10. Dasakaniddesavaṇṇanā
209. Dasakaniddese – idhāti kāmāvacarabhūmiyaṃ .
Kāmāvacarabhūmiyañhi sattakkhattuparamādīnaṃ kāmāvacarabhūmiyaññeva niṭṭhā hoti .
Kāmāvacarattabhāveneva arahattappatti ca anupādisesanibbānappatti ca hotīti attho .
Idha
V0.99 vihāyāti idha kāmāvacare attabhāve vihāya suddhāvāsattabhāve ṭhitānaṃ niṭṭhā hotīti attho .Antarāparinibbāyiādayo hi idha anāgāmiphalaṃ patvā ito cutā suddhāvāsesu uppajjitvā tena attabhāvena arahattañceva anupādisesanibbānadhātuñca
P0.254 pāpuṇanti .Tena vuttaṃ –
‘‘ imesaṃ pañcannaṃ idha vihāya niṭṭhā ’’ ti .
Dasakaniddesavaṇṇanā .