4. Vaṅgīsattheraapadānaṃ
96.
‘‘ Padumuttaro nāma jino , sabbadhammesu cakkhumā ;
Ito satasahassamhi , kappe uppajji nāyako .
97.
‘‘ Yathāpi
M2.151 sāgare ūmi , gagane viya tārakā ;Evaṃ pāvacanaṃ tassa , arahantehi cittitaṃ .
98.
‘‘ Sadevāsuranāgehi , manujehi purakkhato ;
Samaṇabrāhmaṇākiṇṇe , janamajjhe jinuttamo .
99.
‘‘ Pabhāhi anurañjanto , loke [ lokaṃ ( sī .)] lokantagū jino ;
Vacanena vibodhento , veneyyapadumāni so .
100.
‘‘ Vesārajjehi sampanno , catūhi purisuttamo ;
Pahīnabhayasārajjo , khemappatto visārado .
101.
‘‘ Āsabhaṃ
T2.230P2.496 pavaraṃ ṭhānaṃ , buddhabhūmiñca kevalaṃ ;Paṭijānāti lokaggo , natthi sañcodako kvaci .
102.
‘‘ Sīhanādamasambhītaṃ , nadato tassa tādino ;
Devo naro vā brahmā vā , paṭivattā na vijjati .
103.
‘‘ Desento
V2.147 pavaraṃ dhammaṃ , santārento sadevakaṃ ;Dhammacakkaṃ pavatteti , parisāsu visārado .
104.
‘‘ Paṭibhānavataṃ aggaṃ , sāvakaṃ sādhusammataṃ ;
Guṇaṃ bahuṃ pakittetvā , etadagge ṭhapesi taṃ .
105.
‘‘ Tadāhaṃ haṃsavatiyaṃ , brāhmaṇo sādhusammato ;
Sabbavedavidū jāto , vāgīso vādisūdano .
106.
‘‘ Upecca taṃ mahāvīraṃ , sutvāhaṃ dhammadesanaṃ ;
Pītivaraṃ paṭilabhiṃ , sāvakassa guṇe rato .
107.
‘‘ Nimantetvāva sugataṃ , sasaṅghaṃ lokanandanaṃ ;
Sattāhaṃ bhojayitvāhaṃ , dussehacchādayiṃ tadā .
108.
‘‘ Nipacca sirasā pāde , katokāso katañjalī ;
Ekamantaṃ ṭhito haṭṭho , santhaviṃ jinamuttamaṃ .
109.
‘‘‘ Namo te vādimaddana [ vādisaddula ( sī . pī .), vādisūdana ( syā .)], namo te isisattama [ purisuttama ( sī . pī .)];
Namo te sabbalokagga , namo te abhayaṅkara .
110.
‘‘‘ Namo
M2.152 te māramathana [ māramasana ( aṭṭha .)], namo te diṭṭhisūdana ;Namo te santisukhada , namo te saraṇaṅkara .
111.
‘‘‘ Anāthānaṃ
T2.231 bhavaṃ nātho , bhītānaṃ abhayappado ;Vissāmabhūmi [ vissāsaṃ bhūmi ( syā .), vissānabhūmi ( pī .)] santānaṃ , saraṇaṃ saraṇesinaṃ ’.
112.
‘‘ Evamādīhi sambuddhaṃ , santhavitvā mahāguṇaṃ ;
Avocaṃ vādisūdassa [ vādisūrassa ( sī . syā . pī .)], gatiṃ pappomi bhikkhuno .
113.
‘‘ Tadā avoca bhagavā , anantapaṭibhānavā ;
‘ Yo so buddhaṃ abhojesi , sattāhaṃ sahasāvakaṃ .
114.
‘‘‘ Guṇañca me pakittesi , pasanno sehi pāṇibhi ;
Eso patthayate ṭhānaṃ , vādisūdassa bhikkhuno .
115.
‘‘‘ Anāgatamhi
P2.497 addhāne , lacchase taṃ manorathaṃ ;Devamānusasampattiṃ , anubhotvā anappakaṃ .
116.
‘‘‘ Satasahassito kappe , okkākakulasambhavo ;
Gotamo nāma gottena , satthā loke bhavissati .
117.
‘‘‘ Tassa
V2.148 dhammesu dāyādo , oraso dhammanimmito ;Vaṅgīso nāma nāmena , hessati satthu sāvako ’.
118.
‘‘ Taṃ sutvā mudito hutvā , yāvajīvaṃ tadā jinaṃ ;
Paccayehi upaṭṭhāsiṃ , mettacitto tathāgataṃ .
119.
‘‘ Tena kammena sukatena , cetanāpaṇidhīhi ca ;
Jahitvā mānusaṃ dehaṃ , tusitaṃ [ tāvatiṃsaṃ ( syā .)] agamāsahaṃ .
120.
‘‘ Pacchime ca bhave dāni , jāto vippakule [ paribbājakule ( sī . syā . pī .)] ahaṃ ;
Paccājāto [ sampatto ca ( ka .)] yadā āsiṃ , jātiyā sattavassiko .
121.
‘‘ Sabbavedavidū
T2.232 jāto , vādasatthavisārado ;Vādissaro [ vaggussaro ( syā . pī .)] cittakathī , paravādappamaddano .
122.
‘‘ Vaṅge jātoti vaṅgīso , vacane issaroti vā ;
Vaṅgīso iti me nāmaṃ , abhavī lokasammataṃ .
123.
‘‘ Yadāhaṃ
M2.153 viññutaṃ patto , ṭhito paṭhamayobbane ;Tadā rājagahe ramme , sāriputtamahaddasaṃ [ mathaddasaṃ ( sī . pī .), ca addasaṃ ( syā .)].
Pañcavīsatimaṃ bhāṇavāraṃ .
124.
‘‘ Piṇḍāya vicarantaṃ taṃ , pattapāṇiṃ susaṃvutaṃ ;
Alolakkhiṃ mitabhāṇiṃ , yugamattaṃ nidakkhitaṃ [ nirikkhataṃ ( sī . pī .), udikkhataṃ ( syā .)].
125.
‘‘ Taṃ disvā vimhito hutvā , avocaṃ mamanucchavaṃ [ mananucchavaṃ ( sī . syā .)];
Kaṇikāraṃva nicitaṃ [ kaṇikāraparicitaṃ ( pī .), khaṇikaṃ ṭhānaracitaṃ ( sī .)], cittaṃ gāthāpadaṃ ahaṃ .
126.
‘‘ Ācikkhi so me satthāraṃ , sambuddhaṃ lokanāyakaṃ ;
Tadā so paṇḍito vīro , uttariṃ [ uttaraṃ ( sī . pī .)] samavoca me .
127.
‘‘ Virāgasaṃhitaṃ vākyaṃ , katvā duddasamuttamaṃ ;
Vicittapaṭibhānehi , tosito tena tādinā .
128.
‘‘ Nipacca sirasā pāde ,‘ pabbājehī ’ ti maṃ bravi ;
Tato maṃ sa mahāpañño , buddhaseṭṭhamupānayi .
129.
‘‘ Nipacca sirasā pāde , nisīdiṃ satthu santike ;
Mamāha vadataṃ seṭṭho , kacci vaṅgīsa jānāsi [ saccaṃ vaṅgīsa kacci te ( syā .)].
130.
‘‘ Kiñci
V2.149 sippanti tassāhaṃ ,‘ jānāmī ’ ti ca abraviṃ ;Matasīsaṃ
T2.233P2.498 vanacchuddhaṃ , api bārasavassikaṃ ;Tava vijjāvisesena , sace sakkosi vācaya [ bhāsaya ( sī . pī .)].
131.
‘‘ Āmoti me paṭiññāte , tīṇi sīsāni dassayi ;
Nirayanaradevesu , upapanne avācayiṃ .
132.
‘‘ Tadā khīṇāsavasseva [ paccekabuddhassa ( sī . pī .)], sīsaṃ dassesi nāyako ;
Tatohaṃ vihatārabbho , pabbajjaṃ samayācisaṃ .
133.
‘‘ Pabbajitvāna sugataṃ , santhavāmi tahiṃ tahiṃ ;
Tato maṃ kabbavittosi [ kavicittoti ( syā . pī .)], ujjhāyantiha bhikkhavo .
134.
‘‘ Tato
M2.154 vīmaṃsanatthaṃ me , āha buddho vināyako ;Takkikā panimā gāthā , ṭhānaso paṭibhanti taṃ .
135.
‘‘ Na kabbavittohaṃ vīra , ṭhānaso paṭibhanti maṃ ;
Tena hi dāni vaṅgīsa , ṭhānaso santhavāhi maṃ .
136.
‘‘ Tadāhaṃ santhaviṃ vīraṃ , gāthāhi isisattamaṃ ;
Ṭhānaso me tadā tuṭṭho , jino agge ṭhapesi maṃ .
137.
‘‘ Paṭibhānena cittena , aññesamatimaññahaṃ ;
Pesale tena saṃviggo , arahattamapāpuṇiṃ .
138.
‘‘‘ Paṭibhānavataṃ aggo , añño koci na vijjati ;
Yathāyaṃ bhikkhu vaṅgīso , evaṃ dhāretha bhikkhavo ’.
139.
‘‘ Satasahasse kataṃ kammaṃ , phalaṃ dassesi me idha ;
Sumutto saravegova kilese jhāpayiṃ mama .
140.
‘‘ Kilesā
T2.234 jhāpitā mayhaṃ … pe … viharāmi anāsavo . 141.
‘‘ Svāgataṃ vata me āsi … pe … kataṃ buddhassa sāsanaṃ .
142.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā vaṅgīso thero imā gāthāyo
Abhāsitthāti .
Vaṅgīsattherassāpadānaṃ catutthaṃ .