Tattha mātikā uddeso .
Sā pañcavidhā – nayamātikā , abbhantaramātikā , nayamukhamātikā , lakkhaṇamātikā , bāhiramātikāti .
2. Abbhantaramātikāvaṇṇanā
2. Pañcakkhandhā
M0.2 … pe … manasikāroti ayaṃ pañcavīsādhikena padasatena nikkhittā abbhantaramātikā nāma .
Ayañhi ‘‘ sabbāpi dhammasaṅgaṇī dhātukathāya mātikā ’’ ti evaṃ avatvā saṅgahādinā nayena vibhajitabbe khandhādidhamme sarūpato dassetvā dhātukathāya abbhantareyeva ṭhapitattā abbhantaramātikāti vuccati .
Khandhādipadānaṃ dhammasaṅgaṇīmātikāyaP0.115 asaṅgahitattā pakiṇṇakamātikā tipi vattuṃ vaṭṭati .
3. Nayamukhamātikāvaṇṇanā