( Ca ) paccanīkapuggalokāsā
86. Yassa yattha kāyasaṅkhāro na nirujjhati tassa tattha vacīsaṅkhāro na nirujjhatīti ?
Vinā assāsapassāsehi vitakkavicārānaṃ bhaṅgakkhaṇe tesaṃ tattha kāyasaṅkhāro na nirujjhati , no ca tesaṃ tattha vacīsaṅkhāro na nirujjhati .
Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhati .
Yassa vā pana yattha vacīsaṅkhāro na nirujjhati … pe ….
( Yassakampi yassayatthakampi sadisaṃ vitthāretabbaṃ , yassayatthake nirodhasamāpannānanti na kātabbaṃ .)