(6) Atītānāgatavāro
( Ka ) anulomapuggalo
158.( Ka ) yassa kāyasaṅkhāro uppajjittha tassa vacīsaṅkhāro nirujjhissatīti ?
Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ
M2.54 kāyasaṅkhāro uppajjittha , no ca tesaṃ vacīsaṅkhāro nirujjhissati .Itaresaṃ tesaṃ kāyasaṅkhāro ca uppajjittha vacīsaṅkhāro ca nirujjhissati .
( Kha ) yassa vā pana vacīsaṅkhāro nirujjhissati tassa kāyasaṅkhāro uppajjitthāti ?
Āmantā .
( Ka ) yassa kāyasaṅkhāro uppajjittha tassa cittasaṅkhāro nirujjhissatīti ?
Pacchimacittassa bhaṅgakkhaṇe tesaṃ kāyasaṅkhāro uppajjittha , no ca tesaṃ cittasaṅkhāro nirujjhissati .
Itaresaṃ tesaṃ kāyasaṅkhāro ca uppajjittha cittasaṅkhāro ca nirujjhissati .
( Kha ) yassa vā
T1.433 pana cittasaṅkhāro nirujjhissati tassa kāyasaṅkhāro uppajjitthāti ?Āmantā .
( Yathā nirodhavāre atītānāgatā pucchā anulomampi paccanīkampi evaṃ
V2.76 uppādanirodhavārepi atītānāgatā pucchā anulomampi paccanīkampi vibhajitabbaṃ asammohantena nirodhavārena sadisaṃ , natthi nānākaraṇaṃ .)Uppādanirodhavāro .