2. Saupādisesasuttavaṇṇanā
12. Dutiye saupādisesan ti saupādānasesaṃ .
Anupādisesan ti upādānasesarahitaṃ niggahaṇaṃ .
12. Dutiye saupādisesan ti saupādānasesaṃ .
Anupādisesan ti upādānasesarahitaṃ niggahaṇaṃ .
Mattaso kārīti pamāṇakārī na paripūrakārī .
Na tāvāyaṃ , sāriputta , dhammapariyāyo paṭibhāsīti appaṭibhānaṃ nāma bhagavato natthi , na tāvāhaṃ imaṃ dhammapariyāyaṃ kathesinti ayaṃ panettha
V3.263 attho .Māyimaṃ dhammapariyāyaṃ sutvā pamādaṃ āhariṃsūti ‘‘ mayaṃ kira catūhi apāyehi muttā ’’ ti upari arahattatthāya vīriyaṃ akarontā mā pamādaṃ āpajjiṃsu .
Pañhādhippāyena bhāsitoti tayā pucchitapañhassa sabhāvena
M3.265 kathitoti dasseti .Imesaṃ pana navannaṃ puggalānaṃ bhavesu chandarāgavinodanatthaṃ etameva atthuppattiṃ katvā –
‘‘ seyyathāpi , bhikkhave , appamattakopi gūtho duggandho hoti , evameva kho khvāhaṃ , bhikkhave , appamattakampi bhavaṃ na
P4.175 vaṇṇemi antamaso accharāsaṅghātamattampī ’’ ti imaṃ suttaṃ ( a . ni .1.321) abhāsi .
Na kevalañca etesaṃyeva navannaṃ puggalānaṃ gati nibaddhā , yesaṃ pana kulānaṃ tīṇi saraṇāni pañca sīlāni ekaṃ salākabhattaṃ ekaṃ pakkhiyabhattaṃ ekaṃ vassāvāsikaṃ ekā pokkharaṇī eko āvāso , evarūpāni nibaddhapuññāni atthi .
Tesampi gati nibaddhā , sotāpannasadisāneva tāni kulāni .