( Ca ) paṭilomapuggalokāsā
121.( Ka ) yo yato kāmarāgānusayena niranusayo so tato paṭighānusayena niranusayoti ?
Tayo puggalā dukkhāya vedanāya te tato kāmarāgānusayena niranusayā , no ca te tato paṭighānusayena niranusayā .
Teva
T1.541 puggalā rūpadhātuyā arūpadhātuyā apariyāpanne te tato kāmarāgānusayena ca niranusayā paṭighānusayena ca niranusayā .Dve puggalā sabbattha kāmarāgānusayena ca niranusayā paṭighānusayena ca niranusayā .
( Kha ) yo
V2.175 vā pana yato paṭighānusayena niranusayo so tato kāmarāgānusayena niranusayoti ?Tayo puggalā kāmadhātuyā dvīsu vedanāsu te tato paṭighānusayena niranusayā , no ca te tato kāmarāgānusayena niranusayā .
Teva puggalā rūpadhātuyā arūpadhātuyā apariyāpanne te tato paṭighānusayena ca niranusayā kāmarāgānusayena ca niranusayā .
Dve puggalā sabbattha paṭighānusayena ca niranusayā kāmarāgānusayena ca niranusayā .
( Ka ) yo yato kāmarāgānusayena niranusayo so tato mānānusayena niranusayoti ?
Tayo puggalā rūpadhātuyā arūpadhātuyā
M2.135 te tato kāmarāgānusayena niranusayā , no ca te tato mānānusayena niranusayā .Teva puggalā dukkhāya vedanāya apariyāpanne te tato kāmarāgānusayena ca niranusayā mānānusayena ca niranusayā .
Anāgāmī kāmadhātuyā dvīsu vedanāsu rūpadhātuyā arūpadhātuyā so tato kāmarāgānusayena niranusayo , no ca so tato mānānusayena niranusayo .
Sveva puggalo dukkhāya vedanāya apariyāpanne so tato kāmarāgānusayena ca niranusayo mānānusayena ca niranusayo .
Arahā sabbattha kāmarāgānusayena ca niranusayo mānānusayena ca niranusayo .
( Kha ) yo vā pana yato mānānusayena niranusayo so tato kāmarāgānusayena niranusayoti ?
Āmantā
T1.542 .Yo yato kāmarāgānusayena niranusayo so tato diṭṭhānusayena … pe … vicikicchānusayena niranusayoti ?
Puthujjano dukkhāya vedanāya rūpadhātuyā arūpadhātuyā so tato kāmarāgānusayena niranusayo , no ca so tato vicikicchānusayena niranusayo .
Sveva puggalo apariyāpanne so tato kāmarāgānusayena ca niranusayo vicikicchānusayena ca niranusayo .
Dve puggalā sabbattha kāmarāgānusayena ca niranusayā vicikicchānusayena ca niranusayā .
Yo
V2.176 vā pana yato vicikicchānusayena niranusayo so tato kāmarāgānusayena niranusayoti ?Dve puggalā kāmadhātuyā dvīsu vedanāsu te tato vicikicchānusayena niranusayā , no ca te tato kāmarāgānusayena niranusayā .
Teva puggalā dukkhāya vedanāya rūpadhātuyā arūpadhātuyā apariyāpanne te tato vicikicchānusayena ca niranusayā kāmarāgānusayena ca niranusayā .
Dve puggalā sabbattha vicikicchānusayena ca niranusayā kāmarāgānusayena ca niranusayā .
( Ka ) yo yato kāmarāgānusayena niranusayo so tato bhavarāgānusayena niranusayoti ?
Tayo puggalā rūpadhātuyā arūpadhātuyā te tato kāmarāgānusayena niranusayā , no ca te tato bhavarāgānusayena niranusayā .
Teva puggalā dukkhāya vedanāya apariyāpanne te tato kāmarāgānusayena ca niranusayā bhavarāgānusayena
M2.136 ca niranusayā .Anāgāmī rūpadhātuyā arūpadhātuyā so tato kāmarāgānusayena niranusayo , no ca so tato bhavarāgānusayena niranusayo .
Sveva puggalo kāmadhātuyā tīsu
T1.543 vedanāsu apariyāpanne so tato kāmarāgānusayena ca niranusayo bhavarāgānusayena ca niranusayo .Arahā sabbattha kāmarāgānusayena ca niranusayo bhavarāgānusayena ca niranusayo .
( Kha ) yo vā pana yato bhavarāgānusayena niranusayo so tato kāmarāgānusayena niranusayoti ?
Tayo puggalā kāmadhātuyā dvīsu vedanāsu te tato bhavarāgānusayena niranusayā , no ca te tato kāmarāgānusayena niranusayā .
Teva puggalā dukkhāya vedanāya apariyāpanne te tato bhavarāgānusayena ca niranusayā kāmarāgānusayena ca niranusayā .
Arahā sabbattha bhavarāgānusayena ca niranusayo kāmarāgānusayena ca niranusayo .
( Ka ) yo
V2.177 yato kāmarāgānusayena niranusayo so tato avijjānusayena niranusayoti ?Tayo puggalā dukkhāya vedanāya rūpadhātuyā arūpadhātuyā te tato kāmarāgānusayena niranusayā , no ca te tato avijjānusayena niranusayā .
Teva puggalā apariyāpanne te tato kāmarāgānusayena ca niranusayā avijjānusayena ca niranusayā .
Anāgāmī kāmadhātuyā tīsu vedanāsu rūpadhātuyā arūpadhātuyā so tato kāmarāgānusayena niranusayo , no ca so tato avijjānusayena niranusayo .
Sveva puggalo apariyāpanne so tato kāmarāgānusayena ca niranusayo avijjānusayena ca niranusayo .
Arahā sabbattha kāmarāgānusayena ca niranusayo avijjānusayena ca niranusayo .
( Kha ) yo vā pana yato avijjānusayena niranusayo so tato kāmarāgānusayena niranusayoti ?
Āmantā .
122.( Ka ) yo
T1.544 yato paṭighānusayena niranusayo so tato mānānusayena niranusayoti ?Tayo puggalā kāmadhātuyā dvīsu vedanāsu rūpadhātuyā arūpadhātuyā te tato paṭighānusayena niranusayā , no ca te tato mānānusayena niranusayā .
Teva puggalā apariyāpanne te tato paṭighānusayena ca niranusayā mānānusayena
M2.137 ca niranusayā .Anāgāmī kāmadhātuyā dvīsu vedanāsu rūpadhātuyā arūpadhātuyā so tato paṭighānusayena niranusayo , no ca so tato mānānusayena niranusayo .
Sveva puggalo dukkhāya vedanāya apariyāpanne so tato paṭighānusayena ca niranusayo mānānusayena ca niranusayo .
Arahā sabbattha paṭighānusayena ca niranusayo mānānusayena ca niranusayo .
( Kha ) yo vā pana yato mānānusayena niranusayo so tato paṭighānusayena niranusayoti ?
Tayo puggalā dukkhāya vedanāya te tato mānānusayena niranusayā , no
V2.178 ca te tato paṭighānusayena niranusayā .Teva puggalā apariyāpanne te tato mānānusayena ca niranusayā paṭighānusayena ca niranusayā .
Arahā sabbattha mānānusayena ca niranusayo paṭighānusayena ca niranusayo .
Yo yato paṭighānusayena niranusayo so tato diṭṭhānusayena … pe … vicikicchānusayena niranusayoti ?
Puthujjano kāmadhātuyā dvīsu vedanāsu rūpadhātuyā arūpadhātuyā so tato paṭighānusayena niranusayo , no ca so tato vicikicchānusayena niranusayo .
Sveva puggalo apariyāpanne so tato paṭighānusayena ca niranusayo vicikicchānusayena ca niranusayo .
Dve
T1.545 puggalā sabbattha paṭighānusayena ca niranusayā vicikicchānusayena ca niranusayā .Yo vā pana yato vicikicchānusayena niranusayo so tato paṭighānusayena niranusayoti ?
Dve puggalā dukkhāya vedanāya te tato vicikicchānusayena niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu rūpadhātuyā arūpadhātuyā apariyāpanne te tato vicikicchānusayena ca niranusayā paṭighānusayena ca niranusayā .
Dve puggalā sabbattha vicikicchānusayena ca niranusayā paṭighānusayena ca niranusayā .
( Ka ) yo yato paṭighānusayena niranusayo so tato bhavarāgānusayena niranusayoti ?
Tayo puggalā rūpadhātuyā arūpadhātuyā te tato paṭighānusayena niranusayā , no ca te tato bhavarāgānusayena niranusayā .
Teva puggalā kāmadhātuyā dvīsu vedanāsu
M2.138 apariyāpanne te tato paṭighānusayena ca niranusayā bhavarāgānusayena ca niranusayā .Anāgāmī rūpadhātuyā arūpadhātuyā so tato paṭighānusayena niranusayo , no ca so tato bhavarāgānusayena
V2.179 niranusayo .Sveva puggalo kāmadhātuyā tīsu vedanāsu apariyāpanne so tato paṭighānusayena ca niranusayo bhavarāgānusayena ca niranusayo .
Arahā sabbattha paṭighānusayena ca niranusayo bhavarāgānusayena ca niranusayo .
( Kha ) yo vā pana yato bhavarāgānusayena niranusayo so tato paṭighānusayena niranusayoti ?
Tayo puggalā dukkhāya vedanāya te tato bhavarāgānusayena niranusayā , no ca te tato paṭighānusayena niranusayā .
Teva puggalā kāmadhātuyā dvīsu
T1.546 vedanāsu apariyāpanne te tato bhavarāgānusayena ca niranusayā paṭighānusayena ca niranusayā .Arahā sabbattha bhavarāgānusayena ca niranusayo paṭighānusayena ca niranusayo .
( Ka ) yo yato paṭighānusayena niranusayo so tato avijjānusayena niranusayoti ?
Tayo puggalā kāmadhātuyā dvīsu vedanāsu rūpadhātuyā arūpadhātuyā te tato paṭighānusayena niranusayā , no ca te tato avijjānusayena niranusayā .
Teva puggalā apariyāpanne te tato paṭighānusayena ca niranusayā avijjānusayena ca niranusayā .
Anāgāmī kāmadhātuyā tīsu vedanāsu rūpadhātuyā arūpadhātuyā so tato paṭighānusayena niranusayo no ca so tato avijjānusayena niranusayo .
Sveva puggalo apariyāpanne so tato paṭighānusayena ca niranusayo avijjānusayena ca niranusayo .
Arahā sabbattha paṭighānusayena ca niranusayo avijjānusayena ca niranusayo .
( Kha ) yo vā pana yato avijjānusayena niranusayo so tato paṭighānusayena niranusayoti ?
Āmantā .
123. Yo yato mānānusayena niranusayo so tato diṭṭhānusayena … pe … vicikicchānusayena niranusayoti ?
Puthujjano dukkhāya vedanāya so tato mānānusayena niranusayo , no
V2.180 ca so tato vicikicchānusayena niranusayo .Sveva puggalo apariyāpanne so
M2.139 tato mānānusayena ca niranusayo vicikicchānusayena ca niranusayo .Arahā sabbattha mānānusayena ca niranusayo vicikicchānusayena ca niranusayo .
Yo vā pana yato
T1.547 vicikicchānusayena niranusayo so tato mānānusayena niranusayoti ?Tayo puggalā kāmadhātuyā dvīsu vedanāsu rūpadhātuyā arūpadhātuyā te tato vicikicchānusayena niranusayā , no ca te tato mānānusayena niranusayā .
Teva puggalā dukkhāya vedanāya apariyāpanne te tato vicikicchānusayena ca niranusayā mānānusayena ca niranusayā .
Arahā sabbattha vicikicchānusayena ca niranusayo mānānusayena ca niranusayo .
( Ka ) yo yato mānānusayena niranusayo so tato bhavarāgānusayena niranusayoti ?
Āmantā .
( Kha ) yo vā pana yato bhavarāgānusayena niranusayo so tato mānānusayena niranusayoti ?
Cattāro puggalā kāmadhātuyā dvīsu vedanāsu te tato bhavarāgānusayena niranusayā , no ca te tato mānānusayena niranusayā .
Teva puggalā dukkhāya vedanāya apariyāpanne te tato bhavarāgānusayena ca niranusayā mānānusayena ca niranusayā .
Arahā sabbattha bhavarāgānusayena ca niranusayo mānānusayena ca niranusayo .
( Ka ) yo yato mānānusayena niranusayo so tato avijjānusayena niranusayoti ?
Cattāro puggalā dukkhāya vedanāya te tato mānānusayena niranusayā , no ca te tato avijjānusayena niranusayā .
Teva puggalā apariyāpanne te tato mānānusayena ca niranusayā avijjānusayena ca niranusayā .
Arahā sabbattha mānānusayena ca niranusayo avijjānusayena ca niranusayo .
( Kha ) yo
V2.181 vā pana yato avijjānusayena niranusayo so tato mānānusayena niranusayoti ?Āmantā .
124.( Ka ) yo
T1.548 yato diṭṭhānusayena niranusayo so tato vicikicchānusayena niranusayoti ?Āmantā .
( Kha ) yo vā pana yato vicikicchānusayena niranusayo so tato diṭṭhānusayena niranusayoti ?
Āmantā … pe ….
125.( Ka ) yo
M2.140 yato vicikicchānusayena niranusayo so tato bhavarāgānusayena niranusayoti ?Tayo puggalā rūpadhātuyā arūpadhātuyā te tato vicikicchānusayena niranusayā , no ca te tato bhavarāgānusayena niranusayā .
Teva puggalā kāmadhātuyā tīsu vedanāsu apariyāpanne te tato vicikicchānusayena ca niranusayā bhavarāgānusayena ca niranusayā .
Arahā sabbattha vicikicchānusayena ca niranusayo bhavarāgānusayena ca niranusayo .
( Kha ) yo vā pana yato bhavarāgānusayena niranusayo so tato vicikicchānusayena niranusayoti ?
Puthujjano kāmadhātuyā tīsu vedanāsu so tato bhavarāgānusayena niranusayo , no ca so tato vicikicchānusayena niranusayo .
Sveva puggalo apariyāpanne so tato bhavarāgānusayena ca niranusayo vicikicchānusayena ca niranusayo .
Arahā sabbattha bhavarāgānusayena ca niranusayo vicikicchānusayena ca niranusayo .
( Ka ) yo yato vicikicchānusayena niranusayo so tato avijjānusayena niranusayoti ?
Tayo puggalā kāmadhātuyā tīsu vedanāsu rūpadhātuyā arūpadhātuyā te tato vicikicchānusayena niranusayā , no ca te tato avijjānusayena niranusayā .
Teva puggalā apariyāpanne te tato vicikicchānusayena ca niranusayā avijjānusayena ca niranusayā .
Arahā
V2.182 sabbattha vicikicchānusayena ca niranusayoT1.549 avijjānusayena ca niranusayo .( Kha ) yo vā pana yato avijjānusayena niranusayo so tato vicikicchānusayena niranusayoti ?
Āmantā .
126.( Ka ) yo yato bhavarāgānusayena niranusayo so tato avijjānusayena niranusayoti ?
Cattāro puggalā kāmadhātuyā tīsu vedanāsu te tato bhavarāgānusayena niranusayā , no ca te tato avijjānusayena niranusayā .
Teva puggalā apariyāpanne te tato bhavarāgānusayena ca niranusayā avijjānusayena ca niranusayā .
Arahā sabbattha bhavarāgānusayena ca niranusayo avijjānusayena ca niranusayo .
( Kha ) yo vā pana yato avijjānusayena niranusayo
M2.141 so tato bhavarāgānusayena niranusayoti ?Āmantā .( Ekamūlakaṃ )
127.( Ka ) yo yato kāmarāgānusayena ca paṭighānusayena ca niranusayo so tato mānānusayena niranusayoti ?
Tayo puggalā rūpadhātuyā arūpadhātuyā te tato kāmarāgānusayena ca paṭighānusayena ca niranusayā , no ca te tato mānānusayena niranusayā .
Teva puggalā apariyāpanne te tato kāmarāgānusayena ca paṭighānusayena ca niranusayā mānānusayena ca niranusayā .
Anāgāmī kāmadhātuyā dvīsu vedanāsu rūpadhātuyā arūpadhātuyā so tato kāmarāgānusayena ca paṭighānusayena ca niranusayo , no ca so tato mānānusayena ca niranusayo .
Sveva puggalo dukkhāya vedanāya apariyāpanne so tato kāmarāgānusayena ca paṭighānusayena ca niranusayo mānānusayena ca niranusayo .
Arahā sabbattha
T1.550 kāmarāgānusayena ca paṭighānusayena ca niranusayo mānānusayena ca niranusayo .( Kha ) yo
V2.183 vā pana yato mānānusayena niranusayo so tato kāmarāgānusayena ca paṭighānusayena ca niranusayoti ?Tayo puggalā dukkhāya vedanāya te tato mānānusayena ca kāmarāgānusayena ca niranusayā , no ca te tato paṭighānusayena niranusayā .
Teva puggalā apariyāpanne te tato mānānusayena ca niranusayā kāmarāgānusayena ca paṭighānusayena ca niranusayā .
Arahā sabbattha mānānusayena ca niranusayo kāmarāgānusayena ca paṭighānusayena ca niranusayo .
Yo yato kāmarāgānusayena ca paṭighānusayena ca niranusayo so tato diṭṭhānusayena … pe … vicikicchānusayena niranusayoti ?
Puthujjano rūpadhātuyā arūpadhātuyā so tato kāmarāgānusayena ca paṭighānusayena ca niranusayo , no ca so tato vicikicchānusayena niranusayo .
Sveva puggalo apariyāpanne so tato kāmarāgānusayena ca paṭighānusayena ca niranusayo vicikicchānusayena ca niranusayo .
Dve puggalā sabbattha kāmarāgānusayena ca paṭighānusayena ca niranusayā vicikicchānusayena ca niranusayā .
Yo vā pana yato vicikicchānusayena niranusayo so
M2.142 tato kāmarāgānusayena ca paṭighānusayena ca niranusayoti ?Dve puggalā dukkhāya vedanāya te tato vicikicchānusayena ca kāmarāgānusayena ca niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu te tato vicikicchānusayena ca paṭighānusayena ca niranusayā , no
T1.551 ca te tato kāmarāgānusayena niranusayā .Teva puggalā rūpadhātuyā arūpadhātuyā apariyāpanne te tato vicikicchānusayena ca niranusayā kāmarāgānusayena ca paṭighānusayena ca niranusayā .
Dve puggalā sabbattha vicikicchānusayena ca niranusayā kāmarāgānusayena ca paṭighānusayena ca niranusayā .
( Ka ) yo
V2.184 yato kāmarāgānusayena ca paṭighānusayena ca niranusayo so tato bhavarāgānusayena niranusayoti ?Tayo puggalā rūpadhātuyā arūpadhātuyā te tato kāmarāgānusayena ca paṭighānusayena ca niranusayā , no ca te tato bhavarāgānusayena niranusayā .
Teva puggalā apariyāpanne te tato kāmarāgānusayena ca paṭighānusayena ca niranusayā bhavarāgānusayena ca niranusayā .
Anāgāmī rūpadhātuyā arūpadhātuyā so tato kāmarāgānusayena ca paṭighānusayena ca niranusayo , no ca so tato bhavarāgānusayena niranusayo .
Sveva puggalo kāmadhātuyā tīsu vedanāsu apariyāpanne so tato kāmarāgānusayena ca paṭighānusayena ca niranusayo bhavarāgānusayena ca niranusayo .
Arahā sabbattha kāmarāgānusayena ca paṭighānusayena ca niranusayo bhavarāgānusayena ca niranusayo .
( Kha ) yo vā pana yato bhavarāgānusayena niranusayo so tato kāmarāgānusayena ca paṭighānusayena ca niranusayoti ?
Tayo puggalā dukkhāya vedanāya te tato bhavarāgānusayena ca kāmarāgānusayena ca niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu te tato bhavarāgānusayena ca paṭighānusayena
T1.552 ca niranusayā , no ca te tato kāmarāgānusayena niranusayā .Teva puggalā apariyāpanne te tato bhavarāgānusayena ca niranusayā kāmarāgānusayena ca paṭighānusayena ca niranusayā
M2.143 .Arahā sabbattha bhavarāgānusayena niranusayo kāmarāgānusayena ca paṭighānusayena ca niranusayo .
( Ka ) yo yato kāmarāgānusayena ca paṭighānusayena ca niranusayo so tato avijjānusayena niranusayoti ?
Tayo puggalā rūpadhātuyā arūpadhātuyā te tato kāmarāgānusayena ca paṭighānusayena ca niranusayā , no ca te tato avijjānusayena niranusayā .
Teva puggalā apariyāpanne te tato kāmarāgānusayena ca paṭighānusayena ca niranusayā avijjānusayena ca niranusayā .
Anāgāmī kāmadhātuyā
V2.185 tīsu vedanāsu rūpadhātuyā arūpadhātuyā so tato kāmarāgānusayena ca paṭighānusayena ca niranusayo , no ca so tato avijjānusayena niranusayo .Sveva puggalo apariyāpanne so tato kāmarāgānusayena ca paṭighānusayena ca niranusayo avijjānusayena ca niranusayo .
Arahā sabbattha kāmarāgānusayena ca paṭighānusayena ca niranusayo avijjānusayena ca niranusayo .
( Kha ) yo vā pana yato avijjānusayena niranusayo so tato kāmarāgānusayena ca paṭighānusayena ca niranusayoti ?
Āmantā .( Dukamūlakaṃ )
128. Yo yato kāmarāgānusayena ca paṭighānusayena ca mānānusayena ca niranusayo so tato diṭṭhānusayena … pe … vicikicchānusayena niranusayoti ?
Āmantā .
Yo vā pana yato vicikicchānusayena niranusayo so
T1.553 tato kāmarāgānusayena ca paṭighānusayena ca mānānusayena ca niranusayoti ?Dve puggalā dukkhāya vedanāya te tato vicikicchānusayena ca kāmarāgānusayena ca mānānusayena ca niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu te tato vicikicchānusayena ca paṭighānusayena ca niranusayā , no ca te tato kāmarāgānusayena ca mānānusayena ca niranusayā .
Teva puggalā rūpadhātuyā arūpadhātuyā te tato vicikicchānusayena ca kāmarāgānusayena ca paṭighānusayena ca niranusayā , no ca te tato mānānusayena niranusayā .
Teva puggalā apariyāpanne te tato vicikicchānusayena ca niranusayā kāmarāgānusayena
M2.144 ca paṭighānusayena ca mānānusayena ca niranusayā .Anāgāmī kāmadhātuyā dvīsu vedanāsu rūpadhātuyā arūpadhātuyā so tato vicikicchānusayena ca kāmarāgānusayena ca paṭighānusayena ca niranusayo , no ca so tato mānānusayena niranusayo .
Sveva puggalo dukkhāya vedanāya apariyāpanne so
V2.186 tato vicikicchānusayena ca niranusayo kāmarāgānusayena ca paṭighānusayena ca mānānusayena ca niranusayo .Arahā sabbattha vicikicchānusayena ca niranusayo kāmarāgānusayena ca paṭighānusayena ca mānānusayena ca niranusayo .
( Ka ) yo yato kāmarāgānusayena ca paṭighānusayena ca mānānusayena ca niranusayo so tato bhavarāgānusayena niranusayoti ?
Āmantā .
( Kha ) yo vā pana yato bhavarāgānusayena niranusayo so tato kāmarāgānusayena
T1.554 ca paṭighānusayena ca mānānusayena ca niranusayoti ?Tayo puggalā dukkhāya vedanāya te tato bhavarāgānusayena ca kāmarāgānusayena ca mānānusayena ca niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu te tato bhavarāgānusayena ca paṭighānusayena ca niranusayā , no ca te tato kāmarāgānusayena ca mānānusayena ca niranusayā .
Teva puggalā apariyāpanne te tato bhavarāgānusayena ca niranusayā kāmarāgānusayena ca paṭighānusayena ca mānānusayena ca niranusayā .
Anāgāmī kāmadhātuyā dvīsu vedanāsu so tato bhavarāgānusayena ca kāmarāgānusayena ca paṭighānusayena ca niranusayo , no ca so tato mānānusayena niranusayo .
Sveva puggalo dukkhāya vedanāya apariyāpanne so tato bhavarāgānusayena ca niranusayo kāmarāgānusayena ca paṭighānusayena ca mānānusayena ca niranusayo .
Arahā sabbattha bhavarāgānusayena ca niranusayo kāmarāgānusayena ca paṭighānusayena ca mānānusayena ca niranusayo .
( Ka ) yo yato kāmarāgānusayena ca paṭighānusayena ca mānānusayena ca niranusayo so tato avijjānusayena niranusayoti ?
Anāgāmī
M2.145 dukkhāya vedanāya so tato kāmarāgānusayena ca paṭighānusayena ca mānānusayena ca niranusayo , no ca so tato avijjānusayena niranusayo .Sveva puggalo apariyāpanne so tato kāmarāgānusayena
V2.187 ca paṭighānusayena ca mānānusayena ca niranusayo avijjānusayenaT1.555 ca niranusayo .Arahā sabbattha kāmarāgānusayena ca paṭighānusayena ca mānānusayena ca niranusayo avijjānusayena ca niranusayo .
( Kha ) yo vā pana yato avijjānusayena niranusayo so tato kāmarāgānusayena ca paṭighānusayena ca mānānusayena ca niranusayoti ?
Āmantā .( Tikamūlakaṃ )
129.( Ka ) yo yato kāmarāgānusayena ca paṭighānusayena ca mānānusayena ca diṭṭhānusayena ca niranusayo so tato vicikicchānusayena niranusayoti ?
Āmantā .
( Kha ) yo vā pana yato vicikicchānusayena niranusayo so tato kāmarāgānusayena ca paṭighānusayena ca mānānusayena ca diṭṭhānusayena ca niranusayoti ?
Dve puggalā dukkhāya vedanāya te tato vicikicchānusayena ca kāmarāgānusayena ca mānānusayena ca diṭṭhānusayena ca niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu te tato vicikicchānusayena ca paṭighānusayena ca diṭṭhānusayena ca niranusayā , no ca te tato kāmarāgānusayena ca mānānusayena ca niranusayā .
Teva puggalā rūpadhātuyā arūpadhātuyā te tato vicikicchānusayena ca kāmarāgānusayena ca paṭighānusayena ca diṭṭhānusayena ca niranusayā , no ca te tato mānānusayena niranusayā .
Teva puggalā apariyāpanne te tato vicikicchānusayena ca niranusayā kāmarāgānusayena ca paṭighānusayena ca mānānusayena ca diṭṭhānusayena ca niranusayā .
Anāgāmī kāmadhātuyā
T1.556 dvīsu vedanāsu rūpadhātuyā arūpadhātuyā so tato vicikicchānusayena ca kāmarāgānusayena ca paṭighānusayena ca diṭṭhānusayena ca niranusayo , no ca so tato mānānusayena niranusayo .Sveva puggalo dukkhāya vedanāya apariyāpanne so tato vicikicchānusayena ca niranusayo kāmarāgānusayena ca paṭighānusayena
V2.188 ca mānānusayena ca diṭṭhānusayena ca niranusayo .Arahā sabbattha vicikicchānusayena ca niranusayo kāmarāgānusayena
M2.146 ca paṭighānusayena ca mānānusayena ca diṭṭhānusayena ca niranusayo … pe …. 130.( Ka ) yo yato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayo so tato bhavarāgānusayena niranusayoti ?
Āmantā .
( Kha ) yo vā pana yato bhavarāgānusayena niranusayo so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayoti ?
Puthujjano dukkhāya vedanāya so tato bhavarāgānusayena ca kāmarāgānusayena ca mānānusayena ca niranusayo , no ca so tato paṭighānusayena ca diṭṭhānusayena ca vicikicchānusayena ca niranusayo .
Sveva puggalo kāmadhātuyā dvīsu vedanāsu so tato bhavarāgānusayena ca paṭighānusayena ca niranusayo , no ca so tato kāmarāgānusayena ca mānānusayena ca diṭṭhānusayena ca vicikicchānusayena ca niranusayo .
Sveva puggalo apariyāpanne so tato bhavarāgānusayena ca niranusayo kāmarāgānusayena
T1.557 ca paṭighānusayena ca mānānusayena ca diṭṭhānusayena ca vicikicchānusayena ca niranusayo .Dve puggalā dukkhāya vedanāya te tato bhavarāgānusayena ca kāmarāgānusayena ca mānānusayena ca diṭṭhānusayena ca vicikicchānusayena ca niranusayā , no ca te tato paṭighānusayena niranusayā .
Teva puggalā kāmadhātuyā dvīsu vedanāsu te tato bhavarāgānusayena ca paṭighānusayena ca diṭṭhānusayena ca vicikicchānusayena ca niranusayā , no ca te tato kāmarāgānusayena ca mānānusayena ca niranusayā .
Teva puggalā apariyāpanne te tato bhavarāgānusayena ca niranusayā kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayā .
Anāgāmī
V2.189 kāmadhātuyā dvīsu vedanāsu so tato bhavarāgānusayena ca kāmarāgānusayena ca paṭighānusayena ca diṭṭhānusayena ca vicikicchānusayena ca niranusayo , no ca so tato mānānusayena niranusayo .Sveva puggalo dukkhāya vedanāya ariyāpanne so tato bhavarāgānusayena ca niranusayo kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena
M2.147 ca niranusayo .Arahā sabbattha bhavarāgānusayena ca niranusayo kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayo .
( Ka ) yo yato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena
T1.558 ca niranusayo so tato avijjānusayena niranusayoti ?Anāgāmī dukkhāya vedanāya so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayo , no ca so tato avijjānusayena niranusayo .
Sveva puggalo apariyāpanne so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayo avijjānusayena ca niranusayo .
Arahā sabbattha kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayo avijjānusayena ca niranusayo .
( Kha ) yo vā pana yato avijjānusayena niranusayo so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca niranusayoti ?
Āmantā .( Pañcakamūlakaṃ )
131.( Ka ) yo yato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo so tato avijjānusayena niranusayoti ?
Anāgāmī dukkhāya vedanāya so tato kāmarāgānusayena ca paṭighānusayena
V2.190 ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo , no ca so tato avijjānusayena niranusayo .Sveva puggalo apariyāpanne so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo avijjānusayena ca niranusayo .
Arahā sabbattha kāmarāgānusayena
T1.559 ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo avijjānusayena ca niranusayo .( Kha ) yo vā pana yato avijjānusayena niranusayo so tato kāmarāgānusayena ca paṭighānusayena ca mānānusayena ca diṭṭhānusayena ca
M2.148 vicikicchānusayena ca bhavarāgānusayena ca niranusayoti ?Āmantā .( Chakkamūlakaṃ )
Sānusayavāre paṭilomaṃ .
Sānusayavāro .