3. Pañhāpucchakaṃ
427. Cattāro
M0.223 sammappadhānā – idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati , uppannānaṃ pāpakānaṃ akusalānaṃ dhammānaṃ pahānāya … pe … anuppannānaṃ kusalānaṃ dhammānaṃ uppādāya … pe … uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāyaT0.290 bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati . 428. Catunnaṃ sammappadhānānaṃ kati kusalā , kati akusalā , kati abyākatā … pe … kati saraṇā , kati araṇā ?
1. Tikaṃ
429. Kusalāyeva
V0.241 .Siyā sukhāya vedanāya sampayuttā , siyā adukkhamasukhāya vedanāya sampayuttā .
Vipākadhammadhammā
P0.215 .Anupādinnaanupādāniyā .
Asaṃkiliṭṭhaasaṃkilesikā .
Siyā savitakkasavicārā , siyā avitakkavicāramattā , siyā avitakkaavicārā .
Siyā pītisahagatā , siyā sukhasahagatā , siyā upekkhāsahagatā .
Neva dassanena na bhāvanāya pahātabbā .
Neva dassanena na bhāvanāya pahātabbahetukā .
Apacayagāmino .
Sekkhā .
Appamāṇā .
Appamāṇārammaṇā .
Paṇītā .
Sammattaniyatā .
Na maggārammaṇā .
Maggahetukā .
Siyā maggādhipatino , siyā na vattabbā maggādhipatinoti .
Siyā uppannā , siyā anuppannā , na vattabbā uppādinoti .
Siyā atītā , siyā anāgatā , siyā paccuppannā .
Na vattabbā atītārammaṇātipi , anāgatārammaṇātipi , paccuppannārammaṇātipi .
Siyā ajjhattā , siyā bahiddhā , siyā ajjhattabahiddhā .
Bahiddhārammaṇā .
Anidassanaappaṭighā .
2. Dukaṃ
430. Na hetū .
Sahetukā .
Hetusampayuttā .
Na vattabbā hetū ceva sahetukā cāti , sahetukā ceva na ca hetū .
Na vattabbā hetū ceva hetusampayuttā cāti , hetusampayuttā ceva na ca hetū .
Na
M0.224 hetū sahetukā .Sappaccayā .
Saṅkhatā .
Anidassanā .
Appaṭighā .
Arūpā
T0.291 .Lokuttarā .
Kenaci viññeyyā , kenaci na viññeyyā .
No āsavā .
Anāsavā .
Āsavavippayuttā .
Na vattabbā āsavā ceva sāsavā cātipi , sāsavā ceva no ca āsavātipi .
Na vattabbā āsavā ceva āsavasampayuttā cātipi , āsavasampayuttā ceva no ca āsavātipi .
Āsavavippayuttā .
Anāsavā .
No saṃyojanā … pe … no ganthā … pe … no oghā … pe … no yogā … pe … no nīvaraṇā … pe … no parāmāsā … pe … sārammaṇā .
No cittā .
Cetasikā .
Cittasampayuttā .
Cittasaṃsaṭṭhā .
Cittasamuṭṭhānā .
Cittasahabhuno .
Cittānuparivattino .
Cittasaṃsaṭṭhasamuṭṭhānā .
Cittasaṃsaṭṭhasamuṭṭhānasahabhuno .
Cittasaṃsaṭṭhasamuṭṭhānānuparivattino .
Bāhirā .
No upādā .
Anupādinnā .
No upādānā … pe … no kilesā … pe … na dassanena pahātabbā .
Na bhāvanāya pahātabbā .
Na dassanena pahātabbahetukā .
Na bhāvanāya pahātabbahetukā .
Siyā savitakkā , siyā avitakkā
V0.242 .Siyā savicārā , siyā avicārā .
Siyā sappītikā , siyā appītikā .
Siyā pītisahagatā , siyā na pītisahagatā .
Siyā sukhasahagatā , siyā na sukhasahagatā .
Siyā upekkhāsahagatā , siyā na upekkhāsahagatā .
Na kāmāvacarā .
Na rūpāvacarā .
Na arūpāvacarā .
Apariyāpannā .
Niyyānikā .
Niyatā .
Anuttarā .
Araṇāti .
Pañhāpucchakaṃ .
Sammappadhānavibhaṅgo niṭṭhito .