaññāhi .
115. Kaññāya .
Kaññānaṃ .
116. Ghapato smiṃ yaṃ vā .
Ghapehi smino yaṃ vā hoti .
Kaññāyaṃ , kaññāya .
Kaññāsu .
117. Ratti
M0.87 , silopo .‘‘ Te itthikhyā po ’’ ti itthiyamivaṇṇuvaṇṇānaṃ pasaññā .
Yolopadīghā .
Rattī .
Pakkhe – rattiyo .
Tathālapane .
118. Rattiṃ , rattī .
Rattiyo .
119. Ekavacanassa nādīnantveva .
‘‘ Pato yā ’’ ti nādekavacanānaṃ yā .
Rattiyā .
Rattībhi , rattīhi .
120. Rattiyā .
Rattīnaṃ .
121. Rattiyaṃ , rattiyā .
Rattīsu .
122. Nadī
M0.88 .Sesaṃ rattīva .
Aghattā rassova viseso .
123. Yāgu rattīva .
124. Mātu , dhītu , duhitvādayo piteva .
125. Jambū nadīva .
Kaññaiti ṭhite –
Itthiyamato āpaccayo .
Itthiyaṃ vattamānā akārantato āpaccayo hoti .
Saralopapakalyādi .
Kaññā .
‘‘ Dhātuppaccayavibhatti vajjitamatthavaṃ liṅgan ’’ ti vacanato paccayantassāliṅgattā taddhitādisutte cakārena nāmamiva kate – syādi .
Evaṃ īinīsu .
Evaṃ ajā , eḷakā , kokilā , assā , mūsikā , balākā , mandā , jarāiccādi .
126. Itthiyantyadhikāro .
Nadādito vā ī .
Itthiyaṃ
M0.89 nadādito vā anadādito vā ī hoti .Nadī , nagarī , kumārī , brāhmaṇī , taruṇī , kukkuṭī , itthī iccādi .
‘‘ Mātulādīnamānattamīkāre ’’ ti
M0.90 īmhi mātulādyantassa āno .Mātulānītyādi .
Anadādito vā ī .
Sakhī , hatthī .
Bhavato bhoto .
Īmhi bhavantassa bhoto hoti .
Bhotī .
127.‘‘ Ṇa
M0.91 va ṇikaṇeyya ṇantūhī ’’ ti ī .Mānavī , nāvikī , venateyyī , gotamī .
128.‘‘ Ntussa tamīkāre ’’ ti ntussa to vā .
Guṇavatī , guṇavantī .
Dhitimatī , dhitimantī .
Ntassa ntubyapadeso .
Mahatī , mahantī .
129. Patibhikkhurājīkārantehi inī .
Patyādīhi
M0.92 īkārantehi ca itthiyaṃ inī hoti .‘‘ Patissinīmhī ’’ ti patyantassa atte saralopādo tukārena lopābhāvo .
‘‘ Vā paro asarūpā ’’ ti ilopo , dīgho ca .
Gahapatānī , bhikkhunī , rājinī , medhāvinī , tapassinī , dhammacāriṇī , bhayadassāvinī , bhuttāvinītyādi .
Itthiliṅgā .