180. Ekassāti attano attano aṭṭakārassa vā .Ārocaneti vattabbassa vohārikānaṃ nivedane .
181. Dutiyārocaneti dutiyassa , dutiyaṃ evaṃ ārocane .
182. Dvīhīti dvīhi kammavācāhi .
Kammavācosāneti kammavācāosāne .
183. Parikkhepe atikkanteti attano gāmato gantvā itaraṃ gāmaṃ pavisantiyā paṭhamena pādena tassa gāmassa parikkhepe atikkante , paṭhamapāde parikkhepaṃ atikkametvā antogāmasaṅkhepaṃ gateti attho .
184. Dutiyenāti gāmaparikkhepato bahi ṭhitena dutiyapādena .
Atikkanteti tasmiṃ gāmaparikkhepe atikkante , tasmiṃ pāde antogāmaṃ pavesiteti attho .
Sesaṃ uttānatthameva .
Iti uttare līnatthapakāsaniyā bhikkhunivibhaṅge
Saṅghādisesakathāvaṇṇanā niṭṭhitā .