(3) Nirodhuppannavāro
65.( Ka ) yassa cittaṃ nirujjhati tassa cittaṃ uppannanti ?
Āmantā .
( Kha ) yassa vā pana cittaṃ uppannaṃ tassa cittaṃ nirujjhatīti ?
Cittassa uppādakkhaṇe tesaṃ cittaṃ uppannaṃ , no ca tesaṃ cittaṃ nirujjhati .
Cittassa bhaṅgakkhaṇe tesaṃ cittaṃ uppannañceva nirujjhati ca .
( Ka ) yassa
M2.302 cittaṃ na nirujjhati tassa cittaṃ na uppannanti ?Cittassa uppādakkhaṇe tesaṃ cittaṃ na nirujjhati , no ca tesaṃ cittaṃ na uppannaṃ .
Nirodhasamāpannānaṃ asaññasattānaṃ tesaṃ cittaṃ na ceva nirujjhati na ca uppannaṃ
T2.16 .( Kha ) yassa vā pana cittaṃ na uppannaṃ tassa cittaṃ na nirujjhatīti ?
Āmantā .