( Ka ) anulomapuggalo
49.( Ka ) yassa kāyasaṅkhāro uppajjati tassa vacīsaṅkhāro uppajjitthāti ?
Āmantā .
( Kha ) yassa vā pana vacīsaṅkhāro uppajjittha tassa kāyasaṅkhāro uppajjatīti ?
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjittha
V2.23 , no ca tesaṃ kāyasaṅkhāro uppajjati .Assāsapassāsānaṃ uppādakkhaṇe tesaṃ vacīsaṅkhāro ca uppajjittha kāyasaṅkhāro ca uppajjati .
( Ka ) yassa kāyasaṅkhāro uppajjati tassa cittasaṅkhāro uppajjitthāti ?
Āmantā .
( Kha ) yassa vā pana cittasaṅkhāro uppajjittha tassa kāyasaṅkhāro uppajjatīti ?
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha , no ca tesaṃ kāyasaṅkhāro uppajjati .
Assāsapassāsānaṃ uppādakkhaṇe tesaṃ cittasaṅkhāro ca uppajjittha kāyasaṅkhāro ca uppajjati .
50.( Ka ) yassa
M2.16 vacīsaṅkhāro uppajjati tassa cittasaṅkhāro uppajjitthāti ?Āmantā .
( Kha ) yassa vā pana cittasaṅkhāro uppajjittha tassa vacīsaṅkhāro uppajjatīti ?
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha , no ca tesaṃ vacīsaṅkhāro uppajjati .
Vitakkavicārānaṃ uppādakkhaṇe tesaṃ cittasaṅkhāro ca uppajjittha vacīsaṅkhāro ca uppajjati .