( Ka ) anulomapuggalo
108.( Ka ) yassa
V2.51 kāyasaṅkhāro nirujjhati tassa vacīsaṅkhāro nirujjhissatīti ?Āmantā .
( Kha ) yassa vā pana vacīsaṅkhāro nirujjhissati tassa kāyasaṅkhāro nirujjhatīti
M2.36 ?Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati , no ca tesaṃ kāyasaṅkhāro nirujjhati .
Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhissati kāyasaṅkhāro ca nirujjhati .
( Ka ) yassa kāyasaṅkhāro nirujjhati tassa cittasaṅkhāro nirujjhissatīti ?
Āmantā .
( Kha ) yassa vā pana cittasaṅkhāro nirujjhissati tassa kāyasaṅkhāro nirujjhatīti ?
Sabbesaṃ cittassa uppādakkhaṇe vinā
T1.408 assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati , no ca tesaṃ kāyasaṅkhāro nirujjhati .Assāsapassāsānaṃ bhaṅgakkhaṇe tesaṃ cittasaṅkhāro ca nirujjhissati kāyasaṅkhāro ca nirujjhati .
109.( Ka ) yassa vacīsaṅkhāro nirujjhati tassa cittasaṅkhāro nirujjhissatīti ?
Savitakkasavicārapacchimacittassa bhaṅgakkhaṇe tesaṃ vacīsaṅkhāro nirujjhati , no ca tesaṃ cittasaṅkhāro nirujjhissati .
Itaresaṃ vitakkavicārānaṃ bhaṅgakkhaṇe tesaṃ vacīsaṅkhāro ca nirujjhati cittasaṅkhāro ca nirujjhissati .
( Kha ) yassa
V2.52 vā pana cittasaṅkhāro nirujjhissati tassa vacīsaṅkhāro nirujjhatīti ?Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati , no ca tesaṃ vacīsaṅkhāro nirujjhati .
Vitakkavicārānaṃ bhaṅgakkhaṇe tesaṃ cittasaṅkhāro ca nirujjhissati vacīsaṅkhāro ca nirujjhati .