8. Devāsurasaṅgāmasuttavaṇṇanā
39. Aṭṭhame samupabyūḷho ahosīti paccupaṭṭhito ahosi .
Saṅgāmeyyāmāti saṅgāmaṃ kareyyāma yujjheyyāma .
Apayiṃsuyevāti palāyiṃsuyeva .
Uttarenābhimukhāti uttarāmukhā hutvā .
Abhiyante vāti
P4.202 anubandhantiyeva .Bhīruttānagatenāti bhīruttānaṃ bhayanivāraṇaṃ patiṭṭhānaṃ gatena .
Akaraṇīyāti yuddhena kiñci akattabbā .
Dakkhiṇenābhimukhāti dakkhiṇāmukhā hutvā .
Apadaṃ vadhitvāti nippadaṃ niravasesaṃ vadhitvā .
Adassanaṃ gatoti māropi vaṭṭapādakaṃ katvā rūpāvacaracatutthajjhānaṃ
M3.282 samāpannassa cittaṃ jānāti , tadeva vipassanāpādakaṃ katvā samāpannassa cittaṃ jānāti .
Arūpāvacarasamāpatti panaV3.280 vaṭṭapādā vā hotu vipassanāpādāP4.203 vā , taṃ samāpannassa māro cittaṃ na jānāti .
Tena vuttaṃ –
‘‘ adassanaṃ gato pāpimato ’’ ti .