1. Buddhānussati niddesa
1.
Arahaṃ
M0.7 sammāsambuddho , vijjakkhi caraṇappado ;Sugato sugado satthā , sabbaññū bhagavādamo .
2.
Ārakattārihantattā
M0.9 , pāpākārakatoraho ;Hata cakkārato pūjā , rahattā cārahaṃ name .
3.
Samutte
M0.11 jiya gihīnaṃ , anupubbikatho jino ;Adāsi paramaṃ tuṭṭhiṃ , saccāni dassayaṃ divā .
4.
Bhikkhūnaṃ
M0.12 paṭhame yāme , pāyesi amatāgadaṃ ;Jātikhettāga devānaṃ , kaṅkhacchedo sa majjhime ;
5.
Ādo phalasukhaṃ vedi , majjhe seyya makā jino ;
Veneyyo lokanaṃ ante , pacchimepi tidhā kate .
6.
Khedaṃ
M0.14 agaṇayaṃ nātho , pañca buddhakataṃ vahaṃ ;Satthasiddho paratthaṃva , byāvaṭo sumahādayo .
7.
Caṅkamitvā nisīditvā , rattiṃdivañca jhāyituṃ ;
Supituṃ majjhayāmeva , buddho bhikkhūna movadi .
8.
Nāla
M0.15 mālasituṃ tassa , mahāvīrassa sāsane ;Pamādāya munindassa , kataññū sādhu sammato .
9.
Anaññātassa ñātāya , apattassaca pattiyā ;
Ārabhetuṃva no yutto , appamatto rahogato .
10.
Ārabbhatha
M0.16 nikkamatha , yuñjatha buddhasāsane ;Dhunātha maccuno senaṃ , naḷāgāraṃva kuñjaro .
11.
Yo
M0.17 imasmiṃ dhammavinaye , appamatto vihissati ;Pahāya jāti saṃsāraṃ , dukkhassantaṃ karissati ;
12.
Iti
M0.18 uyyojanaṃ mhākaṃ , muttassa muttiyā saraṃ ;Nayuttova pamādāya , mahādayassa satthuno .
13.
Suttena dubbitakkena , akicca karaṇenavā ;
Mogha kālakkhayo mando , dukkhassantaṃ kathaṃkare .
14.
Ākāsaṃ
M0.19 cakkavāḷañca , sattā buddhaguṇā pica ;Anantānāma cattāro , paricchedo navijjati .
15.
Yathāpi nabha mākāsaṃ , aṅgularajjuyaṭṭhibhi ;
Minetuṃ neva sakkoti , evaṃ kenaci tagguṇaṃ .