(5) Nirodhavāro
69.( Ka ) yassa cittaṃ nirujjhati tassa cittaṃ nirujjhitthāti ?
Āmantā .
( Kha ) yassa vā pana cittaṃ nirujjhittha tassa cittaṃ nirujjhatīti ?
Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha , no ca tesaṃ cittaṃ nirujjhati .
Cittassa bhaṅgakkhaṇe tesaṃ cittaṃ nirujjhittha ceva nirujjhati ca .
( Ka ) yassa cittaṃ na nirujjhati tassa cittaṃ na nirujjhitthāti ?
Nirujjhittha .
( Kha ) yassa vā pana cittaṃ na nirujjhittha tassa cittaṃ na nirujjhatīti ?
Natthi .
70.( Ka ) yassa cittaṃ nirujjhati tassa cittaṃ nirujjhissatīti ?
Pacchimacittassa bhaṅgakkhaṇe tesaṃ cittaṃ nirujjhati , no ca tesaṃ cittaṃ nirujjhissati .
Itaresaṃ cittassa bhaṅgakkhaṇe tesaṃ cittaṃ nirujjhati ceva nirujjhissati ca .
( Kha ) yassa vā pana cittaṃ nirujjhissati tassa
T2.18 cittaṃ nirujjhatīti ?Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati , no ca tesaṃ cittaṃ nirujjhati .
Cittassa bhaṅgakkhaṇe tesaṃ cittaṃ nirujjhissati ceva nirujjhati ca .
( Ka ) yassa cittaṃ na nirujjhati tassa cittaṃ na nirujjhissatīti ?
Nirujjhissati .
( Kha ) yassa vā pana cittaṃ na nirujjhissati tassa cittaṃ na nirujjhatīti ?
Nirujjhati .
71.( Ka ) yassa
V2.392 cittaṃ nirujjhittha tassa cittaṃ nirujjhissatīti ?Pacchimacittassa bhaṅgakkhaṇe tesaṃ cittaṃ nirujjhittha , no ca tesaṃ cittaṃ nirujjhissati .
Itaresaṃ tesaṃ cittaṃ nirujjhittha ceva nirujjhissati ca .
( Kha ) yassa vā pana cittaṃ nirujjhissati tassa cittaṃ nirujjhitthāti ?
Āmantā .
( Ka ) yassa cittaṃ na nirujjhittha tassa cittaṃ na nirujjhissatīti ?
Natthi .
( Kha ) yassa vā pana cittaṃ na nirujjhissati tassa cittaṃ na nirujjhitthāti ?
Nirujjhittha .