1. SaṅgahoV0.2 asaṅgahotiādīnañhi vasena idaṃ pakaraṇaṃ cuddasavidhena vibhattanti vuttaṃ . Taṃ sabbampi uddesaniddesato dvidhā ṭhitaṃ . Tattha saṅgaho asaṅgaho … pe … vippayuttena saṅgahitaṃ asaṅgahitan ti – ayaṃ cuddasahi padehi nikkhittā nayamātikā nāma . Ayañhi iminā saṅgahādikena nayena dhātukathā dhammā vibhattāti dassetuṃ ṭhapitattā nayamātikāti vuccati . Etesaṃ padānaṃ mūlabhūtattā mūlamātikā tipi vattuṃ vaṭṭati .