51. Kaṇikāravaggo
1. Tikaṇikārapupphiyattheraapadānaṃ
1.
‘‘ Sumedho
T2.139M2.84V2.83 nāma sambuddho , bāttiṃsavaralakkhaṇo ;Vivekakāmo sambuddho , himavantamupāgamiṃ .
2.
‘‘ Ajjhogayha himavantaṃ , aggo kāruṇiko muni ;
Pallaṅkamābhujitvāna , nisīdi purisuttamo .
3.
‘‘ Vijjādharo tadā āsiṃ , antalikkhacaro ahaṃ ;
Tisūlaṃ sukataṃ gayha , gacchāmi ambare tadā .
4.
‘‘ Pabbatagge yathā aggi , puṇṇamāyeva candimā ;
Vane obhāsate buddho , sālarājāva phullito .
5.
‘‘ Vanaggā
P2.442 nikkhamitvāna , buddharaṃsībhidhāvare ;Naḷaggivaṇṇasaṅkāsā , disvā cittaṃ pasādayiṃ .
6.
‘‘ Vicinaṃ addasaṃ pupphaṃ , kaṇikāraṃ devagandhikaṃ ;
Tīṇi pupphāni ādāya , buddhaseṭṭhamapūjayiṃ .
7.
‘‘ Buddhassa ānubhāvena , tīṇi pupphāni me tadā ;
Uddhaṃvaṇṭā adhopattā , chāyaṃ kubbanti satthuno .
8.
‘‘ Tena kammena sukatena , cetanāpaṇidhīhi ca ;
Jahitvā mānusaṃ dehaṃ , tāvatiṃsamagacchahaṃ .
9.
‘‘ Tattha
T2.140 me sukataṃ byamhaṃ , kaṇikārīti ñāyati ;Saṭṭhiyojanamubbedhaṃ , tiṃsayojanavitthataṃ .
10.
‘‘ Sahassakaṇḍaṃ satabheṇḍu [ satageṇḍu ( syā .)], dhajāluharitāmayaṃ ;
Satasahassaniyyūhā , byamhe pātubhaviṃsu me .
11.
‘‘ Soṇṇamayā maṇimayā , lohitaṅgamayāpi ca ;
Phalikāpi ca pallaṅkā , yenicchakā yadicchakā [ yenicchayā yadicchakaṃ ( syā .), yadicchakāyadicchakā ( ka .)].
12.
‘‘ Mahārahañca
M2.85V2.84 sayanaṃ , tūlikāvikatīyutaṃ ;Uddhalomikaekantaṃ , bimbohanasamāyutaṃ [ bibbohanasamāyutaṃ …( syā . ka .)].
13.
‘‘ Bhavanā nikkhamitvāna , caranto devacārikaṃ ;
Yadā icchāmi gamanaṃ , devasaṅghapurakkhato .
14.
‘‘ Pupphassa heṭṭhā tiṭṭhāmi , uparicchadanaṃ mama ;
Samantā yojanasataṃ , kaṇikārehi chāditaṃ .
15.
‘‘ Saṭṭhituriyasahassāni , sāyapātamupaṭṭhahuṃ ;
Parivārenti maṃ niccaṃ , rattindivamatanditā .
16.
‘‘ Tattha naccehi gītehi , tāḷehi vāditehi ca ;
Ramāmi khiḍḍāratiyā , modāmi kāmakāmihaṃ .
17.
‘‘ Tattha bhutvā pivitvā ca , modāmi tidase tadā ;
Nārīgaṇehi sahito , modāmi byamhamuttame .
18.
‘‘ Satānaṃ pañcakkhattuñca , devarajjamakārayiṃ ;
Satānaṃ tīṇikkhattuñca , cakkavattī ahosahaṃ ;
Padesarajjaṃ
T2.141 vipulaṃ , gaṇanāto asaṅkhiyaṃ . 19.
‘‘ Bhavābhave saṃsaranto , mahābhogaṃ labhāmahaṃ ;
Bhoge me ūnatā natthi , buddhapūjāyidaṃ phalaṃ .
20.
‘‘ Duve
P2.443 bhave saṃsarāmi , devatte atha mānuse ;Aññaṃ gatiṃ na jānāmi , buddhapūjāyidaṃ phalaṃ .
21.
‘‘ Duve kule pajāyāmi , khattiye cāpi brāhmaṇe ;
Nīce kule na jāyāmi , buddhapūjāyidaṃ phalaṃ .
22.
‘‘ Hatthiyānaṃ assayānaṃ , sivikaṃ sandamānikaṃ ;
Labhāmi sabbamevetaṃ , buddhapūjāyidaṃ phalaṃ .
23.
‘‘ Dāsīgaṇaṃ dāsagaṇaṃ , nāriyo samalaṅkatā ;
Labhāmi sabbamevetaṃ , buddhapūjāyidaṃ phalaṃ .
24.
‘‘ Koseyyakambaliyāni , khomakappāsikāni ca ;
Labhāmi sabbamevetaṃ , buddhapūjāyidaṃ phalaṃ .
25.
‘‘ Navavatthaṃ
M2.86V2.85 navaphalaṃ , navaggarasabhojanaṃ ;Labhāmi sabbamevetaṃ , buddhapūjāyidaṃ phalaṃ .
26.
‘‘ Imaṃ khāda imaṃ bhuñja , imamhi sayane saya ;
Labhāmi sabbamevetaṃ , buddhapūjāyidaṃ phalaṃ .
27.
‘‘ Sabbattha pūjito homi , yaso abbhuggato mama ;
Mahāpakkho sadā homi , abhejjapariso sadā ;
Ñātīnaṃ uttamo homi , buddhapūjāyidaṃ phalaṃ .
28.
‘‘ Sītaṃ
T2.142 uṇhaṃ na jānāmi , pariḷāho na vijjati ;Atho cetasikaṃ dukkhaṃ , hadaye me na vijjati .
29.
‘‘ Suvaṇṇavaṇṇo hutvāna , saṃsarāmi bhavābhave ;
Vevaṇṇiyaṃ na jānāmi , buddhapūjāyidaṃ phalaṃ .
30.
‘‘ Devalokā cavitvāna , sukkamūlena codito ;
Sāvatthiyaṃ pure jāto , mahāsāle suaḍḍhake .
31.
‘‘ Pañca kāmaguṇe hitvā , pabbajiṃ anagāriyaṃ ;
Jātiyā sattavassohaṃ , arahattamapāpuṇiṃ .
32.
‘‘ Upasampādayī buddho , guṇamaññāya cakkhumā ;
Taruṇo pūjanīyohaṃ , buddhapūjāyidaṃ phalaṃ .
33.
‘‘ Dibbacakkhu visuddhaṃ me , samādhikusalo ahaṃ ;
Abhiññāpāramippatto , buddhapūjāyidaṃ phalaṃ .
34.
‘‘ Paṭisambhidā anuppatto , iddhipādesu kovido ;
Dhammesu pāramippatto , buddhapūjāyidaṃ phalaṃ .
35.
‘‘ Tiṃsakappasahassamhi
P2.444 , yaṃ buddhamabhipūjayiṃ ;Duggatiṃ nābhijānāmi , buddhapūjāyidaṃ phalaṃ .
36.
‘‘ Kilesā jhāpitā mayhaṃ , bhavā sabbe samūhatā ;
Nāgova bandhanaṃ chetvā , viharāmi anāsavo .
37.
‘‘ Svāgataṃ vata me āsi , mama buddhassa santike ;
Tisso vijjā anuppattā , kataṃ buddhassa sāsanaṃ .
38.
‘‘ Paṭisambhidā
T2.143M2.87V2.86 catasso , vimokkhāpi ca aṭṭhime ;Chaḷabhiññā sacchikatā , kataṃ buddhassa sāsanaṃ .
Itthaṃ sudaṃ āyasmā tikaṇikārapupphiyo thero imā
Gāthāyo abhāsitthāti .
Tikaṇikārapupphiyattherassāpadānaṃ paṭhamaṃ .
2. Ekapattadāyakattheraapadānaṃ
39.
‘‘ Nagare haṃsavatiyā , kumbhakāro ahosahaṃ ;
Addasaṃ virajaṃ buddhaṃ , oghatiṇṇamanāsavaṃ .
40.
‘‘ Sukataṃ mattikāpattaṃ , buddhaseṭṭhassadāsahaṃ ;
Pattaṃ datvā bhagavato , ujubhūtassa tādino .
41.
‘‘ Bhave nibbattamānohaṃ , soṇṇathāle labhāmahaṃ ;
Rūpimaye ca sovaṇṇe , taṭṭike ca maṇīmaye .
42.
‘‘ Pātiyo paribhuñjāmi , puññakammassidaṃ phalaṃ ;
Yasānañca dhanānañca [ yasasāva janānañca ( syā .)], aggabhūto [ pattabhūto ( sī . pī .)] ca homahaṃ .
43.
‘‘ Yathāpi bhaddake khette , bījaṃ appampi ropitaṃ ;
Sammādhāraṃ pavacchante , phalaṃ toseti kassakaṃ .
44.
‘‘ Tathevidaṃ pattadānaṃ , buddhakhettamhi ropitaṃ ;
Pītidhāre pavassante , phalaṃ maṃ tosayissati .
45.
‘‘ Yāvatā khettā vijjanti , saṅghāpi ca gaṇāpi ca ;
Buddhakhettasamo natthi , sukhado sabbapāṇinaṃ .
46.
‘‘ Namo
T2.144 te purisājañña , namo te purisuttama ;Ekapattaṃ daditvāna , pattomhi acalaṃ padaṃ .
47.
‘‘ Ekanavutito kappe , yaṃ pattamadadiṃ tadā ;
Duggatiṃ nābhijānāmi , pattadānassidaṃ phalaṃ .
48.
‘‘ Kilesā
V2.87 jhāpitā mayhaṃ … pe … viharāmi anāsavo . 49.
‘‘ Svāgataṃ
M2.88 vata me āsi … pe … kataṃ buddhassa sāsanaṃ . 50.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā ekapattadāyako thero imā gāthāyo
Abhāsitthāti .
Ekapattadāyakattherassāpadānaṃ dutiyaṃ .
3. Kāsumāraphaliyattheraapadānaṃ
51.
‘‘ Kaṇikāraṃva
P2.445 jotantaṃ , nisinnaṃ pabbatantare ;Addasaṃ virajaṃ buddhaṃ , lokajeṭṭhaṃ narāsabhaṃ .
52.
‘‘ Pasannacitto sumano , sire katvāna añjaliṃ ;
Kāsumārikamādāya , buddhaseṭṭhassadāsahaṃ .
53.
‘‘ Ekatiṃse ito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
54.
‘‘ Kilesā
T2.145 jhāpitā mayhaṃ … pe … viharāmi anāsavo . 55.
‘‘ Svāgataṃ vata me āsi … pe … kataṃ buddhassa sāsanaṃ .
56.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā kāsumāraphaliyo thero imā gāthāyo
Abhāsitthāti .
Kāsumāraphaliyattherassāpadānaṃ tatiyaṃ .
4. Avaṭaphaliyattheraapadānaṃ
57.
‘‘ Sahassaraṃsī bhagavā , sayambhū aparājito ;
Vivekā uṭṭhahitvāna , gocarāyābhinikkhami .
58.
‘‘ Phalahattho
V2.88 ahaṃ disvā , upagacchiṃ narāsabhaṃ ;Pasannacitto sumano , avaṭaṃ adadiṃ phalaṃ .
59.
‘‘ Catunnavutito
M2.89 kappe , yaṃ phalaṃ adadiṃ tadā ;Duggatiṃ nābhijānāmi , phaladānassidaṃ phalaṃ .
60.
‘‘ Kilesā jhāpitā mayhaṃ … pe … viharāmi anāsavo .
61.
‘‘ Svāgataṃ vata me āsi … pe … kataṃ buddhassa sāsanaṃ .
62.
‘‘ Paṭisambhidā
T2.146 catasso … pe … kataṃ buddhassa sāsanaṃ ’’.Itthaṃ sudaṃ āyasmā avaṭaphaliyo thero imā gāthāyo
Abhāsitthāti .
Avaṭaphaliyattherassāpadānaṃ catutthaṃ .
5. Pādaphaliyattheraapadānaṃ
63.
‘‘ Suvaṇṇavaṇṇaṃ sambuddhaṃ , āhutīnaṃ paṭiggahaṃ ;
Rathiyaṃ paṭipajjantaṃ , pādaphalaṃ [ vāraphalaṃ ( sī .), cāraphalaṃ ( syā .), pāraphalaṃ ( pī .)] adāsahaṃ .
64.
‘‘ Ekanavutito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
65.
‘‘ Kilesā
P2.446 jhāpitā mayhaṃ … pe … viharāmi anāsavo . 66.
‘‘ Svāgataṃ vata me āsi … pe … kataṃ buddhassa sāsanaṃ .
67.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā pādaphaliyo thero imā gāthāyo
Abhāsitthāti .
Pādaphaliyattherassāpadānaṃ pañcamaṃ .
6. Mātuluṅgaphaladāyakattheraapadānaṃ
68.
‘‘ Kaṇikāraṃva
T2.147V2.89 jalitaṃ , puṇṇamāyeva candimaṃ ;Jalantaṃ dīparukkhaṃva , addasaṃ lokanāyakaṃ .
69.
‘‘ Mātuluṅgaphalaṃ
M2.90 gayha , adāsiṃ satthuno ahaṃ ;Dakkhiṇeyyassa vīrassa [ dhīrassa ( sī .)], pasanno sehi pāṇibhi .
70.
‘‘ Ekatiṃse ito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
71.
‘‘ Kilesā jhāpitā mayhaṃ … pe … viharāmi anāsavo .
72.
‘‘ Svāgataṃ vata me āsi … pe … kataṃ buddhassa sāsanaṃ .
73.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā mātuluṅgaphaladāyako thero imā
Gāthāyo abhāsitthāti .
Mātuluṅgaphaladāyakattherassāpadānaṃ chaṭṭhaṃ .
7. Ajeliphaladāyakattheraapadānaṃ
74.
‘‘ Ajjuno [ ajino ( syā .)] nāma sambuddho , himavante vasī tadā ;
Caraṇena ca sampanno , samādhikusalo muni .
75.
‘‘ Kumbhamattaṃ
T2.148 gahetvāna , ajeliṃ [ añjaliṃ ( syā .), ajelaṃ ( pī .)] jīvajīvakaṃ ;Chattapaṇṇaṃ gahetvāna , adāsiṃ satthuno ahaṃ .
76.
‘‘ Catunnavutito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
77.
‘‘ Kilesā jhāpitā mayhaṃ … pe … viharāmi anāsavo .
78.
‘‘ Svāgataṃ vata me āsi … pe … kataṃ buddhassa sāsanaṃ .
79.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā ajeliphaladāyako thero imā
Gāthāyo abhāsitthāti .
Ajeliphaladāyakattherassāpadānaṃ sattamaṃ .
8. Amodaphaliyattheraapadānaṃ
80.
‘‘ Suvaṇṇavaṇṇaṃ
M2.91V2.90P2.447 sambuddhaṃ , āhutīnaṃ paṭiggahaṃ ;Rathiyaṃ paṭipajjantaṃ , amodamadadiṃ phalaṃ .
81.
‘‘ Ekanavutito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
82.
‘‘ Kilesā jhāpitā mayhaṃ … pe … viharāmi anāsavo .
83.
‘‘ Svāgataṃ
T2.149 vata me āsi … pe … kataṃ buddhassa sāsanaṃ . 84.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā amodaphaliyo thero imā gāthāyo
Abhāsitthāti .
Amodaphaliyattherassāpadānaṃ aṭṭhamaṃ .
9. Tālaphaladāyakattheraapadānaṃ
85.
‘‘ Sataraṃsī nāma bhagavā , sayambhū aparājito ;
Vivekā vuṭṭhahitvāna , gocarāyābhinikkhami .
86.
‘‘ Phalahattho ahaṃ disvā , upagacchiṃ narāsabhaṃ ;
Pasannacitto sumano , tālaphalaṃ adāsahaṃ .
87.
‘‘ Catunnavutito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
88.
‘‘ Kilesā jhāpitā mayhaṃ … pe … viharāmi anāsavo .
89.
‘‘ Svāgataṃ vata me āsi … pe … kataṃ buddhassa sāsanaṃ .
90.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ
T2.150 sudaṃ āyasmā tālaphaladāyako thero imā gāthāyoAbhāsitthāti .
Tālaphaladāyakattherassāpadānaṃ navamaṃ .
10. Nāḷikeraphaladāyakattheraapadānaṃ
91.
‘‘ Nagare
M2.92V2.91 bandhumatiyā , ārāmiko ahaṃ tadā ;Addasaṃ virajaṃ buddhaṃ , gacchantaṃ anilañjase .
92.
‘‘ Nāḷikeraphalaṃ gayha , buddhaseṭṭhassadāsahaṃ ;
Ākāse ṭhitako santo , paṭiggaṇhi mahāyaso .
93.
‘‘ Vittisañjanano
P2.448 mayhaṃ , diṭṭhadhammasukhāvaho ;Phalaṃ buddhassa datvāna , vippasannena cetasā .
94.
‘‘ Adhigacchiṃ tadā pītiṃ , vipulañca sukhuttamaṃ ;
Uppajjateva ratanaṃ , nibbattassa tahiṃ tahiṃ .
95.
‘‘ Ekanavutito kappe , yaṃ phalaṃ adadiṃ tadā ;
Duggatiṃ nābhijānāmi , phaladānassidaṃ phalaṃ .
96.
‘‘ Dibbacakkhu visuddhaṃ me , samādhikusalo ahaṃ ;
Abhiññāpāramippatto , phaladānassidaṃ phalaṃ .
97.
‘‘ Kilesā jhāpitā mayhaṃ … pe … viharāmi anāsavo .
98.
‘‘ Svāgataṃ vata me āsi … pe …
T2.151 kataṃ buddhassa sāsanaṃ . 99.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā nāḷikeraphaladāyako thero imā
Gāthāyo abhāsitthāti .
Nāḷikeraphaladāyakattherassāpadānaṃ dasamaṃ .
Kaṇikāravaggo ekapaññāsamo .
Tassuddānaṃ –
Kaṇikārekapattā ca , kāsumārī tathāvaṭā ;
Pādañca mātuluṅgañca , ajelīmodameva ca .
Tālaṃ tathā nāḷikeraṃ , gāthāyo gaṇitā viha ;
Ekaṃ gāthāsataṃ hoti , ūnādhikavivajjitaṃ .